|
|
أنا وايد ضايق خلقي المعلمه الى معاى بالفصل غير متقبلتنى شسوى معاها نص ساعة عند المديرة تكلمنا موعاجبها عدم تعاونا مع بعض شسوى إذا المعلمه إلى معاى مو على قلبي ودى المديرة تعرف هلحجى عمرى بحياتى ماغثيت معلمه بالعكس الكل يمدح فينى بس إيد وحده ماتصفق مادرى شسوى بصراحه إحترت والى بط جبدى مشرفة بعد تطلع حجى عشان تبرز جدام الناظرة هلشغله عيب لو هى مشرفة ناجحه جان حلت الأمور مو توديها للمديره أنا بسميها ضعف شخصية بس الله كريم أدعى الله محد يحطه بهلموقف الى انا فيه حاسه روحى تحت المجهر شعور موطيب كلش ماشتهيت أكل اليوم ولاشي بفكر شلون بتعامل مع معلمه الثانية كلش ماكو فيس ماعطتنى وجه لحقتها للباب قالت بس خلاص بفكر ساعات اروح للمديرة تشيلنى منها مابى اكون معاها بالفصل مادرى متى مانخلص من هلسوالف شخبارى معلمه غير متعاونه بعدين موداخله مخى سالفة معلمه للكمبيوتر ومعلمه تدرب أنا وحده ماعرف ماعرف أدرب كأن عادى ماتعرف تدرب زميلتج انتى دربي طيب انا معرف شسوى يعنى بس اعرف أدرس أعتقد انا بالجامعه دارسة شلون أدرس مو أدرب أو أطبع كمبيوتر نصحونى زميلاتى شسوى معاها ودى أكسبها بس والله اهى مو متقبلتنى.gif "Eh S(11)")
السلام عليكم
بصراحه انا من مناصرين الحوار الراقي كنت عند ابلات مومتعاونين بس لله الحمد يوم فارقتهم ذكروني بالخير لانه ماطلع مني الا كل خير ولله الحمد الله رزقني بصف ابلاته من كثر ماهم مايطلبون منج شي يشترونلج اشياء ويخجلونج
رايي تعاملي معاها بكل احترام واذا اهي مومتعاونه خلاص سوي شغلج واكتبيه باسمج بروحج
اتمنى اكون ساعدتج لاني انا ماحب مداحر الحريم
ماعليه حبيبتي مع الوقت ان شالله الله يهديها بس انتي لاتصيرين حاده بتعاملج معااها ووطوفيلها وحاولي تفاهمين معاها بس مو كل شي يوصل الاداراه
وخجليها بتعاملج معاها والله يعينج
وخجليها بتعاملج معاها والله يعينج
حبيبتي لا تذلين نفسج لاحد .. اذا انتي تشوفين انها مو متقبلتج ومو متعاونه معاج خلاص اطلبي من الادارة يغيرون صفج ترا مو حلوة يكون فيه حزازيات بين مدرسات الفصل الواحد اذا المدرسة اللي معاج مو متعاونه انتي بتتعبين
أشكركم خواتى محتاجه أسمع هلحجى الطيب منكم لان أول مره بحياتى بيمر فينى هلموقف عمرى محد يشتكى منى طول عمرى الناس تتمنى أكون معاها بالفصل ساعات بيينى شعور ودى أهد الوظيفه تعبت نفسيا عارفه كل مكان صدامات بالعمل محد مرتاح بس شسوى مالى غير نت أكتب فيه أفضفض ويهى منصفق من أمس مع العلم موقف أمس عطانى بريك مابى أسوى شي كنت مستانسه ودى أسوى كل شي الحين لا بس بجابل يهال الفصل وكلمت زميلتى امس اهى زينه بس الله يهديها ماتتحجا تقولى انا متضايقه يافلانه ويهال يبيلهم ضبط لازم أجابلهم أنا معاها بحاول أنسي الموضوع مال امس شي يفشل مالى ويه أنا أدرى الزميلات الى كاتبين لى منهم معاى بالروضة إحساسي لانهم بيدشون أنا بشكرهم ونعم فيهم والله يوفق الجميع
بصراحه قررت أنتقل مابى أقعد موعاجبنى تعامل المديرة معاى جنى أنا الغلطانه اليوم داومت وماعجبنى الوضع أحس نفسيتى تعبانه طول الليل مانمت يمكن طبعي قبل اسكت بس كثر السكوت بيولد إنفجار شلى يحدنى أقعد خل تييب لها معلمه تتحمل أنا بقول شغله للمعلمات لاتسكتون عن حقكم أى شي تكلموا وظيفتنا ندرس مو قاعدين بسجن حطى وسوى ولا أحلا شي تهميش موشي هلإحساس وجنى انا أفكارى عتيجة موأنا الى بينقالى هلحجى حتى انتى كمديرة فيج عيوب محد كامل شلون تخلين مشرفة تنقل حجى لو تقدر تحل مشاكلنا ماتطورها والمشكله هلمشرفة كنت أعرفها كانت معلمه بس هذا الى عمره ماتبخر وإحترق ماحب هلإسلوب إدعولى بنات أنتقل ولا ندب مابى أداوم
اب اب اب
بصراحه صج وزارة التربية وزارة عفن ماتمشي غير بواسطة ليش هلطريقة من قبل المسؤليين إلى اهناك ماكو إحساس بمشاكل المعلمه ويبون المعلم ينتج شلون ينتج وبيواجه صدامات بعمله من قبل مسؤليين لما بيحطون عليه ناس أصغر منه عمرا والقديم يهمش كمعلمه شي يفشل وياخذون بخاطره اليديد والقديمه تهمش كل الليله بقول حسبي الله ونعم الوكيل معلمات جدد نصيحة من أختكم الوميض لحد يقعد بمجال رياض اطفال ماكو عدل ولاإنصاف كلشي براسج لحد يقص عليكم ولد الديرة ضايع وناس الغرب تتحكم فيك شي يعور القلب
الله يعافيكم لحد يحط روابط بيع ملابس وجناط شوفوا مكان ثانى تحطونه
وايد منبطة جبدى اليوم داومت ومحد خلانى أقدم شي بالنشاط الصباحى مع العلم مزهبه الشغل كل واحد بصوب ومشرفة بطت جبدى تمدح صفوف معينه موعيب عليها وتحدد الأسماء بعد بس حسبي الله ونعم والوكيل انا لكم ماراح أخلى مشكلتى تهمل بوصلها لأكبر مسؤل أنا متيمزه محد يطمسنى ماراح يتوقعون شنو راح أسوى ماعتقد الوزير بيرضا بهلشي وكسمعة هلروضة ومراقبة صافطة معاهم عشان روضة نموذجيه ماراح أسكت بالجرايد بكتب بكتب حدى شايشه اليوم