|
|
السلام عليكم
انا مدرسة رياض اطفال زهقدت من دوامى ومشاكله افكر بالتقاعد بصورة جدية بس خايفة من الملل وقعدة البيت بشنو تنصحونى
لا تسوين مثلي تقاعدت وتحسفت من القعدة والملل ومارديت الا بعد طلعة الروح وحب خشوم وترى الرجعه حيل صعبة بس اذا مليتي من التدريس حولى مكان ثاني او على الاقل اخذى اجازة سنه بدون راتب وشوفى الوضع اذا اعجبك والا لا
صلي استخاره يمكن مو خيره حقج انج تتقاعدين
استخيري
واذا انت من النوع الي تملين شوفي لج مشروع تتسلين فيه
نفس ما قالت الاخت صلي استخاره
يا حلات قعده البيت
قاعديني معاج واللي يعافيج
لوووووووووووووول
انا جربت القعده العام بالبيت 5 شهووووور صج اتهبل
انا جربت القعده العام بالبيت 5 شهووووور صج اتهبل
الصراحة التفكير في التقاعد هو مصير كل معلمة قضت سنوات عمرها في التربية و بدون تقدير فعلي،، و ان كان على الوقت اللي بيتوفر لج بعد التقاعد فتقدرين تستفيدين منه و ما تحسين بالملل اذا فضيتي نفسج تماما لعيالج و بيتج وجابلتي نفسج و اهلج و رفيجاتج و هواياتج و روحاتج و طلعاتج،، تكفي بس راحة البااااااااااااااااال اللي حارمتنا منها وظيفتنا كمعلمات ما بين تحضير و تصحيح و اشراف و مناوبة و مشاكل مع اولياء الامور و نحاسة المديرات او الوكيلات او رئيسات الاقسام او او او و القائمة تطول،، صج استخيري و توكلي على الله و جربي مثل ما قالت اختنا اجازة سنة بدون مرتب و شوفي شلون بتقضين وقتج وشنو ممكن يملي اوقات فراغج،، اصلا تكفي بس الفكة من الفزعة من الصبح و الركضة في الشوارع اللي دوم زحمة عشان تلحقين على التوقيع قبل لا يشيلونه! بتحسين براحة اعصاب عجيبة من هالتوتر المستمر اللي نعاني منه معظمنا يالمعلمات.