|
|
بنات شلونكم و شخباركم
انا بقولكم قصتي و معاناتي و ابي مشاركتكم و رايكم و تعليقكم
انا حامل المفروض بالاسبوع التاسع
و انا الحين بأمريكا
راجعت قبل 10 ايام و كانت اول مراجعه
و قالتلي الدكتوره كل شي اوكي
بس ما سوتلي سونار
لان ما عندها بعيادتها سونار و يكون موعد السونار غير بمبنى المستشفى الرئيسي فعطتني موعد 25-3 يعني الاسبوع الياي اوكي
المهم رديت البيت و عادي عشت حياتي طبيعيه
يوم السبت اللي طاف رحت المستشفى
لان لاحظت اني لما امسح بكلنكس القى نقطه دم حيييل صغييييره
اخترعت و قلت اروح اتأكد احسن
و لاحظوا ان الدم ما كان ينزل
بس لما امسح بالكلنكس و صار هالشي 3 مرات بس اوكي
رحت المستشفى
و بدت المعاناة
والله شككوني اني بأمريكا
سوولي:
– 4 مرات سونار داخلي
– 3 مرات فحص داخلي ان يحطون ايدهم يشوفون عنق الرحم مفتوح و الا لا ( نفس فحص الولاده)
– 3 مرات فحص ثاني يحطون قطعه تحت عشان يشوفون داخل
– تحاليل ( بول ) تكرمون و (دم )
طبعا انا تأزمت
شنو 4 مرات سونار داخلي اشدعوه ؟؟ و فحص الولاده شكووووووو يذبح
اصلا اخر سونار قمت ابجي
و الدكتوره تقولي خلاص هذا اخر واحد بتسوينه .gif "Eh S(2)")
المهم شنو النتيجه او شنو قالولي ؟
قالولي اول شي ما بين معانا شي
ماكو شي ببطنج 
انا انصدمت شنو ماكو شي ؟
المهم بعدين قالولي ان الحمل مو بمكانه الطبيعي
بعدين قالولي ما ندري شنو ببطنج
و اخر شي استقروا بعد ما يابولي وحده من المستشفى بروفسوره مادري شقصتها
قالتلتي
لقينا جيس الياهل و في شي بس مو واضح بس نموه بطيء
و انتي هرمون الحمل عندج وايد زين المفروض يكون نمو البيبي احسن !!
المهم
بعد ما خبصوا قلبي
و لعبوا فيني لعب
قالتلي الدكتوره لج 3 اختيارات
– تنطرين يومين بس بالكثير
– نسويلج عمليه اجهاض
– نعطيج ادويه تجهضين بالبيت
انا انصعقت
لي هالدرجه الاجهاض عندهم شي سهل ؟؟
شكووو اكيد بنطر
و فعلا نطرت يومين و عطتني موعد اليوم
انا كنت متردده اروح و الا لأ
و امس صليت استخاره
و توكلت على الله و رحت بعد ما حطيت براسي الف شي و شي و قمت اوسوس
اللي صدقت ان الحمل خارج الرحم و من امس و انا اسوي سيرج بقوقل ما ظل سايت بالعربي و الانجليزي ما دخلتله
المهم رحت
و سويتلي سونار بعد
و قالتلي شي يديد .gif "Eh S(14)")
ان الكيس فاضي و ما فيه جنين !!!
و ان الافضل تسوين عملية تنظيفات !!
انا سكت
و كلمتها و سألتها كل اللي بخاطري
و اخر شي قلتلها انا ماراح اسوي شي بنطر
قالتلي نطري اسبوع بس مو اكثر
بس على مسؤوليتج
و يمكن هذا خطر عليج
و يمكن انسجه الجيس توصل الرئه !!
شكو من الرحم توصل الرئة ؟؟
مادري
المهم الحين شنو الموضوع : انا ما ينزل علي دم
كلش بس الجم نقطه و انا احس انهم من التعب لاني يومها كنت رايحه الشاليه و كان لويه
و ما احس بعوار
و احس اني طبيعيه
شسوي ؟
انطر اسبوع بس ؟
يمكن يبين بعدين ؟
يمكن صج صغير و صار حمل متأخر
وايد اسئله قاعده تدور ببالي 
صج ان قصتي قصه و مو عترفه شي و خصوصا اني بغربه و بروحي
بس انا احس مرتاحه لاني فهمت شنو فيني
و الحمدلله على كل حال
بس ادعولي و طمنوني واللي عندها تجربه مماثله تقولي
و اي تذكرت شي قالتلي اياه تقول دام هرمون الحمل عندج اعلى من نمو الجنين ببطنج فهذا خطر !!
