// ~ هآآآآم لمستجدات التربيه الأسآسيــــه الفصل الثآني 2024 حياكم ~//

السلام عليكم ورحمه الله وبركاته ..
شلونكم ؟؟ شخباركم !! ياحلوين 
مبرؤكين القبووول مقدما يارب وموفقين بدراستكم ان شاء الله
حبيت اذكر بهالشي المهم جدا لكم ويمكن انا تميزت بالشي هذا اني أنزل هالموضوع بدايه كل قبول واذكركم فيه واللي هوو
امتحان تحديد المستوى واللي يقول ..

سوف يكون امتحان تحديد المستوى للغه الانكليزيه// لجميع//أي لجميع التخصصات ماعدا تخصص الانكليزي الطالبات المستجدات للفصل الدراسي االثاني 2024 يوم الأثنين والثلاثاء الموافق 14-15/2/2011
في كليه التربيه الأساسيه بالشاميه ملحق (1) توضيح مقابل مول الشاميه  خووش توصيف والله 100%
مادري جم الساعه بس الاحسن والمعروف تروحون الساعه 8 صباحا احسن شي لكم طبعا راح تصير زحمه حده تدخلون وتمتحنون
يمكن يطول معاكم ساعه ونص لان الامتحان طويل وتطلعون وتسلمون اوراقكم (أكيد يسلمونها مايبيله حجي يعني يبأخذونها معاهم ذكرى مثلا ))
بعد ماتخلصون تروحون للمبنى الرئيسي وتسون مقابله كل وحده بقسمها وجم سؤال يسألونكم عادي بسيط بس يبون يعرفون
مدى تباين نطقكم للحروف وعادي خلو الثقه بالنفس تلعب دور كبير في شخصيتكم*!*
بعدها ثاني يوم تستلمون جداولكم وبس ويتم مشواااااار الدراسة والله ولي التوفيق …
•ملحوظهــ :
1-يجب احضار البطاقه المدنيه( اجباري)).
2-يجب احضار القلم الرصاص ومحايه.ضروري حيييييييييييييل وان ماخذيتو بتنذلون على هالقلم وربي
3-عدم حضور الاختبار تسجل الطالبه مقرر 99 تمهيدي.(يعني اذا ماحضرتي أو رسبتي لاسمح الله تسجلين مادة انكليزي وبس))

بعد ماتخلصون تروحون للمبنى الرئيسي وتسون مقابله كل وحده بقسمها وجم سؤال يسألونكم عادي بسيط بس يبون يعرفون
مدى تباين نطقكم للحروف وعادي خلو الثقه بالنفس تلعب دور كبير في شخصيتكم*!* واذا ماصار وقت عادي تروحون اليوم الثاني
موأشكال..

>> نصيحة <<

من كل قلبي اتمنى ان تطبقونهااا
بنات هالشي دايم اشوفه بدايه الكورس وشي موحلو هو ان البنت تأخذ أمهاا معاهاا انزين ع شنو مأخذينها وملعوزينها
يعني بدليج الكليه هي بعد ماتدل مثلكم ولا علشان تتكلم بدلكم وتسأل عادي ترا انتو رؤحوا برؤحكم وأسألوا لاتستحون
ولاتخلون الخجل يسيطر عليكم مالا داعي روحة امكم معاكم ’’’

بليـــــــــز لاتأخذون أمهاتكم معاكم ولا أخواتكم بنات والله ماتتصورن الزحمه اللي تصير فوق البنات يندبل العدد
وتصير الممرات زحمه مولايه ماله أي داعـــــــــــــــــــــــــــي وربي
بتقولون خاف نضيع ماتضيعون البنات الاتحاد موجودين والكليه ماتضيع عاآآآدي بنات اعتمدوا ع نفسكم وخلوكم ثقه(( وبعدها لما ترؤحون وتردون
بتحسون انكم انجزوت شي كبير بالنسبه لكم ’’’عادي غامروا عيشوا التجربه (عيش سفاري مثلا )) لووووووول
لا بس صج والله رؤحوا برؤحكم..

خل أعطيكم مثال للأخت (مزن الكويت ) فديتها هالبنت

تقول يوم اني رحت ((برؤحي )) ورديت البيت وسويت كل شغلي بالكليه بروحي حسيت اني سويت شي انجزت عمل ممكن هالعمل البسيط
يكون صعب بنظر بعض البنات وهذا اللي اذكره من كلامها واتمنى انها تدخل وتطرح تجربتها لنا // علشان البنات يستفيدون ،،

ومضه ..
نزلت هالموضوع مبجر علشان تراجعون شوي ع القواعد الانكليزية لان لو رسبتوا بتأخذونها تمهيدي اسبوعيا وماعليها وحدات
يعني بس فيها نجاح ورسوب يعني متعبه جدا جدا جدا ..الخ 

