|
|
السلام عليكم بنات
أنا كنت أراجع عند دكتورة أميرة بهبهاني لتأخر الإنجاب، قالت لي الرحم عندج ملتف ورا، أنا أبي أتأكد من هالمعلومة منو الدكتورة اللي تقدر تفيدني أو سامعين إنها تعرف تكشف على وضعيات الرحم؟؟
بليز يابنات ساعدوني والله محتارة مادري شسوي رحت عند أكثر من دكتورة قبل أميرة محد قالي عن الرحم؟؟
أبي وحدة مجربينها أو سامعين عنها تفيدني بهالموضوع!!
انا كذا دكتوره قالت لي رحمي ملتف لي ورا
ونصحوني بالنوم على البطن بعد الجماع
بس صج انا تاخرت بالحمل احاول كذا شهر وماكو فااايده
لان الرحم المايل ماله علاج الا التمريخ
عن تجربه لاني ببجري ماحملت ورحت مرخت عند مره لان رحمي مايل وشهرين واحمل
بس الحين انا مارحت لحرمه تمرخني لان عندي ظروف
جربي تنامين على بطنج بعد الجماع وخليكم على وضعيه السجود
الله يرزقج بالحمل
أختي أميرة الورد ممكن تقولين لنا عن المرة اللي مرختك، مكانها أو رقم تلفونها، الله يوفقج انشالله
دلوعة زوجي انتي جربتي أم عايد ولا بس سامعة عنها؟؟
وعندج دكتوره رائده الفضلي بالسيف هم بعد شاطره تعتبر احسن الدكاتره اللي راجعت عندهم
والله يرزقج يارب
بغيت أسألج أنا كنت أفكر أراجع عند فوزية القطان وايد يمدحونها، بس ماحصلت رقمها سبحان الله، وانتي الحين تمدحين رائدة الفضلي تعتقدين أحسن من فوزية، أتوكل على الله وأروح لها
انا اراجع عندها شاطرة ود.ماجدة اليتامى هم شاطرة ود.خالدة المجيبل برويال حياة
بس نصيحة روحي مرخي عند مرا تردلج الرحم لمكانه وان شاء الله الله يرزقج بالذرية الصالحة حبيبتي
انا رحت حريم قبل يعالجون
يعني طب شعبي
نظام تلمس بطنج وتقولج مايل او مقلوب
رحت كذا وحده
اللي تقول مايل واللي تقول مقلوب
وكنت اراجع عند الدكاتره اسوي سونار رحم ومبايض كمتابعة تبويض
يقولون الرحم سليم
في شي اسمه سونار مائي
هذا طريقته نفس اشعة الصبغه
يكشف لج وضع الرحم وبطانة الرحم من داخل وقنوات الرحم
سعره 35 دك
سويت بعيادة cmc بالجهرا عندنا
عند دكتورة اسمها ريم عبدالعزيز
قالت لي وضع الرحم طبيعي وبطانة الرحم ممتازه
هذا تسوينه باليوم الـ 8 او 9 او 10 من الدوره لان بهالايام يكون الرحم مفتوح وواضح
والحمدلله تطمنت
ان مشكلة الانجاب عندي هي تكيس المبايض اللي درجته متوسط اللي ماثر على حجم البويضات لان بويضاتي حدهم حجم 16 ويموتون