|
|
بسم الله الرحمن الرحيم
ومساء الخير عالكل
موضوعي مو طالبه فيه نصيحه كثر ما اني ابي افضفض واحس اني مقهوره
بدخل بالموضوع دايركت ( خالتي ) اخت امي عمرها 42 سنه تقريبا بعطيكم نبذه عنها وبدش بالموضوع عقب
طبعا هي خالتي من الام لكن شتااااااااااااان بينها وبين امي هي فري ومو متحجبه ووايد اشياء عندها غلط من لبس ومكياج ما يناسب لا سنها ولا وضعها الاجتماعي خصوصا ان عايلتنا محافظه جدااااااااااااااااااا
يعني حريمنا صغار وكبار كلهم يلبسون عبي والكبار الي فوق ال30 منقبات واغلبيتهم حافظين القران بما فيهم يدتي اللي ما تحب طريقتها وموراضيه عنها ولا عن تصرفاتها
خالتي تزوجت على حب لما كان عمرها 18 سنه من واحد مو مضبوط ويدتي يااااااااااااااااااااااما نصحتها وحاولت معاها ولا قدرت عليها
وتزوجته وعاشت معاه حياة تعيسه كلها طق واهانات وكانت رغم كل هذا تحبه وتسوي اللي يبي من غير تفكير
ويابت منه عيال وبعد 5 يهال
تطلقت منه طبعا هو اللي تركها وماندري شالسبب بس السبب اللي واضح لان خلاها عالحديده ما خلا على حالها حال قروض عليها وضبط واحضار
المهم بعد طلاقها يدتي ما خلتها وسدت عنها كلللللللللللللللل القروض والديون الي عليها
وتزوجت معاي بنفس الفتره من واحد عمره 27 سنه والريال محترم ومؤدب ومتحمل عيالها ويحبها ( او مثل ما تقول )
المهم انا طبعا ريلي سافر وبنتي مرضت عقب سفره بيومين وبسبب مرض بنتي انا بعد مرضت عدوى انفلونزا عاديه وطبيعي الانفلونزا ايي معاها شوي سخونه فما زرت مع اهلي الاسبوع هذا
فخالتي هذي دايما تنتقد رياييل خواتي وريلي مع ان ولله الحمد الكل يشهد ان رياييلنا مثاليين ومحترمين ماشاء الله
ونفس الطريقه مع بنات خالتي المتزوجين يعني سبق وقالت عن ريل بنت خالتي ان بخيل وهو لا بخيل ولا في شي الريال
المهم الشاهد من الكلام
استغربت ان بنت خالتي داقه علي تقول لي ريلج وينه بققت عيوني قلت لها ليش ؟؟؟ استغربت سؤالها لان ما في علاقه ولو من بعيد بين ريلي وبينها
قلت لها مسافر مع دومه ليش
قالت لي متأكده ؟
قلت لها 10000000000000000000000 %
لان هو موريني ورقه الدعوه اللي دازينها له اللجنه
فقالت لي اشوا خرعتني فلانه وطبعا تقصد خالتي قلت لها ليش عسا ماشر جان تقول ماكو شي يمكن هي فاهمه غلط عموما انا كنت نايمه وما استوعبت شنو قالت
وعقب ما قعدت من النوم دقيت مره ثانيه عليها قلت لها شنو صاير ليش تسألين
جان تقول ان خالتي قايلتلهم ان ريلي مسافر رايح تايلاند واني طحت عليه وعشان جذي تعبت فضحكت انا
قلت لها انا بنتي يا تها انفلونزا بسبب الجو وعادتني بس مافيني شي وريلي يوميا يكلمني من الفندق مال الدوله اللي رايح لها والدليل فتح الخط
فسكرت التلفون ودقيت على خالتي
قلت لها من وين يبتي هالكلام جان تقول لي ان ريلها كان بتايلاند وشاف ريلي وسلم عليه @@ اوهمتني وقمت ابجي
وصدقتها ودقيت على ريلي وريلي يحلف ويتكفر ان بديره ثانيه ويحاول يقنع فيني بس انا اشتغلت فيني قال لي اذا ييت شوفي جوازي وتتأكدين
