|
|
قوه حبايبي شلونكم ،، شخبااركم ..
صراحه هذي أول مشاركة لي بهذا المنتدى العجييييب … و أرجوا أنكم تساعدوني و تفيدوني ..
أنا مشكلتي أني حساسة وااااايد زيادة عن اللزوم ..
فأي شي يعكر مزاجي أو أحد يزعلني أو أنا أتضايق من شغله .. أو أحاتي شي ..
على طول تطلعلي ثعلبه ..
و أنا شعري وااااايد حلو ناعم و أشقر الكل يمدحني فيه ..
فـوالله أنا قلبي وايد يعورني على هذي السالفه ..
فيعني لو تعرفون عيادة أو دكتور زين أو خلطة زينه حق شعري أو أي شي ..
بس المهم شعري ما تصير فيه ثعلبه مره ثانيه ..
بليييييييز قولولي أوكي ..
و جزاكم الله خير ..
تبين علاج بسيط وسهل
لا تقولين ما احب الريحه
انا بقولج الحل عن تجربه شخصيه
انا تصير فيني ثعلبه من عمري 3 سنوات لي الحين
الدوا اهو
ثوم
تاخذين فصه ثوم
تقسمينها نصين
وتفركين فيها المكان
بس مو حيل
ولا شوي شوي
نص ونص
ليمن تصير حمرا
لا تجرحين نفسج
كل يومين سوي هالحركه
وخلال اسبوع راح تشوفين انه الشعر بدا ينبت من يديد 
انا اتفق مع اختي الاميرة بخصوص الثوم
وهم انا عن تجربه الثوم هو الحل الوحيد
لانبات الشعر والجرجير بعد ينبت الشعر
وهم بنصحج لا تعصبين وتزعلين
لان الزعل يسبب تساقط الشعر وحرام يطيح شعرج على شي ما يسوى
ما في احلى من الهدوء والروااااااااااااااااااااااق
تقبلي مروري
اختك
,
,
,
مرااااحب
اول شي ما تشوفين شر
وثاني شي ترا مو كل شي يسوى عشان تظيقين خلقج عشانه
وحل للثعلبة بقولج شي مجربته بنت خالتي لانه الله لا يعود الشر كان فيها وانشاء الله الله يشافيج وجميع المسلمين
كانت الله يسلمج تفرك فص ثوم مكان الشعر الي طاح والحمدلله الحين ولا جنه كان فيها شي وشعرها ولا احلا منه مع العلم انه كلا فالته وتسويه بالاستشوار
اسأل الله لج الشفاء باقرب وقت
روحي مستشفى السلام يعطونج ابر وشامبوات عندهم بصيدليتهم
خلال شهر أمورج تمام بس التزمي مع الدكتور وسئليه عن الأكل وطبيعة الجو اللي يناسب حالتج
لأن الاطعمة لها دور والشمس ضرورية وحاولي اتجففين شعرج بشكل طبيعي يعني بعدي عن السشوار والشغلات الحرارية وقصي أطرافة كل اسبوعين أو ثلاث عشان يتوزع الغذاء بشكل أسرع
وطبعن أهم بيسوون لج تحاليل ويتأكدون من نسبة الدم والمعدة
وآخر شي اذا عندج زمزم تقرين فيه الفاتحة بالعدد اللي تبين وتمسحين فيه بقلب صادق
والبنات وصوج بالثوم تفركين فيه مكانها
وان شالله العافيه فالج
انا كانت فيني ثعلبه كبر راحت ايدج بشعري
رحت لدكتور موسى سلامه جبر عطاني ابر ودهان موضعي على مكان الثعلبه والحمدالله تشافيت منها
والله من خمس سنين لي اللحين وشعري ماشاءالله مايطيح ولا اتضايق وازعل ولا تجيني الثعلبه
لانه اهو يعطيج ابر تمنع الثعلبه تجيج خير شر
وماتشوفين الا كل خير
وانا مع خواتي بس عندي زياده شوي اخذي دبووس وطقيه شوي شوي على مكان الثعلبه كلها لين يطلع الدم
لا تخافين ترا مايعور ولما يطول الدم دقي ثوم وفركيه حيل فوق الدم تحسين بحروره استعمليه كل يوم مره وحده
مدة ثلاث ايام وان شاء الله تشوفين الشعر صغار بسرعه يطلع :>
والله يشافيج ان شاء الله