¨°~*§¦§ نتيجه التصويت لمسابقه الزوجه المثاليه§¦§*~°¨

المشاركة الأصلية كتبت بواسطة Gourges

معلومه انا مو متزوجه مادري مو محطوط بالشروط لازم الي تجاوب تكون متزوجه او لا
متزوجه او لا بس حسيتها اختبار للفكر
عموما انا بجاوب مقبوله اوكي مايصير عادي المهم شاركت معاكم خخخ

1
اغير الروتين نفسه .. مو بس شكلي الي يتغير وبيتي رووتيين اليومي اهوا الي يخلي الملل يتسلل حق حياتنا…
ومن الاشياء الي ممكن تكسر الروتين نغير جدولنا واغير جدول زوجي بعد .. مثلا احدد وقت نرووح نمشي فيه رياضه وهم تسليه وهم نغير جوو فيها ..على البحر صوب المركز العلمي وغيره …
وهم ممكن لمن نشووف التفزيون بشكل عادي اغير لا اسكر الليتات اييب نفيش وريد بول وبيبسي وغيره .. واحاول اغير اسلوبي وطريقت كلامي وضحك واجرب اشياء ماجربتها بالكلام والسوالف
ممكن نحجز بشاليه او فندق حتى لوو يومين نغير جوو بالويك اند ..
وبما ان تيي فترة ركوود بالسفر التذاكر اطيح اسعارها نقدر ندمج جم عطله مع بعض وافاجاه بتذاكر حق دوله حتى لو كانت اجنبيه 4 او 5 ايام بس صج انها بتكون فصله حدها بس اهوا راح ايحب الاكشن ..
تغير جوو ونفسيه .. وغيره من التجهيزات الوااو .. وبعدين اقدر اسوي اشياء مو له حق غيره حق اهله او غيره وغيره وجنيي مابيه يدري واخليه يدري جنه بالغلط يعني وقتها راح يحس اني موصج واسوي اشيااء اكثر من الزينه
معاه ومع غيره .. وهلشي ايزيد محبته ويدللني زياده ..
فا هلاشياء تكسر الروتين .. وممكن ادخل الالعاب العاديه الي يستانس فيها مع ربعه .. الاونو والجنجفه والمونيبولي والبليستيشن انا العب معاه واتحداه واراهنه بعد
منها وناسه وتغيير جو .. وكل مره اهيا ادرا بريلها برغباته وبلي ايحبه وبلي يلفت انتباهه
2

اول شي ماراح احسسه بالقصوور ولا راح احسسه ان حياتي اختلفت وان انا متازمه .. بالعكس راح اهون عليه الي يمر فيه وابينله ان مو ناقصني شي ولا اهوا مقصر بحقي
لان اكثر شي يكسر الريال مو لمن ما يلقا حاجته لا لمن ايحس انه مو لاقي حاجت مرته وعياله وبيته .. هلشي يكسر ظهره .. فا اول خطوه ان ماتبين له النقص واالاختلاف بحياتها اليوميه ..
ثاني شي ادعي ان الله يفج عوقه وعوقي .. وان الله يرزقنا واكثر من الاستغفار لان اييب البركه سبحانه ..
ثالثا احاول ارتب ميزانيته وميزانيتي ونعدل بمصاريفنا بلي يتوافق مع ميزانيتنا اليديده .. وبالعكس ابينله ان هذا اختبار من الله
ومرحله نمر فيها .. وبالعكس انجرب كل شي دام احنا مع بعض ..
اييب ورقه وقلم واقعد معاه ونتفق على كل شي ..
بيني وبين نفسي راح احس باشياء ابيها مثل خواتي مثل رفيجاتي بس ماابين حق احد بلي امر فيه ..
واظل مثل ما انا .. وما اقوله عن الي ابيه لمن ايكون عندي .. ولا اضغط عليه ..
وكل شي احسه فووق حاجتي ويطلبون اني اسويه معاهم " رفيجاتي وخواتي" راح اعتذر بطريقه لبقه اني اتخلص من الموقف بدون لا ازعج زوجي واضايقه ..
لاني ادري مابيده شي .. ليش اغثه على الفاضي !!
بالعكس عاادي اتاقلم واكيف نفسي واكيفه على الوضع اليديد ..
وابينله ان في غيرنا حالتهم اسوء .. ومافيها شي وانه انشالله بيعوضني باحسن من الي كان عندي .. واقلبها غشمره ..
وبالعكس دام ان الدنيا ضايقه عليه .. ليش ما اكون له الباب الي يلجاله من بعد رب العالمين ويلقا راحته النفسيه والضحك والوناسه عندي
مو اروح انكد عليه انتا وانتا وابي وابي .. لا يبا