وهذا رابط الموضوع القديم المشابه له ..ويمكن تستفيدون منه بعض من الاسئله اللي انطرحت من البنات ..

https://www.q8yat.net/showthread.php?p=18675921

يا بعد عمري والله فديييتج يا لغاليه

عطتيييني تشجيع انا كنت خايفه اذا انقبلت شسوي منو اسال واحاتي بس الحين حييل خف التوتر فدددييتج والله

لا حبيبتي لاتحاتين كل شي سهالات عادي
وعندج احنا معاج اسألي باللي يطري ع بالج (ادري المستجدات تطري عليهم اساله كثير وين ومتى وليش وجذي عرفتي ))
موفقه

يعطيج العافيه …. عوار….فديتج مفيده …
بسألج انا امقدمه تحويل من التجاري للتربيه …انشالله اذا اقبلوني …اقدر اقدم اختبار قدرات مره ثانيه ؟
لان قدمته بالتجاري بدايه الكورس الاول …و ما نجحت ..

يحليج انتي تجاري عبالي اساسيه
الله يعاافيج حبيبتي

والله انا اقوول قدميه مرة ثانيه وسوي نفسج ماتعرفين قولي شدراني مادري مايصير هذا جكوج هههههههه

لانه بالامتحان محد يدري عنج اذا انتي محوله والامستجده جمعه مع الناس عيد

موفقه

واااااااااي فديتج عوااااااااااااااااار قلب

بس انااا ابي تخصص الانقلش وحدي خااايفه من الاختباااااااار يقولووون الاختبااااااااااااار وااااااااااااااايد

صعب ومستواااااااااااااه بروفيشناااااااااااااال صج ؟؟؟؟؟؟؟؟

بليييز فيدني وشنووو اراااجع عليه علشااان ابلش من اليوووووووم

ويزاااااج الله كل خييييييييير

والله اختبار الانقلش مادري عنه وعن القواعد

بس انا اعرف القواعد اللي جتنا بالامتحان تحديد المستوا اللي مال الجميع
بس انتي راجعي ع كل القواعد المعررؤف اللي خذيتها بالمدرسه يجي منها اظن
مووفقه

يسلموووووووووووووو >>>انا تجاااري كورس واحد وابي احول >>>اقووولهم ولا شسوي
وهذي لج>>>

يسلموووووووووووو قلبووووووووووووووو

جوجو لا امتحني عادي حالج حال المستجدات
مافي شي
مووفقه

واااااااااااااي
مشكووورة حبيبتي فدتني وااااااااااااااااااااايد
ان شاء الله بميزان حسناتج ياااااارب
وادعيلنااا ننقبل ان شاء الله ^-^

يعطيج الف الف عاافيه

مرحبااااااااا
اوول شي اشكرر حبيبتي عواار ع هالمووضوع صرااحة مووغريبه عليج لانه سبق
واستفدت لما كنت مستجدة يعني اللحين كشخة مستمرة
وحبيــــــــــت اقوول للبنااات لالاتخااافووون ولاتحااتون صدقووني سهلالات يعني انتي رااح ادشين تمتحنين وبعدين رااح تروحين للمابله وتااخذين جدولج وووبس
وصج يناااات يعني انتوا اللحين كباااااااااااااار مووكل وحدة ياايبه امهااااا انتوا موصغاااااار وهنااااك رااح يساعدونكم بناات
الاتحاااد
ونصيــــــــحة يااابنات يااحلووات من هاللحظه خلالالاص اعتمدي ع نفسج يعني
بااجر اذا دوامتي هم بتااخذين امج والله صرااحة بناااات انا لما اعتمدت ع نفسي والله حسيـــــــــــــــت اني انجزززت شي بنسبه لي كبيررر من داااخلي معنه اهوو واااااااااايد بسيط واذكرر لما بالمقاابله كانت فيه دكتوورة تقوول ليش البناات كل وحدة يايبه امهاا ليش بروضه اهما عااد انا طاالعتها جذي جاان تقووولي انتي ياايبه امج جاان اقولها لالالا ياايه برووحي تقووول عفيه عليــــــج يعني حتي الدكااترة تكلموو وحلوو الواحد انه يعتمد ع نفسه مووصح بنوتاااات
والله يووفقكم ان شااء الله حبااايبي وحياااااااااكم الله بكليتنااااااااا تنورونهااا
وتحيــــــــــــــــــــــــه لعواااااااااااار قلب ع هالموووووووووووووووضووع

ايه صح تذكررررت بنااات لاتنسوون تيووبون معااكم صوورة شخصيه للمقااابله
وصح نرري موكل الاقسااااااااااااام بالرئيسي فيه الي ملحق 1 و2 ورئيسي

جوجو
يسلمج ربي

نور النور
موفقه حبيبتي
الله يوفقج ويتم قبولج

أم سلمان
ويعافيج منورة