|
|
السلام عليكم بنات شخباركم 
الي عندها خلفيه عن مرض السكري بلييز تجاوبني لان والله قاعده احاتي
انا عندي فقر دم و ساعات تيني دوخه بس ماتكون قويه
المهم اليوم ياتني دوخه حسيت عمري بموت و على فكره هذي ثاني مره تيني
بس قبل الدوخه حسيت بعوار فضيع في بطني من تحت و لوعه و حموضه واني ابي ارجع
و اول ما وقف حسيت بالدوخه و جسمي مايقدر يشيلني و قمت اعرق و حر
وعلى فكره انا وايد اروح الحمام عزكم الله يمكن بالساعه 3 مرات اواكثر وانا ماشرب وايد سؤائل ولا اكل اكل ثقيل
قريت بالنت ان التبول عزكم الله من اعراض السكري
خايفه يطلع فيني سكر ولا عادي هذي اعراض فقر الدم ؟
رفع لعيوووونج
اذا شفتي نفسج تشربين ماي وايد كله حاسة روحج عطشانة
وبالتالي تروحين الحمام وايد > هاي من اعراض السكري
تشوفين نفسج تحسين بالإجهاد والتعب بسرعة > بعد من اعراض السكري
إذا شفتي نفسج ضعفتي وايد عن قبل معناته أكيد فيج السكري
ليش لأنه الجسم عشان ينتج طاقة يحرق السكر اللي بالجسم
بس بما إنه مافي إنسولين ، فالجسم يحرق الدهون اللي بالجسم عشان ينتج طاقة ..
أتمنى فهمتي علي …
وراجعي طبيب أحسن لج بعد ، عشان تتطمنين
خل يسوون لج فحص دم
وإن شالله مافيج إلا العافية ،،،
|
المشاركة الأصلية كتبت بواسطة مـعـجـبـة
 من خبرة اقولج
اذا شفتي نفسج تشربين ماي وايد كله حاسة روحج عطشانة تشوفين نفسج تحسين بالإجهاد والتعب بسرعة > بعد من اعراض السكري إذا شفتي نفسج ضعفتي وايد عن قبل معناته أكيد فيج السكري أتمنى فهمتي علي … وراجعي طبيب أحسن لج بعد ، عشان تتطمنين وإن شالله مافيج إلا العافية ،،، |
انا ما اشرب ماي وايد بس عصاير بس وااايد اروح الحمام
و بالنسبه للضعف الحين صارلي اسبوع شهيتي منسده عالاكل و وايد ضعفت هالاسبوع لان ما اكل شي بس ساعات تيلي فتره بسرعه ايوع و كل شوي اكل و عادي ما امتن وايد
بس ان شاء الله عالاحد بروح الطبيب اشيك عالسكر
و مشكووره
توكلي علي وان شاءالله ما فيج الا العافية باذن واحد احد
وطمنينا عليج
لانه يجيب دوخه وصداع وتشوفين اشياء قدامك مثل شرارات النار
انصحك تروحين المستشفى وتحللين واكلي فيتامين
واذا طلع فيك فقر دم فيه زبيب يماني اللي يجي لونه اسود
اغسليه ونقعيه بماء ومن بكره اخلطيه بحليب طازج واشربيه طعمه كانه تمر يمكن ماتتقبلينه اول شي بس بعدين تتعودين عليه عادي
انا وامي نشربه دايم علشان فقر الدم
والله يشفيك ان شاء الله ويصير بس فقر دم مو سكر
))
.gif "Eh S(14)")
يا بنات انا اعاني نفس المشكلة من اسبوعين تقريباً
لوعة جبد من الصبح على حموضة ودايماً دايخة والدنيا تدور اذا وقفت واذا كثرت اكل احس برجعه ماعاد احب اثقل بالاكل ومالي خلق اتحرك وابي انام مع ان مافيني نووم
رحت للمستوصف وقلت للدكتورة الاعراض قالت هذا اكييييد فقر دم من غير لا اسويلج تحليل لان هذي اعراضه
بس يوم سويت التحليل ووديت النتيجة لقيت دكتورة ثانية غيرها وقرت النتيجة وقالت مافيج الا العافيه لا فقر دم ولا شي
وعطتني فيتامينات بس ما قدرت اتحملها قوية حيييل بطني يعورني منها
شكيت اني حامل بس انا صارلي اسبوعين مخلصة الدورة معقولة اكون حامل..؟؟ .gif "Eh S(10)")
وفيه موضوع انا حاطته عن تحليل الدم ياليت احد يفيدني
آسفة على الإطالة بس قلبي مترووسة .gif "Eh S(2)")
ودمتــم سالميــن 
اللي يسوي خلل بالتوازن
والقولون العصبي يسبب دوخه والوحدة تروح الحمام وايد بسبب الضغط على المثانه
الله يشافيكم وانه بعد يا رب
وكل من شافني فال حللى هذي من اعراض الضغط .. الله يستر
والله يشافيج ويشافينا اجمعين ويبعد عنا الامراض
ودايمن الحمام مع بدون اكل شي واو شرب شي
وانشاءالله مايكون فيكم الى العافية
بس هالدكاتره ما يشرحون ولا يفهمون :
سويت فحص السكر و ضغط الدم لان اليوم وااايد تعبت
ماكنت ادري ان لازم اصوم فماعرف اذا لازم اعيد تحليل السكر و لا لا بس الحدالله طلعلي نورمال 102
بس عندي الضغط مرتفع 15297 
انا عمري 22 سنه عادي هالضغط و لا لا