3

الريال على ماتعوده المره .. وبعدين مهما كانت شخصيته فا اهوا مو صنم يتاثر بالمجتمع وياثر ..
تربى على انه يكبت مشاعره .. كون شخصيته على هلاساس .. انا اغيره ..
اكبر غلط تسويه اي زوجه ان تطلب منه الكلام .. لان هلخطوه المفرووض تكون اخر الحلول لسبب ..
لمن تطلب الزوجه من ريلها ان يقولها الكلام الي تبيه .. اولا ماراح تحس بقيمة الكلام لانه ما قاله الا لانها طالبته منه
ثانيا الريال لمن بيي يوم ويبي يقول الكلمه بيحس انها بتقول بيييه بييه شطاااري؟؟ @@
فا بيقول ولييين خلني ساكت احسن …
فا الحل يا عزيزتي انها اهيا تغرقه حب وتصير حنونه معاه وتحلي لسانه بالكلام الزين شوي شوي يوم يومين شهر شهرين سنه المهم بيتعود وبيصير نفسها ..
صدقيني بيكتسب منها الكلام شوي شوي ..
مانفع تقدر تستعبط .. شلون؟ يعني تساله اساله تيره بالحجي حق الكلام الي تبيه فبالها ..
وبعدين انا احرك العواطف داخله .. بحركااتي بكلامي معاه بتصرفاتي .. مثل ما اصير حنونه معاه بيكون حنون علي ..
واذا مااحصل ولا صار الي فبالي .. كافي انه ايحبني .. شي يغطي على شي … ان يئست منه وانه ايعبر .. راح اقول بيني وبين نفسي حسناته اكثر فا راح اتغاضا عن هلموضوع كافي انه ايحبني
والدليل مواقفه الي تكون قبل كلامه << اقصد بديل عن كلامه هههه لانه مايتكلم بمشاعره

4

ارتب اولوياتي بيتي زوجي النت منو الاهم؟
زوجي لان اهوا اساس بيتي .. النت لو ما راحتي افبيتي وزوجي ماجابلت النت وبالي مرتاح
فا شي مرتبط بشي …
اخلص كل امور زوجي وواجباتي صووبه .. واخلص كل شي افبيتي .. ولمن يكون مو موجود اقعد على النت على راحتي واكون مخلصه كل شي فبالي .. وقبل لا ايي اسكر النت وانطره
بجذي ارضيته وارضيت نفسي
وان صار ان ماعندي وقت حق النت اذا بسوي كل امور زوجي وبيتي وواجباتي؟ لا لاحقه على النت
طبعا انا ما اهمل هواياتي ولا اهتماماتي بس كل شي بوقته

5
اول شي بلحظتها بسكت لان النقاش بحزتها بيكون يزيد المشكله ماراح يحل شي ..
ممكن اناقشه ويسمعني كلام مايعجبني ممكن اقوله ليش ماليش وياخذني الحماس واقول كلام يفهمه انه تحدي وانه منو الي يمشي كلامه
وممكن اني ارد ويخلي الموضوع صج افباله ومايعديه ..
بس اسكت واسمعه واقول خير انشالله .. مايصير خاطرك الا طيب .. واسكت .. لمن تهدا الامور
اقوله يا فلان انا بقولك شي .. بصراحه انا الموضوع الي كلمتني فيه بخصوص بيت فلان << اقاربي
انا مو راضيه عليه .. ليش انت قلت جذي ؟ فهمني اقنعني؟
وبعدين انت تدري ان صلة الرحم واجبه .. حتى لوو ماكنا نتوافق معاهم .. ماعليه كل الناس تختلف عن بعضها بعض .. الي علينا نسويه ..
نوصل ونوجب الناس وتوجبنه .. وانت يمكن اختلفت معاهم وماتبي توصلهم انت مو مجبور اهما اقاربي .. مو مشكله انا اوجبهم .. بالمناسبات وبين فتره وفتره اسلم واسال عن حالهم ..
بس ماراح يكون احتكاكي قوي .. شقلت؟
ووقتها عاد اقنعه بكلام من الرسول او قصه او اي شي فيه عبره .. واكيد بيفهم قصدي .. انشالله