انزين معقوله ما يكون دليل على حمل قوي بس متأخر ؟
قرقت فوق راسكم بس ابي افضفض .gif "Eh S(6)")
كان بس كيس بدون جنين وكان ينزل عليها دم خفيف لما راحت الطبيب خرعوها .. عاد اهيا نطرت وسبحان الله راحت عقب اسبوعين لقته كبررررررر فقالولها الظاهر الحمل متاخر
حبيبتي نطري ولا تستعيلين ولا تسوين شي وحطي بالج على نفسج
بس انتي ليش بامريكا تدرسين؟؟
وفي وحدة اعرفها قالولها احتمال في جيس بس ماكو جنين نطرت كم يوم وسوت سونار بس موداخلييي وطلع في جنين
لأن بالاسابيع الاولى صعب يحددون ويقررون ان يسوولج تنظيفات .. حرام نطري بعد كم يوم وروحي لمستشفى ثانية
والله يسهلج
|
المشاركة الأصلية كتبت بواسطة ضي
 نتي نفس سالفة مرت اخوي
كان بس كيس بدون جنين وكان ينزل عليها دم خفيف لما راحت الطبيب خرعوها .. عاد اهيا نطرت وسبحان الله راحت عقب اسبوعين لقته كبررررررر فقالولها الظاهر الحمل متاخر حبيبتي نطري ولا تستعيلين ولا تسوين شي وحطي بالج على نفسج بس انتي ليش بامريكا تدرسين؟؟ |
واااي حبيبتي ريحتيني الله يريحج دنيا و اخره
انا قلت بنطر و الله يكتب اللي فيه الخير
و انا بأمريكا لان زوجي يدرس
|
المشاركة الأصلية كتبت بواسطة om MaRyooM
والله حبوبة مادري بس انا اشوف انج تروحين لدكتورة ثانية او مستشفى ثانية ويسوولج سونار ويبين ..السالفة بسيطة بس اهما عقدوها
وفي وحدة اعرفها قالولها احتمال في جيس بس ماكو جنين نطرت كم يوم وسوت سونار بس موداخلييي وطلع في جنين والله يسهلج |
عاد اهمه ماشالله زاهبين حق تعقد الامور
صج صج اكتشفت بكذا شي انهم معقديييييين
والله مادري ليش خابينا هالامريكان 
مشكوووره حبيبتي عالمرور و الدعوه و الله يسهل كل امووورج يارب و يوفقج
بس قبلها صلي استخاره
والله يكتبلج الي فيه الخير
وان شاء الله ماكو الا العافية
نطري اسبوع وسوي السونار
واذا بين خير وبركة واذا لا
شربي دارسين او العشبة تثبت
الجنين او اطيحة اذا ميت
ولا تسوين التنظيفات وان شاء الله
خير
وقالولي مافي جنين وعطوني موعد عساس يشوفون اذا الجنين يبين بس مابين وعطوني موعد ثاني هم بعد اسبوع عشان يشوفون واذا مابين كانوا بنزلونه بس قبلها نزفت عالاسبوع ال 12 وسوولي تنظيفات
ما تشوفين شر ياقلبي
وديري بالج على نفسج
وانا قلتلج انه من التعب وان شا الله ما فيج الا العافية
نطري بعد مو اسبوع 10 ايام او اكثر
وسوي سونار
وان شا الله تلقينه يارب
وتسمعين نبضه
والله يفرح قلبج فيه يارب
ولا تخلينهم يسوون لج اي شي الا عقب ما تتاكدين 100%
عسا ربي يطمن قلبج يارب
ويكتب لج اللي فيه الخير
الله يعينج ونطري حبيبتي
ما قصرتوا بنااات
و ان شالله ماراح اسوي اي شي الا لما اتأكد 100٪
و الله يكتب اللي فيه الخير ان شالله
:*
عسى ربي يوفقكم و يرزقكم كل اللي تتمنوونه يا رب
بس الحمدلله انا الحين موكله امري حق رب العالمين
و ان شالله خير لو مهما كان