نكتشف مر الحقيقه بعد مايفوت الأوان

الساعه 3 ونص الفجر بالضبط

بتاريخ ……. فجر ثاني ايام عيد الضحيه

دق جوالي وانا بنص نومتي

قلت الوو ؟؟!!

الوو !!؟؟

واسمع صوت

نكتشف مر الحقيقه
بعد مايفوت الأوان
قلت لك لاتندفع لااا قلت حبي صاينه ؟؟!!
وينه اللي صان حبك ؟ مااشوفه يوم ……

وهو يردد الأغنيه

قلت منو ؟!!
قال انا منو؟؟
قلت
لا ااًبس … وسكت
قلت مدري ؟؟

قال انا اقولك وش اللي ماتدرين عنه ،،

وقصد لي
قصيده بثلاثين بيت ؟!!!

لي أنا ~

هاذي

كانت بداية قصتي مع (…….)
وبداية حب ف قلب طفله عمرها مايتجاوز 17 سنه
وبداية دمار مستقبلي
وبداية حلم
وبداية عشق الطفوله والبرأه

(( اللي خلاني اتجرأ واكتب بعد خوف لازمني 3 شهور
اني ابنصح وابي اوعظ وابي اذكر
وابي افهمكم واعلمك شي كبيييير بالحيل
يشيب الراس ومايصدقه ))

وش اللي خلاني اكتب وانا الحين
المفروض اطلع للجامعه
بتوقيت ولايتي اللي ساكنه فيها ؟؟

بدايه …

كبر حبه بقلبي يوم عن يوم
واللي كبره حبه وعشقه لي
وقصايده فيني وتغزله
وكان يقول
نطريني بطلع اليوم مقابله ع القناة الفلانيه
شوفيني بطلع الليه بأمسيه بالمدينه الفلانيه ع القناة الفلانيه ؟!!!
وكنت انتظر بكل لهفه وشوق وعشق و وله وحب
وقلب ينبض ينبض ينبض
نبض من حبه

كبرت وكبرت علاقتنا وكل هاذا بالسر وغضب الله سبحانه وتعالى
حبيته وحبني
وكنت اغار عليه من نسمة الهوا الطايره
ومن دون مبالغه لمن كنت اكلمه كان انتظار مرت اخوه
داقه عليه تقوله تعال تقهوا بالصاله
كنت اشب حريجه اصير نار وشرار
لين مايهزئني تهزيئه محترمه ويزفني
ويقولي انتي ماتستحين هاذي مرت اخوي !!؟؟
واقوله شكو داقه عليك وانتا توك صاحي من النوم
((انا الحين اسئل نفسي شكو انا اللي مكلمته وراه عليه واهو تو صاحي من النوم
))
غيورا كنت بشكلً
والله اني ماكنت اعرف انه انسان لهً مكانته الأجتماعيه ومشهور ومعروف بالساحه مثل مايقولن
لاكن قدر الله. وكنت كل مااشوف لقطه تطلع له بقناة معينه كان يفز قلبي فز من مكانه
حبيته وعشقته
لدرجة اني كنت ابسمح له يوم من الأيام يشوفنيً
ويلمسني ( بس السلام )
لاكن الحمدالله ان. ماصار هالشي
كانو الناس يحسبون له الف حساب ولحد الأن
من هيبته وكلامه الجزل المحترف
وثقافته العاليه
كان يناديني بأميرتي
بدلوعتي
بحبيبتي
يحلف ويقول ماشفت ولاعرفت مثلً نقاوة قلبك
انتي طفله طفله
انتي عصفورتيً
بيبيتي حبيبتي مااتركك لو شما يصير

انا اقوله
لاتبعد عني دخيلك
اغار عليك انا
من المذيعه الفلانيه واللي قعدت جنبك بالصوره واللي اللي
وكل شي
حتى لما كان بالبحرين وكانت مذيعة صباح الخير ياعري هي اللي ماسكه
المقابله واللقاء
قمت ابجي من القهر
جان يقول تدرين منو المديعه
سويت حالي ماعرف قلت منو ؟؟
قال هذيك ام الوان تعور العيون
الحلوه هذيك

قلت ماااااعرفها
قال بس ابشوفج وش تسويين
والله العظيم يابنات انها كانت تتلزق فيه بشكل
مو طبيعي
قهرتني
وغيرها وغيرها
وقالي خلاص غيرتج ذبحتني
تبين اقعد بالبيت ؟؟ وبعدين معاج جننتيني
خلاص يكفي
قلت مالي دخل
مثل ماانا حارم علي الطلعه والدخله
إلا بأذن منك
انا ابعرف وين تروح وتجي
واهم شي تالي الليل
قالي : تهبين
كذا بالحرف ؟!!
وهاذا اللي صار
والله
قال انا رجال اطلع واجي وين ماابي
ومحد يتجرا يحاسبني
اما انتي شورك مو بيدج
وزفني ك العاده
تعلقت فيه بشكل هستيري
رجولته وعصبيته كانت تزيد حبي له
اشوفه يطنش المذيعات والمعجبات
واحبه زياده بثقله ورزته وهيبته

