|
|
بنات انا صارلي اسبوع والدة والحمدلله ولادة طيعية وهذي اول ولادة وعندي شوية استفسارات وابي اجابة من اهل الخبرة
بالنسبة لي انا .. متى البطن يرجع مثل اول (يعني بعد كم )
وبالنسبة لربط البطن انا ماربطت للحين لأني عندي بواسير وكل ما اربط احسها تبرز اكثر وتعورني عشان جذي انا ماربطت للحين وودي اعرف اذا ماربطت ممكن يترهل بطني
بالنسبة للصدر.. بالليل اذا جيت انام وفصخت الستيان صدرني يغرقني حليب فامادري شسوي يعني اظل البس ستيان حتى وانا نايمة احس انها شغلة غير مريحة ابي الحل الله يخليكم
وابي اعرف متى الصدر يوقف ينزل حليب
وبعد ابي اعرف انا مارضع ولدي من صدري لكن اشفط له واشربه بس بعرف هل الشفط مثل الرضاعه يرجع الرحم والبطن مثل ماكان
وبالنسبة للدم متى بالعادة يوقف يعني بعد كم يوم
ولما اجي انام ماقدر من كثر العرق والله اني اغرق ملابسي .. مادري هذا طبيعي ولا لأ
وابي حل للبواسير الله يجزاكم الجنة لاني بمووووت من الالم
ودايما احس اني مخنوقة وصاكة فيني الدنيا وبس قاعده ابكي مادري هذا اكتئاب النفاس اللي يقولون عنه طيب واذا كان هو متى يروووح ؟؟
واسفة اني طولت عليكم بس بغيت خبرتكم ومساعدتكم الله يحرم وجيهكم عن النار
متى البطن يرجع مثل اول (يعني بعد كم )
يبيله وقت طويل اشوي يعني شهر تقريبا
وابي اعرف متى الصدر يوقف ينزل حليب
يبيله جم شهر بس لازم تلبسين فوط الصدر للحليب الحين
الرضاعه احسن من الشفط طبعا بكل النواحي
بالنسبه للدم يختلف من وحده للثانيه بس ماراح اتخلصين نفاس الا هو واقف
ابشرج انه هذا اكتئاب النفاس وحله الوحيد انه يكون احد معاج ويحاول يخفف عنج وطبعا هو فتره وتعدي انشالله على خير
اشدعوه ياحريم وينكم ساعدوني بكم اجابة موشرط كل الاسئلة
ادري انها واااايد بس شسوي والله تعبانه وبغربة وبروووحي.. بلييييز
و سوي تمارين البطن
بالنسبة للبواسير عليج بالبرتقال علشان لا يصير فيج امساك
و بالنسبة للدم يختلف من و حدة لي وحدة في ناس تغسل يوم عاشر و في قبل و في بعد
وبنسبه حق الدم على حسب تغذيتج اذا تغذيتي زين يوقف اكلي رشتاد يقولون ينزل الدم وهذا يبيعونه الحواويج
وبنسبه حقالرضاعه ليش ماترضعين ولدج من صدرج وضعيه الرضاعه اهي الي ترجع الرحم لطبيعته
والمشد انا ماقط جربته ولا يطلع فيني كرش يمكن كل وحده على حسب جسمهاا
والكئابه الي فيج طبيعيه حبيبتي لانه هرمون الحمل ينزل فجئه بعد الولاده يسبب خربطه بالهرمونات يعني كلها كم اسبوع وترجعين طبيعيه
والتعرق هذا يكون اول اسبوعين وبعدين يروح
وماتشوفين شر والحمد لله على سلامتج