يصير أغير البامبرز و الزوج موجود ؟؟؟؟؟ محيرني هالسؤال

السلام عليكم ، شخباركم يا أحلى أمهات ؟
طبعا عرفتو السؤال من العنوان ….
دايما يخطر ببالي هالسؤال لأني حامل (بجرية )
يعني إذا بغير بامبرز البيبي إذا بنت يصير أبوها يشوف ولا لأ ؟
أحس هالسؤال حيل حيل مدوخني ، مرة أقول أكيد عادي أبوها بعد ،
ومرة أقول مو حلوة أغيرها و هو يشوف…

بنات أحس السؤال ماله داعي أو سخيف بس تحملوني عن جد دايما أفكر بهالشي ….
من واقع خبرتكم ، شرايكم؟؟؟؟؟؟؟؟
و يعطيكم ألف الف ألف عافية و عسى ربي يحقق لكل وحده اللي تبيه و تتمناه دنيا وآخرة …..

عادي حبيبيتي وين المشكله

مشكورين أم ناصر و مس سوان عالمرور
انا قصدي يصير يشوفها بدون ملابس يعني يصير أسبحها و هو موجود ….

عااادي حبوبه

ايييي عادي هذي بيبي شنوو المشكله

تسلمون خواتي : فاقدة حنان أبوه ، الدلع أنا
آنا ما عندي أي مشكلة بس أكثر من مرة أسمع حريم يقولون لا ما يصير وووو ….
فحبيت آخذ راي البنات في المنتدى …

اي ياقلبي خل يشوف واذا تبين خل يساعدج بعد علشان يحس بالمسؤليه شنو يعني بس بنتج بروحج

عادي لانها بيبي اذا كبرت على 3 او 4سنين صح مو حلوة وعيييب اصلا

الى 4 سنين عادي

اناا اشوف انه لاا ما يصيررر ..
ماله داعـي .. يعني اذا تبينه يحس بالمسؤوليه ممكن يشربها حليب يلبسها هدومهاا مو يغير لها البامبرز اصلا اهوا ما راح يرضـى ..

لاادي انا ريلي ساعات يغير لها و يسبحها معاي عمرها سنه و شهرين
لا يروح تفكيرج بعيد هذا ابوها
يمكن اذا صارت 3-4 سنين اقولج فشله
مو عشانه اهوا لا عشانه اهيا تتعود على الحيا و ان هالمكان محد يشوفه الا اهيا و ماما

ليش يشوف ماله داعي الااذا بصدفه عادي…

ههههههه كنج انا وانا حآآمل،
عادي بالبدايه اطلع من الغرفه واروح ابدل لها بغرفه ثانيه وبعدين مع اللويه صار عادي ،،
بس اذا كبرت عيب ،،~

اي عاادي حبيبتي لا تحاتين