6
اقووله اليوم تصدق قريت قصه بالنت << واكون صج مسويه بحث عن قصص مؤثره حيل <<< واقوله القصه جذي وجذي
واخليها نقاش بينا .. احط على قناة العفاسي دايما واحنا نحوس بالبيت .. فيها ذكر الله واحاديث .. وغيرها من القنوات
فا هلاشياء معنها بسييطه بس ترى لها اثر بالنفس تخليها ترد عن بعض الافعال .. وقت الصلاة اقوله عنه واذا شفته قاعد اقوله شراايك دامك قاعد والحين بياذن تروح تصلي بالمسيد ومره وحده تييب شي الفلاني من الجمعيه
يعني اشجعه باوقات يكون له خلق ونفسيته زينه
اسويله سي دي فيه قران بصووت اهوا يحبه واحطه له بسياره يسمعه
سورة البقره احبها تشتغل بكل بيت كل يوم تبعد الشر عنه وتحفط البيت واصحابه .. وطهر النفوس .. فا هم هلشي يفيد بحياتنا
واذا سمعت ان في ندوات دينيه بتكون بالمسيد الفلاني ولا المكان الفلاني اشجعه ان ايروح واذا في صوب حق الحريم بالندوه اقوله يوديني انا ابي اروح ومنها اهوا يروح ويسمع

المشاركة الأصلية كتبت بواسطة @ام ضاري@

المشاركة الأصلية كتبت بواسطة اطياف الكويت

1_ دايما متجدده فى حياتك ونشيطه وتقومى باشياء جيده ببيتك ..! مثل…
تغيير اسلوب حياتك..!, ملابسك..!, مكياجك..!, شعرك
ومع هذا كله تشعرين ان زوجك ما زال يشعر بالممل من حياتكم الزوجيه ……ماذا سيكون تصرفك لتغيير شعور زوجك؟؟؟

في بداية الزواج نلاقي الرومنسية و الحب و التدليع لأقصى حدوده سواء مني او من زوجي وبعد فتره نلاحظ إن الزوج ما عاد مثل ما كان عليه ويشعر بملل وفتور
ودائما تكون الزوجه هني معوده زوجها على روتين معين فهنا يحتاج الزوج إلى كسر الروتين المعتاد راح اغير شعوره كالسفر والتجديد في المكان ونسيان اعباق الحياة والابتعاد عن المشاكل وتغيير الجو والمكان يضيع الملل وينسي مشاكل الحياة
مع الاحتفاظ والاهتمام في المظهر العام

2_ كنتي تعيشين مع زوجك بسعاده والحاله الماديه جيده جدا ولكن في يوم من الايام الحاله الماديه تدهورت ولم يعد هناك المال الكافي للمصاريف الكثيره التي تعودتي عليها …. ماذا ستفعلين؟؟؟

عمر الحاله الماديه ماتغير نظرتي لزوجي بالعكس اساعده واحط ايدي بإيده إن كان في عمل حكومي او نشاط تجاري واخفف من متطلباتي الغير ضروريه والثقيله على كاهله
دايما نحط المثل هذا جدامنا ايد وحده ماتصفق ((خصوصا اذ كانت نربية اطفال او عمل مهني او حتى في استمرارية الحياة الزوجيه واللي هو عدم اكتمال الوحده الاسرية بسبب غياب الاب)) صحيح هي واجب من واجبات الزوج فقط في حدود مقدرته الماليه لكن بعد خروج المرأه إلى العمل قد خفت الاعباء على الرجل

