أحسن مدة بين كل حمل والثاني ؟؟

السلام عليكم

بنات ابي اعرف رايكم كم المدة اللي لازم تكون بين كل حمل والثاني

ومميزاتها وعيووبها ؟؟ جم لازم يكون عمر البيبي وأفكر بالحمل ؟!

ابي أرائكم وكل شي بالنهاية قسمة ونصيب …

3 سنوات مده حلوه بنظري

أول أثنين بينهم سنتين عالأقل عشان مايضيق خلقه الأول ويتربون مع بعض

بعدين 3سنين

اول اثنين حلو يكونون متقاربين …مثل ما قالوا البنات فرق سنتين حلووو

بس بعدين لا يكون الفرق اكبر…عشان ترتاحين

خووش موضوع
بنات سؤال سنتين
يعني اذا كمل البيبي الاول سنة السنة الثانية تكون حمل ؟؟ عدل
ولا أنا غلطانة

3 سنين حلو ..
يعني لي صار عمر الياهل سنتين وشوي .. ودخل الحضانة .. وقطع البامبرز وشال عمره تحملين بالثاني ..

سنتين زين .. يعني لا صار عمر الاول سنه و 3 اشهر او سنه و 6 اشهر فكري بالحمل .. لان على ما تولدين يكون عمر الاول على السنتين او فوقها بشوي .
بس اذا صار الفرق وايد تتاذين وايد لان تنسين الربى و تردين عليه .

مشكورررين على الأفادة ومشكورة صاحبة الموضوع

سنتين حلو

الصراحه فوق بعض متعب حييل انا جربت ان يكون بين الاول والثاني سنه ونص بس تعبت انا والخدامه مو ملحقين عليهم الله يصلحهم بسالحين مفكره ان يكون بين الثاني والثالث 4او5 سنوات

حلو بين الاول والثاني على الاقل سنتين ونص

هالايام الكل يبي مدارس خاصه وكشخه وكل شي غالي وشاب نار

انا بالنسبه لي ابي فرق بينهم ( وهذا الشي بيد الله سبحانه ) عشان بدخل عيالي مدارس خاصه والله يعيننا على تربيتهم

مشكوره لصاحبة الموضوع

انا من راى بين الاول والثانى سنتين او سنة ونص الانج سوا واحد او اثنين ابتتعبين وهم يونسون بعض وبالثالث ثلاث سنوات حلو يكونون الاثنين اكبروا

انا اقول احلا شي سنتين مابينهم يعني لي ما تفطمين الأول

هني تحملين والله يرزقنا ويرزق المسلمين الذرية الصالحة

سنتين حلوووووووو يعني الاول يكون عمرة سنة او سنة وشي بعدين تحملين ليم تولدين يكون عمرة سنتين وشي .

انا بين اعيالي سنه وشهرين بس انشالله البيبي الثالث في فجه خل يكبرون الكبار على ما اييب الثالث