أفخم وأكبر صالات المنطقة الرابعة .

السلام عليكم…

شلونكم عرايس إن شاء الله بخير…

ما عندي غير بنات كويتيات يساعدوني بهالسالفه

إن شاء الله عرس أخوي قريب…

وللحين ما حجزنا صالات العرس

من تجاربكم… شنو أحلى وأكبر الصالات في المنطقة الرابعة

( العارضية – الأندلس – الرقعي – الفردوس – العمرية – الفروانية – صباح الناصر إلخ إلخ …

للرجال والنساء

بانتظار مساعداتكم

والفال لكم ياااارب

حياج الله عشماوية
عندج فندق سفير الرقعي وصالة بالعارضية وفي بالصليبخات أكثر من وحدة

سفير الرقعي حياتي

سفير الرقعي…………قاعة التحرير
صالة الرقعي……………فخمة بس مو وايد كبيرة
الخرينج…………كبيرة حيييييييييييييل

حبيبتي عندج صاله بالجليب الشويخ عند الحديقه كبيره حيل وعندج خيطان في صاله جديد يقولون وكبيره حييل
وعتدج صاله جديد بالعارضيه رحت لها حلوه بس كبيره بعد انتي روحي شوفيها جديد دخل المنطقه
حبيبتي بعد عندج صاله ثانيه جديد باشبيليه صاله نايف المطيري حلوه وكبيره بعد وصاله ثانيه عندج صاله سهو المطيري للي بصباح الناصر
بس في بعد بس ما اذكر ان شاء الله البنات يذكرونج فيهم

الاكبر

فندق سفير الرقعي قاعة التحرير

الاحلى بنظري

السهو بصباح الناصر

اما الباجين لوعة…مثل الخرينج ماتشوفين فيها شي والفروانيه بالسرداب وعواميد والعمريه بالسرداب وصغيره والعارضيه ما ادري اشلون صايره احس غلط في غلط

سفييييييييييييييييييييييييييير الرقعي

قاعة التحرير

حبيتي لا تربطين نفسج بالمنطقه رابعه في صالات احلى مناطق ثانيه بمستوى الفنادق

حبيبتي عندج سفير الرقعي قاعة التحرير

وبالسره صاله الجيعان

اشفيكم والله حلوه نايف المطيري رحتلها
فله
بس ماادري سمعت انه دوم جماماتها ماي
بس والله فله مع اني لما حضرتها لعرس كانت مو ماي الحمامات وانتم بكرامه

صالة ناصر الجيعان احلى شي

صالة الرقعي حلوه

العارضية بايخه

السهو حلوه بس صغيره

الاكبر بالحجم السفير الرقعي

ويستحسن انج تروحين تاخذين فره وتشوفين اللي يناسبج