نوم الحامل ,

مرحبا يا بنات

بغيت أسالكم هل صحيح ان النوم على الظهر بعد الشهر الخامس لا يجوز وان الحبل السري يلتف عالجنين.

انا دايم انام على ظهري واقعد بس احاسب نفسي .انا بالسادس الحين .

ردو علي انطركم ؟

انشالله البنات يفيدونج بصراحه مادري

ما عليج من هالحجي كلها خرابيط على قولة دكتورتي أنا للتاسع و أنام على ظهري و لا أثر فيني و لا شي
نامي و لايهمج

لا تحاتين

انا سالت دكتورتي لاني ما اقدر انام على الجنب وامي الله يخليها لي كله تقول موزين تنامين على ظهرج !!

لما كنت حامل في بنتي قالت لي الله خلق الياهل ودار مداره ماي عشان انتي تتحركين وتنامين بالوضعية اللي تريحج وما تاثر عليه

والحمد لله رب العالمين

حجي فاضي
توكلي على الله والحبل طول الوقت يم البيبي والبيبي يقدر باي وقت يحوشه لما يرافس ونطط
لاتشيلين هم وماعلييه الا العافيه ونامي النوه الي تريحج
الله يثبته ويبلغج بشووفه يارب

مشكورين يا قلبي ما قصرتو

النوم على الظهر للحامل مو زين بسبب ان الحامل لما تنام على ظهرها من الثقل في عرج ينظغط فكمية الاوكسجين اللي توصل للجنين تصير اقل وهالشي يأثر عليه

وانا نصيحتي دشي على النت وسةي سيرج عن هالموضوع احسن

عادي
كل واحد ينام عالجنب الي يريحووه

حبيبتي الله يولدج بالسلامة انشالله
رفيجتي تقول ان اختها كانت دايم تنسى وتنام على ظهرها و لما ولدت لقى الدكتور الحبل السري ملتف على رقبة الياهل 3 مرات وقال لها الدكتور حمدي ربج ان الياهل ما مات فحاولي ماتنامين على ظهرج والله الحافظ يحفظج انتي و الياهل اللي في بطنج وبشرينا اذا ولدتي

نوم الحامل على الظهر وخصوصا في الاشهر الاخيرة موزين
لان الاكسجين يقل عند الطفل وحتى الحامل تحس بصعوبه بالتنفس .

والله انا اخذ احتياطي لما اشوف اني نمت على ظهري اقلب يمين ليش انجازف بالبيبي واصلن من تدشين السابع ماتقدرين اتنامين على ظهرج البيبي يكبر اتحسين صعب اتنفسين وماتريحج حبيبتي احنا ناخذ الاحتياط ديري بالج