أحسن دكتور تجميل أنف بليييييز

السلام عليكم

بنات انا عندي عملية حق اللوز والجيوب واللحميه وفي عندي عظم الأنف محتاج تجميل عشان وايد محفور للداخل يعني خشمي بيتغير شكله وأبي واحد شاطر بعمليات تجميل الأنف عشان لا يخربط لي خشمي

منو اللي تعرف احسن دكتور تجميل أنف غير لاري

دكتور خالد الصبيح ثم عندج ركن الاستفسارات الجماليه فيه عن العمليات التجميل الانف فى نفس القسم دورى عليه وراح تستفيدين منه

حبيبتي د.منذر العجمي وايد زين ويمدحونه

اي صح منذر العجمي وااايد يمدحونه بنت خالي نفس حالتج وبتسوي عمليتها عنده تجميل ناويه

يمدحون الحربي والصبيح للخشم..

منذر والحربي

لكن ما ادرى جم راح تكلفج

والله يحفظج

تبين دكتور تجميل روحي حق خالد الصبييح عنده زحمه ومعروف وولد ناس

الدكتور خالد الصبيح عنده خبره بس منذر توه جديد على الشغل

احسن دكتور تبين الدكتور خالد الصبيح عن تجرية بالمركز الطبي الكندي

الدكتور خالد الصبيح احسن واحد صج بالخبرة والشغل

اختي العمليه تبيلها دكتور شاطر وخبره
انا شفت شغل دكتور خالد الصبيح وحجزت عنده باذن الله بعد العيد وفي وحده من اهلنا سوت عند دكتور روجيه الخوري شغله حلو بس باين حيييييل انه تجميل
وفي رفيجتي سوت عند دكتور عبدالمحسن جعفر خشمها حلو بس بعد وفي بعد زميله سوت عند دكتور لبناني مادري تومي او شي جذي هم شغله حلو بس تقول للحين تنفس صعب وايد رغم ان خشمها ظارهريا روعه فانصحج تحوسين بالمنتدي وتقرين زيييييييييييين وهم سالي الي سوو عليات بنفسج تدرين انا شسويت رحت عياده كذا دكتور بنفسي وترززت وسالت المراجعات الي عندهم ماعليه قطي ويهج بس اخذي منهم الحجي المباشر احسن

اب اب
لو سمحتو نبي نستفيد ياليت تقولون تجاربكم

خالد الصبيييييييح شغله مو طبيعي ماشاءالله نبارك الرحمان
انا وبنت خالي ورفيجتي مسوين عنده

نصيحتي لج سافري ايران و الا لبنان و سويها انا سويت عند منذر اللي اهوا احسن واحد بالكويت و عمليتي جدا جدا فاشله تعبي راح عالفاضي خشمي صار عوي شكله قبل كان اهون

ameeraa واييي خرغتيني عيزت و انا افكر عند منو اسويها انتي شنو كانت مشكلتج الي خرب خشمج جذي ؟؟؟