|
|
السلام عليكم ورحمة الله وبركة
﷽
والصلاة والسلام على سيد المرسلين سيدنا محمد وعلى اله وصحبه اجمعين ، ♡
~
آدخل لكم بموضوعي بدون مقدمات
انا لي كم يوم اجهز لسفرتي لفرنسا مع زوجي ومستانسه وتعرفون اول سفره وشلون شفقانه عليها وانا من خذته لاوداني ولاجابني غير شهر العسل
المهم سفرتي بعد 19 يوم
وتخيلوا فجأه امس دخل علي قالي بعد بكره بسافر استراليا لاخوي ( اخوه يدرس هناك ) وبيصادف تاريخ رجعته بنفس تاريخ سفرتنا ~
، انصدمت
حسيت احد كت علي ماي حار
قلت له شلووووووووون وسفرتنا قال ابوي قالي روح لاخوك خلص اشغاله هناك وارجعوا مع بعض
آااااااه وربي مو زعلانه لان السفره راحت علي لا زعلانه لانه اول مره بحياته بيسافر بدوني وهو ماهو راعي سفرات وخرابيط بعكس اخوانه واقوله خذني وياك يقولي انتي ماعندك فيزه للحين وماايمدي حبيبتي ،
ميته قهر اخاف يروح هناك للخراب وهو من النوع اللي مو صريح وياي وماستبعد عليه شي واخوه خربان اخاف يطيحه هناك ويتعود على السفرات
متقطع قلبي مادري وش بيسوي هناك
المشكله انه كله يقولي ماعندي فلوس وماعندي واكتشفت ان عنده فلوس تكفينا وتزيد ومخبيها عني
ليہ ؟!
اللي مايصرف علي يصرف على غيري
ومابي خيري يروح لغيرنا انا وبنتي
الرجال هم على القلب ياليتني عزوبيه ومرتاحه همي نفسي وو ناستي
انا ماني مع سفر الزوج الحاله لانه مافي رجال يسافر الا للخراب ولا شاللي يمنعه ياخخذ مرته
وهو من قبل فتره كان يتهدد على السفر لاستراليا لحاله بدوني يقولي بروح اتمشى وازور اخوي وهو كذاب احسه يبي يفلت وبس
الحين علموني وش اتصرف واسوي. ، كيف اخذ حقي واخليه يعوضني بدال سفرتي ا راحت علي اه يالقهر ، واحسه مستانس يابنات لانه بيروح الحاله
هو شخصيته اللي قابل للخراب اي حد يقدر ياثر عليه بموت قهر اه
اذا رجع زني عليه اليييييين يسفرك
وعادي ترى مو ضروري رايح للخراب يمكن من جد ااخوه محتاج شي
الصآحي صآحي والخبل خبل
ما في رجال يسافر بروحه الا للخراب ؟؟؟
والله ياعمري اذا انتي مو اثقه منه احنا شكو تعممين
انا اخلي زوجي وجنه العيد يسافر !!!
شكو الخراب ؟
والله الي يدور الخراب ماشاءالله ديرتنا مو مقصرة الخفيفه على افا من يشيل وبكل مكان خراب
الحمدلله والشكر شايلة هم الدنيا واهو ما خانها
وحطي فبالج اذا في باله خيانة يسويها لو انه رايح العمره
بسس شتسوين اذا تابعتي الريايييل ماتخلصين لاتعورين قلبج خل يروح وان رد إلا مـآ يسفرج
..أستودعيه الله .. يحفظه ويرده عليك سالم أن شاء الله
والسفره تتعوض..
مافي رجال يسافر لحاله الا للخراب!!!!
حبيبتي اذا انتي مو واثقه من زوجج لا تعممين !!
وبعدين ابوه اللي قاله روح لاخوك !!!
بتمنعين الرجال لا يسمع كلام ابوه !!!!
بتقوليله لا !!!!
بصراحه انا استغرب من اللي تمنع زوجها من السفر مع ربعه والا اخوانه
اوكي صح ماودج ولو بيدج يسافر معاج بس لا تسوونها افلااام
ليش انتي ملكتيه لما تزوجتيه !!!
ترا مو جاهل تمنعينه !!!
