أعاني من سيلان اللعاب أول ما أقعد من النوم .

السلام عليكم ورحمة الله وبركاته
أنا أعاني من سيلان اللعاب أثناء النوم وأول ما أقعد بعد ….شنو تنصحوني فيه ؟؟ الصراحه هذي المشكلة مسويتلي احراج كبير …اللي تعرف شيء عن هالموضوع لا تبخل علي …

ناطرة ردودكم ,,,

اختي مشكلتنا اننا دائشما " كسولين " بخصوص الرياضة او الصحه .. نصيحه لج روحي لأقرب مستوصف فهم الادرى مننا بكل حال من الاحوال .. انا على حد علمي ان اللي فيه سيلان لعاب فهو فيه دود ببطنه والله اعلم .. على اقرب دكتور حبوبه

روحي الطبيب

اعرف وحده كانت تعاني نفس مشكلتج

وقالها ادلكتور انها محتاجه للتقويم

حبيبتي مشكلتج متعلقة جدا جدا بالغدة يمكن فيها خلل راجعي الطبيب باسرع وقت

وانا أنصحج بعد تراجعين الطبيب ..

ولا تنسين طمنينا عليج

حبيبتي عيالي نفسج
ووديتهم الطبيب طلعت عندهم مشاكل بالانف مع اني ما لاحظت الشي هذا
صعوبة التنفس تخليهم يفتحون حلوجهم وبعدها تشوفين مخادهم فيها لعاب

احد الاسباب بروز الاسنان الاماميه او الفك الامامي فيصير ان الشفايف ما تتسكر عدل اثناء النوم

اي واللــــــــــــــــــــــه نبي حل

حبيبتي لوحامل ترى عادي انا كنت اسبح بلعابي واغرق المخده بس ولدت وراح هالشي الحمدلله

هذي مشكلتي حتي انا
بس يمكن عني انا مثل ما قالو البنات بسبب الاسنان او انا الحين حاطة تقوين يعني اذا على السنان ان شاءالله انحلت
روحي الطبيب
ماجوفين شر

رجعلي الطبيب احسن لج علشان يعرف مشكلتج
وما تشوفين شر

انا اشتغل بالمجال الطبي واقولج انه سيلان اللعاب له عدة اسباب منها مثل ما اذكروا البنات الاسنان والتقويم ومنها انه يكون عندج مشكله بالكبد روحي الطبيب ولا تهملين عمرج وماتشوفين شر

اول مرا ادري ان سلان اللعاب في النوم يعني مشكله !!!!!!!!!!!!!!

ما كنت اعاني منها كلش بس الفترا الاخيره صرت اعاني منها واستغرب من نفسي شفيني مو حاسه بعمري !!!

بس مع هذا طلعت لي مشكله في الانف التهاب ممكن بسبب الالتهاب في الانف صاحبه هل شي …

ياربي عيزت وانا ارقع بنفسي اصلح شي يطلع لي شي ثاني .. . : /