أخوي داون كاسر ظهري الله يساعده

السلام عليكم
آنا عندي أخوي معاق متلازمة الداون والله يابنات يكسر الخااااااطر تصورو عمره 9 سنوات و ما يروح للحمام يسويها على نفسه ونلبسه حفاظ و ما يتكلم ما اجذب عليكم إحنا حييييييييل مقصرين معاه بس تخيلو لا مدرسه و لا معاش و لا أي شي لا تقولون ما يصير لأنه غيييير كويتي و ما يتكلم و عنييييييف بشكل مو طبيعي محبوس 24 ساعه بالبيت و الله ما يروح إلا يمكن بس مستوصف مستشفى تخيلو حتى بيت عمامي او خوالي ما يروح عشان الناس ما ترحم نظراتهم و أسلوبهم معاه و مرات يعطون نظرات وناسه مثل أحس زين يصير فيهم مع إنا و أقسم بالله طيبين زياده عن اللزوم بس ليش جذي ماأدري و أنا ماأحب أشوف أمي بهالحال شكلها مكسوووووره حيل منه أنا عن نفسي والله العظيم لو أعطيه روحي هديه ما أتردد ودي أشوف نفس بعض الفئات منهم س هذول أهلهم مأسسينهم ودكاتره بنات تعتقدون في أمل بعد الله إنه تصير تصرفاته أحسن من جذي و على هالظروف القاااااسيه و المره اللي نعاني منها وشلون وكيف أبي طرق أشلون ادخله الحمام و ماأخليه يسويها على نفسه و يصير أعقل من جذي بالله اللي تقرأ هالموضوع تدعي من كل قلبها إن حاله و حالنا يتعدل بالله يا بنات والله يشفي مرضانا و مرضاكم أنتظر ردودكم

وعليكم السلام

هلا يالغالية

اخذي التقارير الطبية كلها والأوراق والرسمية للأب والأخ ولج وروحي الهيئة العامة لذوي الإعاقة وقدمي على شهادة اثبات الإعاقة وراح بإذن الله يساعدونكم ببعض الإمتيازات.

الله يكون بعونكم وعونه بس انتم مقصرين معاه حيييل
ليش جذي طفل الدون طفل ذكي وبسرعه يتعلم ابدي معاه
وحاولو تسولفون معاه ويحس انكم مهتمين فيه ولاتقولين مايفهم
اهو يحس انتي ابدي وياه ومهما طالت المده راح يتعلم حاولو باي طريقه
تخلونه يعتمد على نفسه وطلعوه لاتحبسونه ودوه للبحر للحدايق للبر بس ديرو بالكم عليه
زياده .وفيه مدارس متخصصه لداون ومثل ماقالت الصابره قدموله على اثبات اعاقه وبعدين
هم راح يدلونكم.بس انتي اخته اكسبي اجره وعلميه دامج عنده قبل لاتتزوجين وتلهين عنه
وراح ربج يرزقج بسبته ان شاء الله.

الانسان الطبيعي ما يتحمل يقعد بالبيت على طول شلون اللي مو قادر يتكلم والا يعبر
لا تقولين غير كويتي مظلوم او ما عنده حقوق وامتيازات والله في مراكز انا ادفع 200 دينار والغير كويتي بلاش يداوم بس انتوا عاد لازم تتحركون ودورون مكان زين حق ولدكم حرام أطفال الداون يتعلمون بسرعه
شوفي مركز عبير 2 في الزهراء ما يقصرون

الله يعينه ويعينكم ويفرج همكم

:eh_s (2):

شوفي حبيبتي العنف من الغضب الداخلي والرفض للحبس اللي فيه ومو عارف يعبر

اول شي قبل ماتسوين اي شي لازم تطلعينه يروح الجمعية الالعاب الحديقة البحر خل يلعب ويركض ويطل الطاقة اللي فيه

