قوه كويتيات شخباركم ياامهات المستقبل ان شاءالله .. بنات انا مشكلتي واضحه من العنوان والله يابنات نفسيتي حيل حيل حيل حيل تعبانه ولمن اقول تعبانه ومااوفي اللي فيني .. والله يابنات متضايقه اول شي انا صارلي 3سنين متزوجه ولامره حملت والحمدلله على كل حال مع ان مافيني شي غير ((
التكيس) وتميت سنه كامله منشطات ورى بعض كلوميد ابر شهر وره شهر شهر وره شهر لمن صرت الدب القطبي والله يابنات من من وزن كان 55 لي وزن 78 وايد صرت متينه بالنسبه لي الكل لاحظ وقالي من العلاج وانا اساسا فيني تكيس يعني اتفخ يابلاااش .. المهم سويت اخر مره تلقيح صناعي ومانجح والحمدلله يارب على كل حال .. عاد وقفت الحيين علاج وعزلت نفسي عن الدكاتره اخذت راحه منهم .. عاد انا يابنات شنو سويت بهالشهرين اللي وقفت فيهم علاج .. الله يسلمكم سويت رجيم ونزلت 10 كيلو من وزني ولافاد بالتكيسات ابد وفوق هذا اخذ غلوكافج ولافاااااااد التكيسات حدها معانده . صارلي اخذ غلوكافج 7شهور وماكو نتيجه حتى حجمهم لو بالغلط يصغر هذا اهم ولا الدكتوره تقولي كبرو شوي .. والله مليت يابنات قاعده افضفض لكم تعبت وفوق هذا اكلت برجلتون عشان ينظم الدوره وانا ادري ان ماتييني نهائيا الدوره بدون حبوب .. وتخيلو ضعفت وايد واخذت منظم الدوره وفوق هذا الدوره يتني يوووووم وااااااااااااااااااحد بس يابنات ركزو يوم واحد وتنقط جنا اطر منها .. وااااااااي شسووي شسوي جد جد تعبت ابي الدوره تييني طبيعي ماكو كلش لازم حبوب وهم فوق هذا يوم واحد بس ماتييني اكثر بالغصب احسها تنزل .. بنات وايد معاي تكيسات فكرت بالكوي قالو يسوي التصاقات حدي احترت مابي اسنع شي واخرب شي ثاني .. وريلي يحن علي يبي عياااال وبنفس الوقت مايبيني اعالج اشلون مادري .gif "Eh S(1)")
. ابي وحده تشور علي شسوي بتكيسات اللي فيني لاتقولون علاج 3سنين صارلي علاج ومنشطات وماكو فايده رجيم سويت وماكو فايده واكلت غلوكافج وماكو فايده شالحـــــــــــــــــــــــــــــــل؟؟ تكفه يالتكيس فااارج عني تعبتني والله .. يارب يارب ارزق كل محرومه وارزقني ولاتضيع تعبي …اختي تقولي سوي انانبيب اشلون اسوي انابيب وانا مشكلتي المبايض كل اكياس 
انا اللي خله التكيسات تروح مني المشي اليومي ادري راح تستثقلين هالشي
بس والله فاد معاي شاريه جهاز والعب كل يوم انا قصدي كان الضعف والحمدلله اختفوا
كنت اعاني منهم سنين بالاضافه لحبوب الجلوفوكاج 800 مرتين باليوم مو 500
ونوعيه الاكل انتبهي عليها بعدي تماما عن الفاست فووود والخرابيط خلي اكلج صحي
وهالشي مشيت عليه 6 شهور والله يشهد انه التكيسات راااااااااحوا الحمدلله يارب + الشاي الاخضر
يعني الزبده انسي الحمال الحين وحافظي على روحج واكلج والله يرزقج ان شاء الله
يعني 6 شهور راحه لجسمج من المنشطات والادويه ولبالج
صدقيني لمن تشيلين من بالج الحمال راح تحملين باذن الله
حبيبتي نصيحه سوي عمليه التكيسات ترا سهله وبسيطه انا سويتها..