زوجك رجل تتمناه كل فتاه فهو رجل مؤمن,يحبك, ويخاف عليكي وضعه المالي جيد ….باختصار فارس احلام كل فتاه … ولكن فيه عيب واحد وهو انه رجل بخيلآ بعواطفه ولا يستطيع ان يحسسك بالرومانسيه المطلوبه بين الزوجين,ماذا سيكون تصرفك ؟ وخصوصا..!
ان كل زوجه تحب ان يعبر لها زوجها ويبوح بأجمل وارق كلامات الحب.!؟؟؟
كثير من الزوجات يسئن تفسير صمت ازواجهم
كل زوج له طريقته في التعبير عن مشاعره تجاه زوجته مو شرط بالكلام الحلو يعني ممكن التعبير بطرق اخري ممكن بهديه بسيطه او اذا جاي من الشغل مرهق وابتسم في وجهي كل هاذي طرق للتعبير عن الحب بس لو انا ابيه يقول كلام حب اسويله من هالحركات الحلوه وما اناديه بإسمه ولا بو فلان لا مثلا حبيبي او حياتي او نظر عيني
حتى لما اكون زعلانه منه ومتضايقه ما اغير العاده اللي عودته عليها
واللي من الممكن يقلدني في هذا الشي

حــــاولـت بكل جهدك التوفيق بين متطلبات بيتك ، وزوجكـ وهوايتك
ولتكن الجلوس على النت ,,
ومع ذالـــــــك..يشعــــــرك انك مقصــره..وتهتمى بالنت اكثر منه ..
مــــــــاذا تفعلى لكــــــــــى توفقى بين النت وبيتــــــــــك وزوجـــــــــــــــك؟؟؟
اقوم بواجباتي على اكمل وجهه سواء من ناحية البيت او من ناحية زوجي وعدم الجلوس على النت في حال وجوده في البيت بالعكس اهتم فيه واوفي طلباته وفي حل خروجه من البيت اهتم بيتي وبعدين اطفالي وفي وقت فراغي امارس هوايتي
ولكن لامكان للنت على سبيل راحة زوجي واطفالي واهتمامي في بيتي ونفسي

وقفتى مذهولـــه بعد ان عرفتى ان زوجــك لا يريدك ان تزورين احـــــد من اقــاربـج ..
ماذا تفعلى كى ترضى زوجك وفى نفس الوقت تصلـــى رحمــــــك؟؟؟

مايهم ولكن الاهم انهم مايكونو امي وابوي وإن كانو هم راح اقوله إن الإساءة إلى الأرحام ، أو التهرب من أداء حقوقهم صفة من صفات الخاسرين الي قطعوا ما أمر الله به أنه يوصل ، بل إن هذا جريمة وكبيرة من كبائر الذنوب وابين له نظرة الناس له من
هالجانب السيئ ونظرة الإسلام له من جانب آخر مهم جدا
قال تعالى : فهل عسيتم إن توليتم أن تفسدوا في الأرض وتقطعوا أرحامكم . أولئك الذين لعنهم الله فأصمهم وأعمى أبصارهم . واذا كان مصر على رايه اقوله مو مشكله ما اروحلهم بس لا تحرمني منهم خلهم هم يجون عندي وبالطريقه اكون من الممكن
حليت 50% من المشكله

6- فى الاونــــــه الاخيره لاحظتـــــــــى تقصيــــر زوجك
فى عبـــــــــادته وقــــربـــه من الله عز وجل.
واهتمـــــامه بأمــــور الدنيااكــــــــــثر .
وانتـــــــــى غيـر راضيــه عن هذه التصـــرفات.
ماذا تفعلى كــى يرجع للصــــــواب
لتعيشــــوا حيــاه زوجيــه سعيــده فى ظل طـــــــاعه الله؟؟

النقاش في في الامور الدينيه افضل بكثير من السكوت عن هذه التصرفات اللتي تغضب الخالق مثلا ابدأ بالتلميح والصلاة امامه ودعوته صلاة الجماعه او اقترح عليه اعطائنا دروسا في الاسلام ودعوته إلى العمره واذا كان غير موجود في البيت وصادف آذان الظهر مثلا
ابعثله مسج وبعد عشره دقائق ادق عليه اقول تقبل الله منك قبل لايطلع احطله مطويات
الدعاء والإستغفار واذا يبي يسافر اجهز جنطته واحطله فوق ملابسه قرآن غير المطويات والكتيبات