|
|
السلام عليكم ..
اشلونكم ؟ شخباركم ؟
بغيت أسأل عن النقل ..
لو أبي أنقل من مرحلة الى مرحلة …؟
يعني من الابتدائي الى المتوسط أو من المتو سط الى الثانوي ..؟
أو العكس ..؟
اشلون ؟ وماهي الاجراءات ؟
وهل في وقت معين للنقل ؟ فترة معينة ويخلص ولا شنو ؟
انا عن نفسي افضل الابتدائي
وتختارين المدرسة اللي تبينها تختارين مدرسة متوسطة اذا تبين تروحين متوسطة
ومدرسة ابتدائي اذا تبين تروحين ابتدائي بعدين السكرتيريا راح يطبعونلج ورقة
والناظره توقع وتخشين نسخه عندج لان في ادارات مدارس مايودون الورقة المنطقه علشان ماتنتقلين
يعني يقصون عليج وانتي ياغافلين لكم الله بعدين تعطين خبر لموجهتج وتقولين لها ابي انتقل مرحلة ثاني
راح تسألج عن السبب قولي لها سبب مقنع موتقولينلها تعبت ومليت من مدرستي اذا قلتيلها جذي
راح تعاند وماتوافق على النقل وشهر 7 تروحين المنطقه عند سكرتيريا مراقب المرحله اللي تبين تروحينلها
تسألينهم عن نقلنج وتاخذين معاج ورقة النقل علشان اذا قالولج مومقدمه نقل
تورينهم الورقه اللي فيها توقيع الناظره وختم المدرسة وتتاكدين منهم المدرسة اللي تبينها
يبون ابله نفس تخصصج ولا لأ ؟ اذا مايبون وعندهم فائض بسرعه تختارين مدرسة ثانيه
يبون نفس تخصصج علشان لا يخلصون المدارس وتضمنين مايقطونج مدرسة بعيده
وتصفين على المدارس البعيده والموينهو يقولونلج ماكو مدارس وتتوهقين عرفتي
وتمرين موجهتج تذكرينها انج مقدمه نقل على مرحله ثانيه
وانتي بعد هالله هالله بالموجهه صيري خوش ابله وبدعي بحصتج لانها بتدخلج وايد
علشان تقيمج انتي تنفعين تروحين مرحلة ثانيه ولا لأ والموجهه راح تركز على اسلوبج
وطريقة تعاملج مع الطالبات وراح تسأل رئيسة قسمج تاخذ راي رئيسة قسمج
واي شي تطلبه منج الموجهه سويه انا مااقولج رزي ويهج كل شي تسوين
اذا قالولج سوي كذا سوي وبدعي فيه اذا ماطلبو منج لا تسوين عرفتي
والله يوفقج حبيبتي
وموفقه يارب