أبي أسأل عن علاج العقم في لندن يا ليت اتساعدوني

بنات اللي عندهم خبره عن العلاج في لندن و جربو العلاج اهناك ياليت اتفيدوني

انا ابصراحه اعرف واااايد ناس شخصيا راحو لندن وارجعو معاهم توائم الله يخليهم لهم بس هالكلام منزمان

ومن فتره قريبه في وحده ماشاء الله راحت واحملت ابأربع توائم الله يخليهم لها ويرزقنا مثلها يارب.

أبي اعرف اشلون لندن من ناحية المعامله والمواعيد وأي دكتور تنصحون فيه وكل شي كل شي عنهم بالتفصيل.

الله يخليكم لا تبخلون علينا اللي عندها أي معلومه تذكرها لنا

جزاكم الله خير

حبيبتي رماديه ما عندي فكره بس ما حبيت ادخل و ما ارد ان شاءالله اللي عنده فكره يفيدج ..الله يرزقج يـــــــــــارب

والله بالنسبه لي لما رحت المعيشه لاتحاتين تمام وحتى المعامله بس الدكتور رحت لمحمد الطرانيسي وما طلعت بنتيجه وصراحه شغلهم تجاري اهم شى توصله لفلوس بس اعرف حالات كانو عند جورجي امين ونجحت والحمدلله بس والله موشرط الي الله كاتبه بصير وهالايام علاج العقم بلندن موذاك الزود لان بلجيكا وامريكا متطورين اكثر منهم والله ولي التوفيق ووفق الجميع ياقادر ياكريم

انا سمعت عن الطرانيسي ويمدحونه
والله يرزقج ان شالله

حبيبتي الله يرزقج بالذرية عاجلا غير اجل يا رب العالمين
في موضوع مثبت عن المستشفيات اللي تعالج العقم شوفي يمكن تلاقين اللي تبينه

الله يرزقج يااااارب يا رماديه بالذريه الصالحه ويكتب لج اللي فيه الخير يارب
بالنسبه للندن رفيج زوجي قبل سنتين راح عند الدكتور محمد الطرانيسي وماشاءلله حملت زوجته وجابت توأم عيال الله يخليهم لهم يارب
وما ادري صراحه عن مواعيدهم او معاملتهم بس ان شاءالله الله يكتب لج اللي فيه الخير يارب

موفقه

يزاكم الله خير عالرد

الدكتور (( امين جورج )) في لندن تأكدي بس ان الحكومه ادزج عليه ولا لا اهو احسن دكتور & محمد الطرانيسي بس الجكومه ما يدزون على الطرانيسي يمكن ردوا الحين تأكدي هم شاااطر ولاتاخذين غيرهم وعندي رقم مترجمه مجربه وزينه اذا تبينها قولي لي انزله لج بموضوعج ….موفقه حبيبتي واذا على سالفة التوم حتى باتريك الخايس الله رزق ناس عنده وهذا ان دل على شي دل على ارادة ربج وبس