كوكو يابعد قلبي
حاااااااااااااااااسة فيج والله ادري باللي اتعانينه من داااخلج ناااار
شوفي ياقلبي
انتي تعرفين كويتية مذهلة صح
اهي بعد كان عندها تكيسات ومانفع معاها الا الكوي ومنو قالج ان الكوي اسوي التصاقات لا حياتي غلطانة انتي اذا بتسوينها بتسوينها عند دكتور شاطر اعرف هالامور واعرف موضع الخلل وعالجه وانشالله بس اتعالجين الاكياس تاخذين ابر او كلوميد وتحملين ويمكن اتحملين طبيعي بعد بس اهم شي الكويييي
نصيحتي يا كوكو والله سوي كوي وارتاااحي لاتضيعين وقت اكثر وتصبري بس اسعي بالشي الصح
اوووكي وانشالله اسمع ابخبر حملج قريب يارب يارب
أختي صراحة أنا كان فيني تكيس بس تعالجت صراحة أنا حيل مستغربة أنا على بالي التكيس شي بسيط وعادي شوي أدوية وتروح هذا اللي صار معاي تعالجت عند عيادة دكتورة ماجدة اليتامى بكل بساطة ..
وايد واااااااااااايد أسمع من البنات أنه التكيس عائق للحمل مع أني ماكو خلال شهر راح شنو السالفة هل من الدكاترة ما يعرفوون يعالجون أو هو فعلا مشكلة مايروح بسهوله عند بعض النساء؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟!!!!!
حياتي انتي الله بيرزقك ان شاء الله
انا متزوجه من 3 سنين ونص وتوني حامل في الشهر الثالث
عانيت مع التكيس واشتركت في نادي وسويت ريجيم واشربت فترة طويلة حبوب جلوكوفاج ولاشيء
لكن بفضل الله سبحانه وتعالى رحت ايران للامام الرضا والله رجعت شهرين وعلى طول حملت دورتي تنزل صج بالحبوب لكن صار يصير تبويض طبيعي مع اني كان عندي الهرمون hl مرتفع
بعدعمري ايماننو فديت قلبج,, اي كويتيه مذهله رفيجتي وسولفت لي كانت مسويتها عند فوزيه القطان اتوقع يحلوها الله يرزقها يارب ويرزقنا كلنا … والله يابنات انا امشي ومسويه رجيم ومااكل الا الصحي اقولكم مسويه رجيم بعيده عن الفاست فووورد كل سطلات وتوست اسمر وجايي اخضر هالسوالف .. بنات انا التكيسات من زمان معاي من بلوغي احس الدوره مومضبوطه معاي بس ماكنت ادري ان فيني تكيسات بس لمن تزوجت اكتشفت هالشي … انزين بنات وين اسويها عند منو انا خايفه من هالمنظار والله انا سمعت ان يسوي التصاقات ..
ردو علي بلييييييييييييييييييييز
هلا كوكووو
والله وايد في دكاترة شطااار عندج ماجدة اليتاميى فوزية القطان خالدة المجيبل ودكتور عصام اللي بالهادي
بس عملية المنظار غير الكوييي
عملية المنظار اشوفون فيها الرحم بالكامل وعالجون اذا في مشكلة بالرحم ومايسوي التصاقات اصلا المنظار علاج الالتصاقات
وانشالله مافيج الا العافية بس لاتسكتين عن عمرج لازم تكوين التكيسات احسن شي
اي ايمان بس شلون كوي يصير اكيد بمنظار ؟؟ولا شلون يعني
والله مادري بالضبط بس المنظار اعالج التكيسات صح بس سالي كويتية مذهلة اكيد بتفيدج اكثر
اذا وحده عندها معلومه خل تفيدني اكثر ..
حياتي كوكو انا اول ماتزوجت صار معاي بس كان على كلام الدكتورة بدايته
قالتلي قطعي من الفاست فود لان كله مواد هرمونيه وتاثر جان اقطع كلش ماقمت اكل
او مرة بالشهر وقمت امشي وااايد والحمدلله الشهر الي بعده يووم راجعت قالت ماكو شي
مستحييل انا من زمان معاي من بلوغي وانا الدوره يتني مره وحده وبعدين تنقطع علي سنين ماتيني ولمن تزوجت عرفت فيني تكيسات وانا مااكل وجبات سريعه نهائيا لأن انا من الاساس مسويه رجيم .. ونزلت من وزني وهم ماكو فايده ..