|
|
السلام عليكم
شلونكم شخبااااااااركم ؟!!
فديتكم ياأحلى كويتيات ادري يننتكم بمواضيعي الدايخه لوووووول واسئلتي الزايده بس شسوي
المحاتاة ذااااابحتنييييييي واحس زهقت استغفر الله ربي العظيم 
اولا بدايه بسألكم بس انا المنتدى وياي بطيء وكل ماابي انزل موضوع ينزل بليووون مره ولا انتوو بعد جذي؟ ؟!!
والحين نبدي بس بسألكم جم شغله صايره وياي حالياً ..
تقريبا من دشيت شهري وباديه فيني نقزات في المنطقه الحساسه وعوار بالحوض بس خفييف
وهالشغلات اكثر شي تحوشني بليل تروح وترد علي ..
ومن يومين حاشتني شغله صروعتنييي حسيت بتعب قمت وانسدحت ماقدرت انام فجأه حاشني عوار مثل عوار الدوره
واحس جنه شي بينزل علي .. اتوقع فهمتووا قصدي يعني مثل الدوره لمن يكون موعدهاا وبتيي فتحسووون بعوااار لين تنزل
انا هذا الي صار معاي وقمت شوي مشيت بالغرفه خف علي .. وهالشغله هم تروح وترد علي صارت جذي خلال هاليومين
ولا حظت شغله من دشيت شهري وعزكم الله ابتدى وياي مقص واسهال .. !!.gif "Eh S(4)")
و اليوم قلت بروح امشي بالممشى رحت مشيت نص سااعه جان يحوشني شد مو طبيعي في بطني على الجانب الايسر
وبعدها وقفت مشي وانا بالسياره قام يحوشني عوار بالحووض ومقصصصصصصص مو طبيعي يروح ويرد يروح ويرد
وعزكم الله مالحقت ارد البيت وحاشني اسهال …
شنو معناة هالعوارض هل هذه بداية طلوق على قولتهم تجاديم ؟؟ ولا شنو بالضبط ؟؟
وهل الطلق بدايته يسوي عزكم الله المقص والاسهال ولا لا ؟؟!
اتمنى تفيدوني خواتي ودعواااتكم يالغالين
اتمنى خواتي تفيدوني اكثر
احذرج من الاسهال عزج الله ترى ينشف الماي ويفتح الرحم ؟
ليش ماتراجعين قلبي والله مو زين بنت خالتي حاشها مسكينه اسهال عزج الله بدايه التاسع وفج رحمه ونشف الماي وولدوها
روحي قلبي الطوارى ان خايفه الحكومه تطمني على نفسج
و ديري بالج على عمرج
هذي تجاديم
روحي الطبيب خل يفحصونج يجيكون بمكن فاتحه
والله يسهل عليج
انا موعدي يوم الاربعااء اصبر لي الاربعا ولا باجر اروح المستشفى الطواريء واشوف شالسالفه ؟!!!
تكفى طمنوووني انا البيبي قاعده احس بحركاته الحمدالله بس وايد يشد ويعورني
اما اذا كان بس عوار عادي هذي تجاديم بس هم ديري بالج وشوفي كل اشكثر تروح وترجع
والأفضل روحي سوي تخطيط علشان تتطمنين
والله يهون عليج بالسلامه ان شاء الله
مدام انتي بالتاسع موتقولين انطر مراجعتي في شي اسمة طوارئ روحي بلا قعدتج علي النت وطمنينا
الللة يسهل عليج
|
المشاركة الأصلية كتبت بواسطة لانا
 والله اذا مستمر معاج الاسهال لا تنطرين روحي المستشفى لأن الاسهال يفتح الرحم ويزيد الطلق
اما اذا كان بس عوار عادي هذي تجاديم بس هم ديري بالج وشوفي كل اشكثر تروح وترجع والأفضل روحي سوي تخطيط علشان تتطمنين والله يهون عليج بالسلامه ان شاء الله |
امس واليوم خف علي حتى العوار خف تقولين جذابه جنه مافيني شي !! حيل مستغربه مو فاهمه شي -.-
|
المشاركة الأصلية كتبت بواسطة احلى مريومه
يمكن السهال حاشج من الخرعه ليش دخلتي شهرج او نزله معويه من تغير الجو احسن لج تروحين الطبيب لانه السهال موزين حق الانسان الطبيعي فما بالج الحامل
|
الظاهر جذي مايندره والله !! ان شاءالله خير يارب
|
المشاركة الأصلية كتبت بواسطة غلا فهد
قلبي البنات ماقصرو بس تبيني اوديج الطبيب ماعندي مانع نفسي اعرف شمصبرج لالحين مارحتي الطبيب
مدام انتي بالتاسع موتقولين انطر مراجعتي في شي اسمة طوارئ روحي بلا قعدتج علي النت وطمنينا الللة يسهل عليج |
مشكوره حبيبتي ماطلبت توديني ولا شي بس انا كنت بروح وهونت لانه خف العوار وخف الاسهال حييل هاليومين جنه مافيني شي .. وسوري اذا اسئلتي تضايق بس انا بجر ومو عارفه شسوي وخايفه اروح المستشفى ويقولون لي شي ولا شيات المعنى ضروري اروح بس باجر موعدي وامري لله بروح واشوف .gif "Eh S(2)")
|
المشاركة الأصلية كتبت بواسطة أم وهابي (عبير)
الله يسهل عليج ان شاء الله وتولدين بالسلامه
|
امين يارب ولج بالمثل ياقلبي شكرا