أبي أفتح هالملف وابيكم تساعدوني نخليه عمل خير الديسكالركبه)

هلا اختي

انا عندي مشكلة بالركبة فيها خشونة , اراجع عند دكتور بمستشفى السلام , سوى لي منظار فيها وعطاني ابر لكن لي الحين مأذيتني

لكن اسمع عن الدكتور وليد التنيب بدار الشفا انه ممتاز بأمراض الركبة وكل ما افكر آخذ عنده موعد وأروح أتفاجأة بالمواعيد مو اقل من 6 شهور وغيّر رايي

لو من اول مرة اخذت موعد وما اخترعت من طول الموعد كان وصل لي الحين هههههههه

ان شاء الله الخوات يفيدوننا

اب

اب

يريت والله , لكن ما انكر الدكتور بالسلام ممتاز تبارك الله لكن المشكلة بركبتي بعد السمنة وطحت عليها طيحة قشره واصلة لمرحلة لازم اراعيها كثير واتحملها لأن فيها خشونة قوية لكن ما ادري ليش انا مو متقبله وضعي

شلونكم بنات الله يخليكم ساعدوني ولدي عنده افتال الرقبه وعمره 5 سنوات قولولي على دكتور شاطر ترى سويت علاج طبيعي بس رد

اختي
أنا عندي انزلاق غضروفي في
الفقرات القطنية أسفل الظهر
3و4و5
مافي طبيب رحت له ونصحني بالعملية إلا إن خدرت رجلي وماعاد قدرت احركها أو مثانتي ما أقدر أتحكم فيها
نصحوني بعدم حمل الثقيل وتخفيف الوزن وممارسة الرياضة ومنها السباحة
علشان تقوى عضلات بطني وظهري
وبخصوص السباحة علشان تقوية أعصاب الجسم
اسوي علاج طبيعي وكثرة المسكنات تتعب رأس المعدة
وإن اضطريتي نصيحة لاتروحين مستشفى حكومي
لأني رحت وقال الدكتور لازم عملية
وحتى بعد العملية ماراح تخلص مشكلتك نهائيا لأن أختي مسوية عملية وتجيها آلام واحتمال يجيها ديسك ثاني
وأما ديسك الرقبة
عمليتها الجراحية معقدة وصعبه ويمكن تسبب الشلل
هذا كل إللي عندي من معلومات

اذا تبين دكتور شاطر في الدسك فهو دكتور حذيفه بن نخي التنيب شاطر بس حذيفه اشطر في حالات الدسك انا ياني عرج نسا وصج المه وايد مؤذي بس نزل وزني خف الالم وايد وهم جلسات العلاج الطبيعي والتمارين خففته

انا مع الأخت دارين , جربت الدكتور حذيفة لما طحت على قدمي وحصل تمزّق , تبارك الله انسان فاهم

تسلمون بنات

اول مره اسمع بهالدكتور وين مكانه

جزاكم الله خير

هو دكتور بدار الشفا

لالالا نصيييييييييييحه خلي العمليه اخر الحلول
امي بعدعيني عانت ومازالت تشوف الويل من هالديسك والله يشفي كل مريض

الله يسلمج امي كانت تراجع بمستشفى الرازي عند دكتور كويتي جنه اسمه عباس رمضان وكان في دكتور زائر فاقترح عليها الدكتور انها تسوي العمليه وليلحين ماانسى نبرة صوتها واهي تبجي من الالم ….. المهم بعد فتره تعدل ظهرها ولله الحمد لكن اتعرين امهاتنا يحبون الشقا فردت تشتغل وتغسل وتطبخ مع ان عندها خدامتين فرجع لها العوار ورجعت تراجع ابن سينا وتاخذ ادويه وغير المساج الصيني وراحت حق دكتور بالزهير كلينك وهم مافي فايده ….. تالي بعد البحث اقترحو عليها تروح حق الدكتور عبدالرزاق العبيد والصراحه لمن سوالها العمليه ماصار فيها نفس العمليه الاولى ولله الحمد ماكان الالم جايد نفس قبل …….. المهم بعد جم شهر صارت امي ورده تهبل وخف الالم لكن باول يوم تسوي فيه المساج الطبيعي تحرولت تكرمين قامت اصابعها تتشنج وتسوي ببيه ( عاد فهميها حبي ) على روحها وانتفخت ريلها واتضح مع الاشعه ان اخر برغيين بالعمود الفقري صاكين على العصب وهذا الشي يخليها ماتتحكم بروحها وتتشنج ……….والحين امي بعدعمري بالمانيا وعمليتها شهر 7 والدكتور قالها نفس كلام الدكتور عبدالرزاق ولاتشوفين حالها النفسيه صفر ومتخوفه من العملية والله يشفيها ويشفي كل مريض …….. اسفه طولت عليج بس والله مخنوقه ومعوره قلبي امي وهم ابي اوصلج رساله واللي اهي ان هالعمليه ماوراها الا العذاب فجربي كل العلاجات حتى الطب الشعبي والعلاج الطبيعي وخلي العمليه اخر الحلووووووول

والله يشفيج ويشفي كل مريض يالغاليه