|
|
موضوعي ان شالله يكون مفيد للكل
بنات في وايد حريم مايعرفون شي اسمه ميك اب
يعني لاغينه من حياتهم او بمعنى ثاني مايحطونه الا بالاعراس وحق الزوج لاء يعني مايشوف هالكشخه الا لي بغت تطلع من البيت حق الحفله يعني مو حقه للاسف
وفي نوع ثاني من الحريم الي ازواجهم لي يومكم هذا مايعرفون شكل او ملامح زوجاتهم الحقيقيه
بتكلم عن الميك اب
كل وقت له ميك اب يخصه وتسريحه شعر ولبس
يعني مو حلوه طالعه مع زوجج ويج اصفر
وبنفس الوقت ماقلت لج حطي ميك اب ولفتي النظر لاء حلو ان زوجج يشوفج حلوه بكل الاوقات طالع معاج قاعد معاج بالبيت زايره بيت اهله اهلج استقبالات مناسبات كل يوم حلوه ومتئلقه
الحين ببدي ومع الصور
في حريم حلوين بدون ميك اب بشرتهم حلوه ولونهم حلو وبشرتهم مافيها شي وصافيه وجميلات وملامحهم ناعمه هذوله من الحين اقولهم سالفه الميك اب مو لكم لوووول
اول شي خنشوف الوي بدون شي
هذوله الحريم الي تلقونهم بالجمعيه واول ماتجوفج جنها ماتعرفج تنخش ورى الارفف
ولمن تلحقينها تقولج هلا والله ماشفتج وتنخش منج وماتنخش من زوجها الي ياي معاها الجمعيه
طبعا زجها متعود فمايخترع عادي عنده
عشان جذي اذا في مشوارسريعه مع زوجج مثل جمعيه ومشاوير
تحطين مكياج خفيف
بس لمن تردين البيت تفنني مرا خفيف مرا زيدي الجيله اشوي
مرا مكياج فاتح مرى غامج
لبسي كل الالوان الي ما تتجرئين تلبسينها في البيت احمر فوشي اخضر روتانا بيبي بنك كل الالوان مو تعلقين على الاسود والبني يمكن انتي ماتملين بس زوجج يمل بس مايقول
ليش عاد تخلينه يشوف هالالوان بره ليش مايشوفها بالبيت
طبعا كل وقت في البيت له لبس
في حريم عبالهم التفصخ اهوا الي بيخلي الزوج يحبها ولتفت عليها
انا برد عليها وبقول لاء غلطانه
اول مرا بيشوفج بيستانس بس بعدين لمن يتعود راح ينعدم هالاحساس يعني تفصختي ماتفصختي نفس الشي
عشان جذي حلوه الاثاره بدون تفصخ يعني مثلا مغطيه كل جسمج وكل ملابسج ظيجه وفي طريقات غير مباشره بالبس همن تلفت النظر
طبعا كل وقت له لبسه يعني في البيت الصبح شي ناعم ومستر الله يعافي لاسنزا قسم السبور او توب شوب ليقنز مع بلايز وسيعه وشعرج تفلينه وترفعينه فباند
وفي تساريح وايد مثل
او هالتسريحه
لا اتغشمر ههههه
او مرا عنقوص وتيشيرت كيوت او تريننقات الخفيفه وفي تريننقات خام فوطه وايد راقيين وحلوين تقدرين تظلين لابسته لمن تشبعين
وطبعا اذا عندج حموله في البيت وبتنزلين لهم وي لازم تطلع الفناتق في البس السنع والشعر والعطر والميك اب
شي معروف
وبغيت اتكلم عن نقطه اهيه الكشخه بالعروس كل وحده تبي تصير حلوه هذا شي طبيعي بس في ناس والله يهولون بنفسهم تروح الصالون تقول بليز توصو فيني ابي كل الالوان الي بنفنوفي نفسها بالظبط فوق عيوني وابي رموش وعدسات خظر وبنفسجيه وزرقه
مشالله تبارك الرحمن على الوان هالعيون اوربيه ولا من روسيه
