آرائكم بالصرف الباهض على الدروس النموذجية ,,,

تقبل الله طاعتكم وعيدكم مبارك

بعد القرار السعيد لإطالة الدوام المدرسي وبعد الضغط إلي راح أواجهه بمدرستي من نقص بالقسم ,,, وبعد الكراف والمناوبه

أبي نصيحتكم بالتالي ///

دائما اذا زميله عزيزة سوت درس نموذجي على مستوى المنطقة الكل بالقسم يشارك بالحطه لزوم الكراسي والطاولات والخدمه والحلو اللي من ارقى محلات الكويت والفطاير والورق العنب والعصاير الطبيعيه ,,, اذا صار عندنا درس حتى المدارس اللي ما دعيناها او نسيناها يجون بس يشوفون شنو مسوين فناتك ومن وين الحلو ,,,, مظاهر بذخ إسراااف
وياليتني أحصل شيء يطلع بإسمي نهايه الأنشطه يجي درع بإسم الزميله وعليها بالعافية

إلي أبي اوصله أنا ضددددد الدروس النموذجية وبشده ,,, لان كلها تمثيل بتمثيل الطالبات مدربات شنو بيسوون والصف هادئ والابله ماتصارخ واسلوب التشجيع دائما بلسانها ,,, والحضور يشيد بشرحها
عكس لما تدخل علي الموجهه او الناظره وانا حصتي طبيعيه وتعاملي طبيعي ووسائلي موجودة لاني اراعي وجود الله وماهمني حضور الجماهير في هالدروس

ياليت الكلام الى هنيه ويخلص لأأأأأ

السالفة توها تبتدي ,,,,, ياخواتي أنا انحطيت بمدرسة تمووووت على المظاهر و الفناتك وبالاخض قسمي ,,, وعلى هالشيء لازم يبيله فلوس والفلوس اكيد من جيوبنا ليتها عشره عشرين لأ ,,, توصل حطتنا 50 أو اكثر وإحنا 12 مدرسة ,,,الإجمالي 600 دينار على وسائل إعلانات راح تنقط بالزباله كرمكم الله لان ماراح نستفيد منها السنه اللي بعدها ,, على كماليات ذكرتها سابقا بالإضافه الى دروع تكريم للموجهه والناظره والى تزيين بالونات لمدخل الصف او الصالة ,,, وعلى فكره وسائل المعلمه اللي تبي تسوي الدرس تدفعهم من جيبها يعني ال 600 ذكرتها على هيااااااااااااااااااط وإسراااااااااااااااااااااااف

خواتي صارلي 3 سنين متوظفة 100 دينار ماوفرتها من راتبي والسبب قط قط قط على هالمدرسة لمتى هالحاله يعني ,,,؟؟؟
المشكله اني كلمت زميلاتي وعارضت ياجماعه مايصير إسراف يعارضون معاي وقدامي ومن وراي بوجهه المدرسة لااولى سمعا وطاعه وانا اللي اطلع بالشينه

عطوني حل ؟؟ رضيت اول 3 سنين بس ألحين لأ بغير موقفي عطوني رايكم ونصائحكم ,,, مابيهم يستغلوني اكثر ,, وخواتي ورفيجاتي لما اسولف عليهم ينصدمون وينصحوني انتقل واريح راسي واروح مدرسة صبيان مافيها هالحوسه

ملاحظة : مدرستي قريبة من بيتي وبناتي معاي بالمدرسة لحد ينصحني انتقل ,,,