وبعدين ع حسب الرجال وشخصيته
والله لو انه خفيف بيخربط اهني بالديره مايحتاج يسافر !!!
وبعدين ع حسب الدوله اهو رايح لاخوه ما اعتقد فيها شي
وانتي شدراج انه اخوه راعي سوالف!!!!!
واللي قالت زني عليه يسفرك ، انا مابي اسافر كثر مانا ابي احفظه
اخت مشتطه ، اشكر ردج وفعلا عرفتي تتنقين لج اسم مناسب
شاطه عمرج وتقولي اني شايله هم الدنيا واهو ماخاني
ليہ ! تدرين عن خصوصياتي
اذا قلبج ثلاجه وزوجج يزر ويفر براحته هذا شي راجع لج
الناس مو سوى وانا ماحب زوجي بعيد عن عيني ولا ادري عن هوا داره
،
بانتظار البقيه
|
المشاركة الأصلية كتبت بواسطة قـــمـــرهم
 اهم شي!!!
مافي رجال يسافر لحاله الا للخراب!!!! حبيبتي اذا انتي مو واثقه من زوجج لا تعممين !! وبعدين ابوه اللي قاله روح لاخوك !!! بتمنعين الرجال لا يسمع كلام ابوه !!!! بتقوليله لا !!!! بصراحه انا استغرب من اللي تمنع زوجها من السفر مع ربعه والا اخوانه اوكي صح ماودج ولو بيدج يسافر معاج بس لا تسوونها افلااام ليش انتي ملكتيه لما تزوجتيه !!! ترا مو جاهل تمنعينه !!! وبعدين ع حسب الرجال وشخصيته والله لو انه خفيف بيخربط اهني بالديره مايحتاج يسافر !!! وبعدين ع حسب الدوله اهو رايح لاخوه ما اعتقد فيها شي وانتي شدراج انه اخوه راعي سوالف!!!!! |
انا لعممت اعمم بشي منطقي ! الزوج لسافر لحاله مايبي هله ليش ؟؟
ثاني شي شدراني ان اخوه راعي خرابيط ؟ شي راجع لي واسرار عائليه وهو قريبي اعرف عنهم كل صغيره وكبيره
لا ياقلبي يوم تزوجته ماملكته معطيته حريته بكلشي الا السفر برى
حافظته من الفتن ! وعجبتني كلمة تستغربين
لاتستغربين مو الكل مثلج حبيبتي
وشاكره لج ردج واذا حابه تردين على مواضيعي مره ثانيه قولي خير ولا اصمتي
مو تتفلسفين على راسيه بسذاجه لاتكاد ان توصف
شنو بيدج تسوين هذا ابوه الي قايل صعبة انتي تقولين لا و تمنعين اهو يطلع بصورة مو حلوة
خو تعرفين الريال الي يسمع كلام مرته شنو ينقال عنه للأسف ؟؟
الناس ما تتفهم هالمرة ابوه يعني ريال مال اول عيب المرا تمشي كلمتها عندهم
طوفي هالمرة و ان شاء الله ماكو شي لا توسوسين
|
المشاركة الأصلية كتبت بواسطة شــــــــــــــوقــــه
لا ينقلب الموضوع هوشة
شنو بيدج تسوين هذا ابوه الي قايل صعبة انتي تقولين لا و تمنعين اهو يطلع بصورة مو حلوة خو تعرفين الريال الي يسمع كلام مرته شنو ينقال عنه للأسف ؟؟ الناس ما تتفهم هالمرة ابوه يعني ريال مال اول عيب المرا تمشي كلمتها عندهم طوفي هالمرة و ان شاء الله ماكو شي لا توسوسين |
ماشاءالله عليج كلامج عين العقل حبيبتي
،
وانا مامنعته وشفتي كلامي انه بيروح
وماقلت لكم كيف امنعه بس اقولكم مقهوره
اخاف عليه من الفتن هناك اثنينا. صغار وابوه دايم يوصيني عليه ماهده
بس هالمرررره مظطر ، فوضت امري لله
مشكوره حبيتي جزاج الله خير على كلاج اثلج صدري
♡ ~ بآننظار البقيه ،
استغفر الله واتوب اليه ، استغفر الله العظيم