أبي المساعده ومالي غيركم حبايبي

إذا ممكن بغيت رايكم ومساعدتكم
عندي ولدي عيد ميلاده بعد اسبوعين
أول سنه سويت عيد ميلاده في بيت أبوي بس كيكه
وأخذته على المصور علشان أصوره مع إخته والكيكه
والسنه الثانيه جدته أم أبوه سوتله في المطعم (برجر كنج)
وثالث سنه في الحضانه ماقصروا المدرسات وبعدين أنا حجزت له في ماكدونالد بيان
وعزمت الكل
وهذي السنه محتاره ما أدري وين أسوي الحفله بصراحه الميزانيه كلش
العيد ماخله شي وغير ملابس البرد
بغيت أفكاركم وأرائكم شنو أسوي خاطري أفرح قلب ولدي وعيالي
والله محتاره لاتخلوني

أنتظركم على نارundefinedundefinedundefinedundefined

شدعوه بنات
ماتوقعت ليش ليش ليش حرام عليكم
والله أنتظركم بسرعه

انزين سويه في البيت عادي بس اخذي زينة وبالونات وعزمي ربعه وسوي مسابقات …
وسوي العشا على شكل وجبات اخذي علب كرتون فاضية وحطي فيها معجنات مع عصير وبطاط وككاو وهدايا من بو100 بيستانسون …

واذا ميزانيتج تسمح وعندج مكان أجري نطاطية كبيرة حطيها بالحوش مع تلوين وجوه ….
خلاص صارت أحلى حفلة ….

يابعد عمري يارفرف
ومشكوره على الرد والإقتراح الحلو

حياج الله

والله يخليلج حمودي انشالله

كل عام وحمودي بخير بس صج سويها بالبيت ويمعي الاهل واليهال ييبي لهم وجبات من ماكدونالدز او تطلبين لهم فرقه تلون لهم وتسويلهم بروقرام ومسابقات وتفتكين

والله فعلاً إنتو أكثر من خوات
وفكرتج حلوه ياجوريه خصوصاً تلوين الوجه
بس أنا ميزانيتي ماتسمح أعزم الكل يعني بيني وبين خواتي وعيالهم
المهم أشوف ولدي مستانس وما أحس إني فرقت بينه وبين إخته