بعدين عطوه وقت يكون تتكلمون معاه وخلوه يردد وراكم علي الاقل الاشياء الاساسية

بعدين قلوا هالبامبرز اول الايام كل نص ساعة ودوه وشوي شوي تطولون لين بس بليل

ميخالف تتعبون شوي بس يتطور وايد

وانا نتاكدة لو ماتحبينه جان ماسالتي واهتميتي

حبيتي انتم غلطانيين شنوووو نظرات الناس ماترحم لا بالعكس الناس تدري ان الله يحبكم ورزقكم بالولد هذا انا عندي اخووي داون مااحرك سيارتي الا معانا ومالي شغل بالناس وبالعكس كل مارحنا مكان يسلمون عليه ويبتسمون له والحمدالله هذا افضل نعمه ننحسد عليها لانه دخل في بيتنا البركه عسي ربي يخليه لنا والحمام عزج الله شوي شوي يتعلم بس يبله صبر

مقعدينه بالبيت عشان نظرات الناااس؟
من زززينهم عاااد
اهوا مايخلوون احد بحااااله صاااحي او مو صااحي
لوو على جذي كلنا ينقعد بالبيت
اشتروا راااحته
وودوه الممشى او الحديقه العاامه خلوووه يفرغ الطاقه الي فيه
شيء طبيعي بيكون عصبي هذا صبي يعني عنده طااااقه محتاج يطلعهااا فقاعد يطلعها عليكم بالعنف
ووفي مراكز تطووعيه يستقبلوووونه من غير رسوووم
ووديه
خليهم اهما يعلموووونه لانهم دارسين وومتعلمين وومتخصصين بهالاموور
يعرفوون شلوون يمشون معاه ووحده بووحده
وويعلمووونه يعتمد على نفسه
انتي بتنشغلين بحياااتج وواهلج بينشغلووون حرام تخلونه يعتمد عليكم اعتماد كلي مو زينه لكم ولا له

عسى الله يشفيه يارب ويتبدل للاحسن يارب العالمين

انا مع البنات حبوبه

مو زين تحبسونه لازم تطلعونه روحو الحديقه او ايه مكا لازم تخذونه علي شنو بيفشلكم ما راح يفشلكم

وهذا ولدكم كسبوو فيه اجااار

الله يشفيييه حبيبتي

بس لييييش حااابسييينه جذذذي … تدرررين الله رااح يحاسبكم علييه ؟؟

بعدددين الله ما ابتلاكم الله من حبه لكم .. و هذا اختبار من رب العاالمين و لاازم انتي و امج تنجحون فييه

رووحي مركز عبير 2 .. حطووهم مره مع العبدالجليل و شكله خووش مرركز

و الاعاااقه و المررض ماا يعررف كويتي و غير كويتي

الله يشفيه ويرحم ضعفه ويسخركم له ويبدل حالكم للاحسن لااتخلونه تكفيييييييييييين حاولو المستحيل عشانه

حرام شعليكم من نظرة الناس وكلامهم ترى لصار فيه شي هم ماينفعونكم

هذا طين جنه ماله ذنب شنو ماتطلعونه ولاتهتمون فيه..!

حرام عطوه من وقتكم شوي طلعوه حاولوا تغيرون عليه جوء شوي شوي خلوه يندمج بالمجتمع ومع الناس ترآه بالاول والاخير انسان والروح تبي الارواح

انتوا علاجه بيدكم اذا دمجتوه بينكم صدقيني بيندمج بالمجتمع حاولي تسولفين معاه شوي

حاولي تعودينه على الحمام بطرق واساليب تناسب عقليته

دوم حمسوه وشجعوه لاراح الحمام الله يكرم الجميع

صدقيني علاجه بيدكم تراه هديه من هدآيا الرحمن حافظوا عليه هو برقبتكم

لاتسمحون للناس او اي احد يهزكم شعليكم منهم كسروا عيونهم

والي بيطيع الناس بيضيع والله يكون بعونكم ويسخر قلوبكم

والله يسعدج يارب ويعينج على تربية اخوج التربيه الصالحه