عموما وسكرت التلفون وانا اغللللللللللللللللللللللللللللي من ريلي ولا تدق علي يدتي جان تقول شفيكم قلت لها الموضوع قامت يدتي جنها ما تدري وسألت واحد من عيال خالتي عن ريل امهم قالت لهم فلان وينه قالو لها موجود قالت لهم ما سافر قالو لها لا
ونفس الحجي قالوه بناتها الصغار
بصراحه انا احس ان مخي مشوووووووووووووووووووووش مادري اذا صج خالتي تجذب شنو مصلحتها واذا ريلي يجذب وانا اللي هبله مصدثته بس هو من سافر لي اليوم وهو يدق من تلفونه اذا كان برا ومن الفندق اذا كان بالفندق
ومادري من اصدق مع اني واثقه بريلي بس اقول يمكن الشيطان شاطر والله مادري شالسالفه
بس هذا هو الدليل كافيومن كلامج بعد والا انتوا يالحريم بس تدورون ضقت الخلق والزعل
يعني داق عليج من تليفون الفندق ويقولج شوفي جوازي اذا رديت
خالتج اسمحيلي خرابة بيوت وحرام تخربين علاقتج بزوجج بسبة هالسالفه
ترا الرجال مايحب مرته تشك فيه لان احتمال يسويها صج ويخونج
خالتك شكلها انسانه مريضه انا اسفه..بس باين من تصرفاتها انها بتخرب بيتك وتشكك
والدليل مو بس انتي حتى خواتك تسب ازوجهم .. ماعليكم منها وخذوها على قد عقلها
بعدين لاتنسين انها عاشت حياة صعبه .. وكل الي كانت تشوفه بطليقها تحاول تخليه بزواجكم
تعوذي من بليس وماكو الا الخير
لا مادري خالتج شكوووووووووو في ها السولف يعني شنو المقصد
واذا رايح ها الديره تحرشج يعني على زوجج
لا صج ماعندها سالفه خلاص حبيبتي دام انتي واثقه من خط الدوله شعليج فيها خليها تقول اللي تقوله
انسى بس ولا تعكرين مزاجج ماحب احد يتدخل في ها الامور
ܓܛܟ♥
راح يسالج صح راح تقولين له الحجي اللي صار؟
واذا قلتيله راح يصير عتاب بين الريايل وتتطور الامور وبعدين يدخل الشيطان بين الكل
هذي بس تصدقينها مره ثانيه تخرب بينكم يمكن من غيرتها الله يهديها
اسم الله عليكم صكوكم عين !!
يبا اشكره وااااااضحه السالفه خالتج انسانه حقوده و ماتبي تشوفكم مستانسين ويا رياييلكم
و كفايه فتح الخط + الجواز بس شتبين دليل قاطع اكثر من جذي
يبا طقي كلامها بالطوفه عندج 4 اطوف و سقف
لا تفر راسج و لا تخربين علاقتج ويا ريلج عشانها و خلي علاقتج وياها سطحيه و قولي حق اهلج لا تنقلون لي حجي عنها ولا تقولون لها حجي على لساني وكان الله غفور رحيم
بس ريلها الحين ما شاء الله خوووووووووووش ريال وحياتها كلها تعدلت الحين فماكو سبب يخليها تغار يعني هي ما خذه واحد من طقة ريلي عمره 27 سنه وهي كبيره يعني نفسيتها فوق النخل
بعدين لو هي تجذب شلون ما خافت اني اكشفها ؟؟؟ وافشلها جدام الناس ؟
و الحمدالله على كلامج اهوا يكلمج من تلفونه و من فتح الخط مال خط الفندق فتقدرين تعرفين
و اهيا بس قصدها تشككج فيه و بس
اثر المصايب ماتجيك الا من اقرب الناس
مالج شغل فيها
ابعدي عنها
الضاهر خالتج تغار منكم عشان جذيه سوت هالسالفه
ولاتنسين ان ريلج يكلمج من الفندق يعني فتح الخط باين اهو وين موجود
ماقول الا الله يعينها ع نفسها