ولدت وأخيرا دشت علي الناظرة

السلام عليكم،،،
يا بنات دشت علي الناظرة اليوم
دشت واهي تسلم بكل رحابة صدر
والبنات عسل ساعدوني حطو لها الدرج والكرسي
وطبعا كنت اشرح لهم درس القيم اللي فيه وجدانيه يعني مافيه شي ينشرح
ووايد عطيتهم فقرات إثرائية عن كلمات يديده عليهم
والناظره جان تاشر لي يعني دفترج
حدي افتشلت ما اعرف بهالمواقف انا ابادر أعطيها دفتر تحضيري والا أهي اللي تطلب
وطبعا شرحي ما يبيله انتقل بينهم بخط مستقيم يعني حدود طاولتي حركتي
لما قبل ما تطلع فرت علي دفتر البنات وتخز فيني وانا اخز فيها
جان تهزا راسها وكانه تقول لا وطبعا ويها معصب
واطلعت
رحت لها علي طول المكتب جان تقول زياراتي اليوم وايد مستانسه منها ومريحه
وقريت تقيمي كاتبه كلام وايد حبيته وعجبني
بس بعدين قالت ترا صفج هادي وبنات نايمين ومو منتبهين معاج مع ان كلهم كانو يشاركون
هذا غير ان وقفتج جامدة لازم تتحركين اكثر
المقبله ابي اعرف ليش خزتني. بالحصه وليش قالت جذي وبالورقه كلام حلو؟*

اهم جذي لازم ينتقدون حتى لو ما لقو عليج شي لازم يشوفون فيج ثغرة واصلا ما تسوى!

عيل انا قايله لي بالتقويم اني مو مستخدم الوان ملونه !!! بالله هذا سلبيه؟

وانها نبهتني على الطالبه اللي ما تشارك!

بالعكس اكثر الناظرات تمدح ماتقول السلبيات والدفاتر يمكن شافتج مو مصلحتهاا او مصلحتهاا من زماان

لازم اتعلق على شي

عادي

لاتهتمين واايد

ترا بنات محد راح يطلع من حصتج ومتشقق و كل شي كامل

لاا لازم فيه ثغرات

عادي

مشي الموضوع

بس ما اعجبتني حركته ان تهزا راسها وتقول لا

ياربي تدري اني يديده صار لي 3 شهور المفروض تراعي

ايه وفعلا وهذا اللي شفته كل الابلات اللي دشو عليها امدحتهم وحتى انا امدحتني

بس اهم بسرعه اطلعو وانا قعدت اقرا التقييم

ولما شافتني للحين واقفه جان تعلق علي وطبعا اللي قالته مو مكتوب بالورقه

والدفاتر مصلحه

حتى قالت لي وحده من طالباتي

ابله ترا الناظره عجبها دفتر فلانه

لو معلقه جان اهون مو واهي طالعه تهزا راسها بكلمه لا

لو ابله صار لي جم سنه ممكن تسوي لي هالحركه

بس توني 3 شهور وهم ما قصرت

والدليل ما اكتب سلبيه بالتقييم

بس قالته شفوي!

ما حبيت حركه هزة راسها

ومو كاتبه سلبيه لي بالتقييم بس قالته لي شفوي واللي قهرني زود ان بنفس اليوم دشت الناظره على ابله علم النفس نفس الصف وهالابله هم يديده معاي تعينت تخيلو تشرح لهم الدرس بربع ساعه والباجي بس تعيد عليهم اسئله وما تشرح بالتفصيل لا بشكل عام والبنات دايما لما ادش عليهم يقولون لي ابله فلانه ما تفهمنا نبيج انتي تشرحين لنا على بالهم ان بما ان كلنا قسم اجتماعيات ان ندرس كل شي واللي قهرني البنات يقولون الناظره اطلعت من عندها مستانسه بس معاج معصبه !!! ولا ابله علم نفس تقول شرحت لهم اول مره بضمير لما دشت علي الناظره!!! تخيلو