أرجوكم افيدوني

السلام عليكم جميعاً ..

حبيباتي انا الصراحه مقدمه اوراقي على القطاع الخاص ..

وسالفتي طويله ..

المهم الحين انا من جم سنه سجلت بالديوان وماراجعتهم ..

المهم على بو اني بخاطري القطاع الخاص ..

ييت من شوي ولا اسجل بديوان الخدمه عل السايت مالهم ..

دخلت رقمي المدني والموبايل ولا اشوف هالكلام

نهنئكم بالترشيح إلى
وزارة الداخلية
يرجى مراجعة الجهة المرشح لها خلال خمسة عشر يوما من تاريخ النشر فى جريدة الكويت اليوم

هذا شنو يعني بالظبط ياريت تفيدوني واكون شاكرة لكم ..

يعني اروح بعد 15 يوم من تاريخ التسجيل هني ولا شنو بالظبط ترى مادري عن هوا داري والله

بإنتظار مساعدتكم لي وشاكرتلكم مقدماً حبيباتي ..

شوفي

اذا انتي تبين تتوظفين بالداخليه روحي سوي مباشرة عمل

و اذا ماتبين الداخليه

روحي الديوان ورفضي

بس تروحين خلال 15 يوم

يعطيج العافيه حبيبتي على الرد

انزين واذا انا مابي الداخليه وسويت رفض اقدر بنفس الوقت اقولهم ابي مكان ثاني ولا مايصير

بنات تخيلوا جيكت على اسمي ولا انا من اللي مسجلين بالفتره (مكتوب بالفتره السادسة عشر)

تخيلوا هالحجي كله بسنة 2024 @@ والله وانا ولا تحركت ولا ادري عن شي والبرود كله مني انا كله من الكسل والرفاهيه والبرود اللي انا فيه ..

جان الحين متوظفه ومعدله أموري ..

أدعولي بنات إن شاءالله انقبل بالمكان الي انا ابيه يارب ..

وسامحوني على قرقتي هني لأنه ماعندي غيركم والله وخصوصا بعد الصدمه الي من جم سنه وانا حضرتي قاعده أدور على قطاع خاص من كثر نطرت الديوان !!!

الله يوفقج ويوفقني ان شاء الله في الوظيفة السنعة اللي تبرد الجبد

اللهم آمين يا رب العالمين

آمييين يارب العالمين ..

مشكوره حبيبتي ..

وعسى الله يوفقج ويوفق الجميع إن شاءالله ..

وبإذن الله راح تحصلين الوظيفه الي تبينها ..