|
|
شلونكم معلمات أجيال الغد
فضلا لا أمرا كل وحده تدش تكتب شنو تحب يكون ستايل لبسها في أثناء الدوام والتدريس؟
وشنو وجهه نظرها ؟ أقصد ليش اختارت هالستايل باللبس؟
مثلا اللي تحب تلبس عباه كتف ولفه ليش؟ واللي تحب جينز ليش؟ واللي تحب تكشخ ليش؟
هل من باب جذب الطالبات وكسب اعجابهم وبالتالي اهتمامهم واحترامهم للمعلمه وبالتالي للماده اللي تدرسها؟
واللي تحب عباه كتف هل من باب فرض الاحترام والوقار من خلال مظهر المعلمه الملتزمه باللبس المحتشم الجاد العملي؟
ولامجرد ان شخصيتي تفرض علي لبسي؟ ولا هذا اللي بالكبت؟
هل لبس المعلمه له أثر على طالباتها؟
أتحفونا بآراءكم ووجهات نظركم ولكم جزيل الشكر
سابقا كنت اكشخ واقط معاشي على الكشخة اشوف اللي حوالي كلهم عباية وبصرااحة صرف ريحت عمري صرت نفسهم
بس دامج بقراطيسج ونسي نفسج لبسي وكشخي بس لاتصيرين من ربع >>حرية شخصية << اللي يلبسون اللي ماينلبس
انا ناظره مانعه بنطرونات
>> مصدومه
انا تعيين يديد اليوم اول يوم
جهزت كله بنطرونات
ما احب تنانير ما احسهم عمليات
شكلي بقزرها عبايات على ما اسوي استايل نفانيف الطوال الي هابين فيها
ثاني سنة شفت إني قاعدة أقط وأصرف جزء كبير من معاشي عالبدل والعبي الغالية
قررت أتبرع بكل اللي عندي وأبدأ حياة عملية ( ما تهمني الماركات والملابس الغالية والعبي أم 60و70)
وقررت يكون لبسي عملي داخل المدرسة ( قمصان طوال و جينز ) ولما أطلع برا المدرسة طبعا ألبس عباية جتف سادة
وساعات إذا مافي وقت أو قمت متأخرة ألبس عباية جتف
الحين أهم شي عندي البساطة والأناقة مو شرط غالي لأني بصراحة خصصت جزء من راتبي للتوفير ( تقريبا نص الراتب)
أحتاجهم مستقبلا لمناسبة أو لحالات الطوارئ لا قدر الله
بس بصراحة العباية أريح للتدريس
هذا اللي عندي و:
وانا بناطيل جنزات وبلايز وجاكيتات
لفاتي ملونة بس غالبيتها اسود
وجوتي رياضة او فلات
ستايلي اجنبي بحت
اول شيء الملابس الملونة والمنسقة تفتح نفسية البنت 00 غير انها تعطي انطباع على الابلة انها زقرتية وكلاسي
احس اني للحين شبابية مع ان التربية دافنتنا حيين
اريح بالمشيء والحركة في المدرسة
ساعات أكشخ وساعات بسيط احب انوع لان انا طبعي امل بسرعه
احنا بروحنا نداوم في معتقل وكابتين على انفاسنا بكل شي فاللبس والمكياج شوي يرفه عناا
انا مو خايفه الا على يوم تقولنا الناظره ممنوع تلبسون وتتمكيجون لبسو اسود × اسود بس
عباية اذا ما يمديني
بنطلونات وبدل وتنانير وفساتين
وألووووان وحركات وفناتك
الحياة حلوووة
لان ماحب العبايه السوده بالدوام
كآبه
مع اني لي طلعت كله عبايات ذربة وحلوة بس بالدوام اخذ راحتي باللبس
ألبس عبآية آذآ كنت مريضة وآيآم مآكآن توجيهي رجآل آذآ بِ يجي هـ آليوم ألبس عبآية
بس حآليآً كله بنآطيل وتنآنير
آلسبب : آول شي آللون آلآسود كئيييييييييييييييييييب علي وعلى آلطلبة
حلآته يطلع شي يفتح آلنفس
وبعدين مو شرط تلبسون بدل يعني كشخة ومآركآت آلله يخلي آلقمصآن تونيكآت آن ضربت حدج 10 دنآنير
وكله آقطآن صحي ويمتص آلعرق ومريح بِ آللبس
ومآتوقع نفسي آلبس عبآية طووووول آلسنة لبس يجيب آلضييييييييييم
انا ابلتي بالثانوية كشخة وذربة وتلبس عبي على طول وكل يوم عباية غير اكشخ من الثانية
والبنات طوابير معجبينها
مو شرط بنطلون وتنورة علشان تكشخ
خالتي معاها مدرسة بالقسم تقول ان عبيها من دبي وقطر وتفصال
والعباية تعطيها رزة وهيبة اكثر من البدلة فديتها
.gif "Eh S(17)")
على آلدآشئي آلرآبع يآحيآتي مآقلت آلبدل آكشخ لآ آنآ آقصد آللون آلغآلب عليهآ آسود
ولو كآن فيهآ آلوآن بس يظل آلآسود كئيب ، تظل وجهة نظري مآحب آلآلوآن آلغآمجة آفضل آلفوآتح آلنآس نهآر
وآلعبي بِ آلنسبة لي لهآ وقتهآ مو حق دوآآم حق عزآيم وطبعآً تنقط بين آلحريم
وتدرين بنت عمي تقول بِ آلروضة آلنآظرة مآنعتهم من آلعبآية تقولهم آنهآ تجيب آكتئآب لِـ آلجهآل
خخخخخخخخ
أبيض و اسـود .
فكل يوم تلقين لبس بنـطلون اسود تــريـنغ مع بلوزه بيـضه وتكرمين جوتي ريـاضه .
اريح شي حقنا البدنيه و احنا ندرس و ندرب البنات و نحوووس بالطااابور .