هل صحيح التعيين الجديد يكون نصابهم اعلى شي بالقسم

السلام عليكم

صباحكم ورد

ابلات

هل صج التعيين الجديد يكون نصابهم اعلى شي بالقسم

لانه انتقلت عندنا ابله جديده

وكان القسم كله نصابه 12 الا انا وابله جديده نصابنا 15
وكان عادي عندي لان الفرق بينا صف مو مشكله

المهم انتقلت عندنا ابله جديده

ورئيسة القسم شالت من المدرسات الخبره كل وحده صف وعطت الابله الجديده الصفوف

صاروا الخبره نصابهم 9

واالتعيين الجديد ثابت نصابنا 15 واحنا 2

والابله المنتقله نصابها 12

وابلات القسم كله 9

موظلم قسم واحد ابله نصابها 15 وابله 9

وبعدين هل صج الابلات الخبره لازم يكون نصابهم مخفف

ولا هذا فنتك من رئيسة القسم

وبعدين بستشيركم بشغله

الموجه زارنا قبل اسبوعين واتفقنا معاه على شغلات لكن رئيسة القسم مو ملتزمه بكلامه وتقريبا الابلات ماشين على كلامها
ماتبعوا تعليمات الموجه ( بخصوص توزيع المنهج )الا تقريبا ابله
شرايكم امشي على كلام الموجه ولا كلام رئيسة القسم , خصوصا اني ماسكه 5صفوف
انا تعيين جديد وابي خبرتكم

_03ba:

عادة الفرق يكون صف واحد مو اكثر … انا عندي صفين و زميلاتي في عندهم 3 .؟.. بس مو اكثر من جذي ..

اما موضوع الالتزام بكلام الموجه او المشرفه …. التزمي باللي تقوله المشرفه زاذا اعترض الموجه فراح يكون بويها اهي مو انتي

انتو لكم مسئولتكم شنو تقول

غريب ان مديرتكم راضية بالفرق بين الصفوف !!

الله يعينكم

في ابله يديده معاي بالقسم تعيين يديد نصابها 8 حصص

وانا يديده على المدرسه لاني منتقله عندهم نصابي 12

وفي ابلات خبره نصابهم 16

وربع رئيسة القسم 9 حصص

مييييييييييييييته من القهر منهم حسبي الله عليهم على هالتفرقه مايخافون ربهم شكثر ادعي عليهم

لا حبيبتي مو أساسي

مادري و الله

انالناطرة رد النات معاج

والله اللي أشوف هالأيام ان اليدد مرتاحات يعطونهم أقل نصاب بالقسم والقديمات الخبره اللي المفروض يرتاحون هم اكثر نصاب

حبيبتي صج القديمة تاخذ نصاب اقل
بس ما يكون الفرق بينك وبينها اكثر من صف
فاذا كان اكثر من صف في هالحاله تكلمين الادارة في هالشي
واذا الادارة ما كانت متعاونه تكلمين الموجه بهالامر
لانك اذا ما ساويتيها بعدد الفصول فانك تكون اكثر منها بصف واحد فقط مو اكثر
وبالنسبة لتوزيع المنهج الموجه له راي بس مو شرط اساسي انا نمشي عليه من الممكن
انه ما يكون موائم لقدرات الطالب في هالحالة انتم تتفقون على توزيعة المنهج بينكم

خلاص الله يسهل باجر بشوف شسوي القاها من النصاب ولا من الجدول
صاكيني 4 حصص ورى بعض بثلاث ايام
ويوم حصه ويوم ثاني بس حصتين

الظاهر عشان يستفيدون مني بالاحتياط

اي وعلى طاري رئيسة القسم اللحين عرفت ليش ماعندها سالفه وكلامها مو ثابت
هذي اول سنه اشراف
الله يوفقها ويعدي السنه على خير
تصدقون بنات تقوم بنص الحصه وتغلطني , على بونها بتصحح المعلومه , المشكله تصير معلومتها غلط , فياريتها تحترم نفسها وتسكت , واذا عندها تعليق بعد الحصه , مرتين تغلطني واطبع لها من الانترنت معلومات عشان تصدق ان كلامها غلط

حسبي الله ونعم الوكيل

انتي شنو فنية ؟؟

حبوبة الطبيعي تكون التعيين الجديد أعلى نصاب

بس في قسمنا مثلا .. انا نصابي 12 و التعيين اليديد 9 لان عطوها إشراف

و وحدة ثانية بعد متوظفة بعدي بسنتين هم نصابها 9 — يعني أقل من نصابي لكن معطينها إشراف أنشطة

حبوبة .. أكو شي اسمه (إن حبتك عيني ما ظامك الدهر)

****

و بالنسبة لكلام الموجه .. انتي امشي على كلام رئيسة القسم و إذا سألج الموجه قوليله هذا كلام رئيسة قسمنا (راح يكون كل شي بويهها) انتي مالج شغل .. خلج مع زميلاتج شنو يسوون سوي .. لا تعاندين عشان لا تصيرين مكروهه بعدين

و الله يوفق

والله احسن لج
والله والله احسن لج

تدرين كثرة الحصص بالبدايه تدربج و تصقل شغلج
و تعدل مهاراتج يعني انتي مستفيييييييييييده من قلب حسي انها دوره
باجر ان شالله تتذكرين كلامي

حبيبتي لازم الخبرة يخففون عنهم
ما يصير يساوون تعيين جديد بمدرسة صار لها سنين تكرف لازم يجي الوقت وترتاح

اي صح
المدرسات القدم يخففون نصابهم
خصوصا اذا كان لها 12 ولا 13 سنه
مو معقوله بتاخذ نفس اللي توها متعينه

حبيبتي اي عادي تاخذين ..
حسب الحاجه ..
انا أول ما تعينت خذيت نصاب كامل 15 حصه

والحين تعيين جديد 10 حصص ما شاء الله
والمعروووف حسب الاقدميـه بالدراسة .. وحسب أقدميـه بـ المدرسه
يعني اللي صارلها 10 سنوات خبرة يخففون عنها .. واذا صارلج بالمدرسه من تعينتي 5 أو 6 سنوات هم يخففون عنج

وبيني وبينج هو حسب الاداره
بس هذا المتعارف فيه
ومع اني انا مو قديمـه بس بيني وبينج لهم حق القديمات يخففون عنهم ..
يعني انتي توج فرررش .. وتوج متخرجه .. المفرووض عندج طاقـه .. واستعداد ..