واخر شي تطالع نفسها بالمنظره
وااو اشحلاتي والله راح اشق على العروس وبيخطبوني بعد كلي ذوق مكياجي مثل لون ملابسي ورموشي طويله وعيوني ملونه
ترد البيت الريال يشوفها يبلع العافيه
وان ما مدحها تزعل
انتا ليش ما تمدح ولا تقول اني حلوه ماتحبني
ادري فيك
يقولها لا والله حلوه
تقوله اي عبالي بعد
يعني غصب طيب تختار يا انا حلوه او حلوه او حلوه
والي بتفنتق زياده عاد والله البنات قامو يحطون خرز على ويوههم شوف عيوني والله تحت الحاجب او على الخد او الحنج
ولمن ترد البيت مايروح المكياج 3 ايام كل يوم تغسل مايروح حتى لو تفركت مايروح
انا اقول العرس لازم الوحده تطلع اجمل ما عندها بالبس الحلو حتى لو ملابسج الوان وايد نكتفي بلونين بالشدو
وفي البيت حلو ان بين فتره وفتره تسوين فناتق يعني مو بس بالعيد ميلاد وعيد الزواج والفلنتاين وراس السنه ووو لوول شبقا
الفناتق هاذي روحي بياع الورد اخذي سوالف ورود روحي ايكيا اخذي شموع كفر ابيض وشموع عطريه
ان شالله الموضوع ينال على اعجابكم وانا ادري ان في ناس بتنتقد خو اذا ما انتقدنا شي وطلعنا عذروب مانطلع كويتيات لووول
والي ماتحب تحط ميك اب لان ضار للبشره وماتحب تستشور شعرها لان موزين ويخرب الشعر وبتلبس الي يريحها اهم شي الراحه وريلها عاجبها كيفها
ههههههههههه
موضووووووووووعج عجييييييييييييييييييييب تسلم ايدج وصج والله ساعات اروح الجمعيه ولا الطبيب اخترع من ويوه الحريم اللهم ياكافي .. انزين اقل شي حطي الحمره السحريه الي لونها اخضر ولمن تحطينها على شفايفج تصير ورديه وبلشر خفيف وردي ومسكرا وعدلي حواجبج .. هذا اقل شي تسوينه @@
يعطيج العافيه حبوبه
ضحكتني صوره مرام اول وحده صج فنتق
ومكياج الساحرات يضحك
يعطيج العافيه خوش موضوع
وبقووول شي مااقلتي عنه
امبي الحين الهبه البنت بططططططططططططططططططططططططططططططططططه من قلب وريلها عصقووول وطالعه معاه اهوو شحلااته واهيه ولاا قطرة مكيااااج <<<< وااايد شفت جذي
سوووري بنااات بس صج اللي تشووف نفسهاا متينه سووي ريجيم اذااا ماتقدرين لاا تتعشين حراام تخربين جمالج بالمتن
<<<< من حزب الطماااشه يعني ملقووفه لوووول
فنكيه ضحكني موضوعج وخاصه بوعنقوص ومكياج المهرج لوووووووووول فديتج
كتبتي الموضوع الساعه 1:9 الحلوه صواني ردت الساعه 1:9 ماقوووول الا مشالله عليها قرايتها عجيبه
الزين مايحط الا الزين شها الموضوع
والله انا احيانن اخترع من حواجبي لا سويتهم جاينيززاقعد من النوم كحلي معاي اخطهم لا يطلع شكلي اكس لا يخترع الرجال وهم نتفه
ويمه اللي اشوفه الحين والمكياج مصيبه والله احيانن اقول ناس تعرف تمكيج وناس تسوي نفسها هووووووووووله واثقه الحبيبه في عمرها
وعلى طاري المكياج افضل الزوجه لا طلعت مع زوجها يكون المكياج خفيف مو اوفر مثل اللي اشوفه
ومشكووووره حبيبتي ع الموضوع
ܓܛܟ♥