أريــــــــــد حــــــــــــلا"

علاقتي مع باقي عايلة زوجي ما فيها مشاكل يزروني وازورهم لما تسافر خالتي طبعا وكل شي طبيعي..بعد السنه وبعد عددة محاولات من قبل أخوانه ردت علاقه زوجي بوالدته طبيعيه الحمدالله وتحسنت نفسيته بس كان شرط خالتي ان ما تبي تشوفني او تعرفني وكأني مو موجوده مع العلم انها انسانه مؤمنه وانا يتيمه وما عندي إخوان. الله يسامحها.

خلال اول سنه حملت و زوجي طار فيني بس للاسف طلع خارج الرحم وطلب مني دكتوار بعدم تكرر المحاوله لمده 6 اشهر .. وبعد ما مضت المدة طلب مني زوجي تأجيل موضوع الاطفال لين يخلص دراسة يعني مدة سنه ما كان عندي اعتراض وقلت ليش العجله الحياه جدامنا … ومضت السنه وخلص دارسه وبديت المشاكل وتغير كلامه !!! بدء يقول انه ما يفكر بالعيال وما يدري متى راح يفكر او يقرر ومو حاس نفسه انه ممكن يكون أب في الوقت الحالي وانه هذا قرار لازم ناخذه احنا الاثنين…مع العلم ان صار عمري 31 سنه وانا اكبر منه بثلاث سنوات بعد..
حاولت اقناعه ان فرص الحمل تقل عند المرأة كل ما تقدمت بالعمر وان هذي سنه الحياه والله خلقني امرأه لأكون أم ماكو فايده جربت معه كل طرق الي تتخيلونها هم ماكو فايده

حتى بعض ما مضى على زواجنا 3 سنين ماقادره اقنعه لدرجه اني مليت اتكلم في موضوع …مع العلم انه شخص حنوان ويحب اليهال ويعاملني زين وماكوعلي قاصر… كله مجابلني طالعته وسفراته دايمن معي وما يسوي شي من غير ما يستشيرني … وعلاقتنا وايد زاينه الحمدالله
حاولت اصرف نظري عن الموضوع واصبر، اكتشفت ان صبر فاق قدرتي على تحمل …. عمري ما شكيته اهله وما بي ادخل احد بينا خصوصا انه امه للحين ما تبيني
والله انه قلبي يتقطع كل ما اشوف ياهل ماقادرة احاس بأمان …حاسه في يوم بينتهي كل شي وابقى وحيده… وان زوجي عايش معي حق وناسته وبس وبنفس الوقت ما اقدر اتخيل حياتي من غيره.. وما عندي القوه بأخذ اي قرار

تعبت نفسيتي وايدددددددددد بنات ارجوكم فيدوني شنو اسوي انا بحاجة حق نصيحة