|
|
السلام عليكم
الله يجزاكم خير ممكن تساعدوني او تفيدوني هالموضوع انا مدرسة ابتدائيوماعندي خبره بالروضه
ولدي ثانية روضه واسم الله عليه ذكي ويشارك مع الابله بس عنده
مشكله بكم حرف يعني الشين يقلبها طاء والسين ما ينطقها عدل
والابله كانت بتشركه مع الاطفال الموهوبين بس كنسلت لانه ما يقدر
يقول القصيده عدل ولا حتى القران ابي من خبرتكم في رياض الاطفال
ماعندكم غير الاغني او القران يعني مافي فقرات للاذكياء غير الكلام
لاني ابيه يكون مشارك بفقره في حفل التخرج ان شاء الله
وشاكره لكم حسن التجاوب معي
بس الشعر والترحيب حق فئة معينة من الاطفال .. لازم يكون جريء ومخارج حروفة واضحة ويقدر يحفظ
لا تحاتين ولدج ان شاء الله ما راح ينهضم حقه والحفله ريضه على اخر 5
كثري مشاوير للروضة وطقي سوالف مع الناظرة ويحبووووووونج حيل
اشتركي بمجلس الامهات وتصيرين ولا اروع
عن تجربة العلاقات العامة مع الست المديرة ترز ولدج حتى لو حروفه مقلوبة
خليه يعزف مقطوعه بسيطة مع مجموعه اطفال مثلا
والحفلة ريضة يمديج تدربينه وتعدلين مخارج الحروف بس عوديه كل يوم اشلون ينطقها
وكلمي الناظرة وابلاته خليهم يساعدونج وحتى الاخصائية تقدر تساعدج وايد