أحسن دكتور أو دكتورة بمستشفى الشركة koc

السلام عليكم يا أحلى كروشات كويتيات

أنا أراجع دايماً بمستشفى الشركة و بصراااااحه كل عياداتهم روووعه و ما أفكر بأي مستشفى حكومة إلا أهما

بس ما أعرف عيادة النساء و الولادة منو أحسن دكتورة للولاده ؟!!

يا ريت اللي عندها معلومة مفيده و مجربة تفيدني لأني ما بقى شي أنا تقريباً امبين من توقيعي بأي شهر ، فأبي أحسن دكتور أو دكتورة و يفضل دكتورة بس ما في مانع إذا كان مافيهم وحده زينه إني أولد عند دكتور

بنات الله يخليكم اللي تعرف تفيدني بشي مجرب لأني بجر و اللي ما تعرف يكفي مشاركتها اللي بتنور فيها الموضوع

والله انا كنت اراجع اهناك بس ما ارتحت بعد قمتت ما اروح ….. بس انا كنت اراجع عند دكتور وليد مو شي كلش ..

انا اراجع عند دينا و في دكتور واااااااايد تمدحه مرت عمي وتقول حيل حيل شاطر اسمه شبلي سئلي عنه وانشالله اكون فدتج يا عمري والله يسهل عليج وعلينا يا رب

انا الشبلي كان اول دكتور اراجع عندة بس عقب ما غلط بالسونار حسيت انه غبي ؟؟

مشكورة حبيبتي عالرد

بس جربتي الولاده عنده ولا بس مراجعه ؟!

مشكورة حبيبتي على الرد

و ناطره بعد راي باجي البنات اللي ما يقصرون ان شاء الله

لا حياتي بس مراجعاتي عندة …

بنات أبي ولاده ما أبي دكتور مراجعين عنده لأنه المراجعه مو مخوفتني كثر الولاده أبي أحد مجربينه و مرتاحين لولادته

أحلى عقربة

مشكورة على اهتمامج بالرد حبيبتي و الله يسهل عليج و يقومج بالسلامة

شدعوووووه بنات 31 شايفين الموضوع وما في غير عضوتين اللي رادين جزاهم الله خير

أبي تفاعلكم بنات و معلوماتكم عشان الكل يستفيد و اللي ما عنده فكره يرفعلي الموضوع بكلمة بلييييز ما ودي أحد يدش بدون ما يشارك ترا نادر ما أسوي مواضيع لا تحبطوني عفية من أولها

انا اراجع عندهم
بس مو عارفه اسم الدكتور الصراحه

مشكووورة حبيبتي عالرد

هلا حبيبتي
انا ولدت عندهم عند الدكتورة ارمنية مادري شنو اسمها بس الله لا يوريج عذاااااااااااب والله كنت مفتوحة 10 سم واهية حضرتها قاعدة تتغذى فوق بس ريلي شنو سوه فيها
بس يمدحون دكتورة هندية يقولون وايد زينة عن تجربة

حبيبتي الله لا يقوله و تسوي فيني جذي لأني ما ودي بهالوقت ما تكون دكتورة يمي لأنه بروحي خايفه يعني مو ناقصه – إنزين تعرفين الهندية شسمها ؟!!

والله ماعرفها بس جنة اهيا الدكتورة الوحيدة الهندية