حتى اهني بمنتدى كويتيات قبل كنت
ادش والقاكم مسولفين عنه
واسمه اشهر من نار على علم
وكل الناس تحبه وتحب (…….) اللي هو محترف فيه
تخرجت من الثانويه وجت سفرتي
علشان اكمل دراستي بره وادرس التخصص اللي ابيه واحلم فيه من زماااان
تركت سفري ومستقبلي علشانه
بس ف امل يوم من الايام ومثل كل البنات انتظر اليوم اللي يجي يخطبني فيه
واحلم بهاليوم هاذا كل يوم
واهتم بنفسي
وشريت صندوق جهازي اقسم بالله وبديت اخط فيه قطع غاليه
قالي شعرج إذا قصيته اقص. إيدج ياويلج إذا لمستيه خليه ابيه طويل
وهو لين اخر ظهري بس طولته زياده واهتميت فيه علشانه
جسمي الملكي اللي كان يتغزل فيه
كنت اهتم بنفسي
علشان احافظ على املاكه
مثل ماهو قانعني ومصدقته
ان هاذي املاكه ومحد يتجرأ يلمسهم غيره
لاحول ولا قوة إلا بالله العلي العظيم
شلون انا منت عشقانته لحد الثماله
وشلون اهو يقول لمن اسمع صوتج انسى كل هموم الدنيا
ومافيها
وهو 35
وانا 20
اخيلو!!!
قاطعة اعز رفيجاتي علشانه
انعزلت عن اهلي بس عشانه
والأهم غضبت ربي
علشان عبد من عبيده ( الله اكبر )

ماادري
وش اقول
وش اخلي
حتى وأنا بغربتي ابجي حيييييل وبصوت عالي
من كثر ماني مصدومه ومخدوعه
ومشتاقه له حيل
؟؟؟!!!!
شلون وكيف
وبنفس الوقت ادري
انا نفسي مو عارفه هالشي ؟؟!!
او بالأ حرى مستغربته

لين جا اليوم اللي
تهاوشنا فيه وك العاده
سكرت وانا معصبه
ودز مسج وقال استودعتك الله الذي لاتضيع ودائعه
مع السلامه
قلت له لكيفك احسن
مارد علي

قعد يومين !!
ومادق

صارو ثلاث ومادق!!
صارلو سبوع
سبوعين
وماااكو خبر كلش !!!
وانا مسويه ثقل وماني
داقه عليه كل هالفتره هاذي كلها
وللعلم اول مره بحياتي كلها اسويها !!
كنت مسويه موعد لفيزتي
بس عشان حنة امي
ورحت للموعد
وانا بالطريق
نغزني قلبي
!!!
نغزه قويه
وقلت ( …..)
فلان
يارب
شفيه ش السالفه
رحنا لبيت اخوي والموعد الصبح !!
قلت ابغفى شوي
لين
الموعد
الكلام هاذا الضهر
شوفو شلون
قلبت فيوزاتي
وغفيت ؟؟!!
وحلمت
انه واقف من
بعيد
يطالع فيني
ويبتعد
يبتعد
يبتعد
وإن احنا كنا ببر
وابوي واخوي الصغير وانا بالسياره
وخربت علينا السياره
واهو كان موجود
وقرب
وقلت له لااااا!!! يافلان
لايشوفك ابوي
وهو يبتعد
قلبي يعورني
وانا قاعده اضعف
اضعف واذبل
بالحلم
وصحيت !!
فجأهً مسكت تلفوني
ودقيت
ولأول مره بعد
شهرين ونص
ودق
ويرن
وكل مايرن
قلبي يرن معاه
وفجأه قال
الوو. !!؟؟
الوو؟؟
سكت ماتكلمت
ضليت ساكته
دقيقه كامله
واهو سكت فجأه بأحساس كانه عرفني
وفجأه قطع الخط !!!

يتبع …. بذن الله

هذي رواية او شالســـــــالفة ؟؟

اندمجت

اتريا التكملة

تصدقين
لو تنكتب قصتي روايه

يمكن يحسبونها خيال

وهي الفرق فيها إن كل حرف فيها من واقعي المرير

حبيبتي نبضي يخاويه
يسعدك ربي
إذا مالج خلق الكأبه والنصايح
ماانصحج تابعين فديتج
لأنج بتنصدمين من حال هالدنيا
ومافيها
!!!
اعذروني ل خربطت بس
اكتب من فوني والله
وكيبورد لابي مافيه عربي والمعرب اكرها بطيئ

انشاله بكمل
هالليله قصتي المريره لكم بعد مارجع من الجامعه لأن باجر عندنا عطلة الفوول الخريف

منتضرتج على نار
امانه ودي اكمل
والله حقيقه قصتج وله شنو مو مصدقه مخي مو قاعد يستوعب
امانه بسرعه

هلا غصونه
والله الذي نفسي بيده
إن اللي قريتيه كله من واقع تجربتي وقصتي
المريره
واللي مايبي تصدق
لاحول ولاقوة إلا بالله
مارح يقدم ولايأخر هالشي
بس خل تاخذ نصيحه خالصه لوجه الله تعالى اولا
ثانيا ……………..
بكمل لكم الليه ( طبعا بتوقيت ولايتي )
بس بموضوع جديد لأن الباقي مايتحمل صفحة رد .

الامس مانمت بس افكر بقصتج شصار بل نهايه رجعو
وله شنوصار في وله شنو بلضبط
وله
وله
وله
منضرينج حبيبتي

غصونه
مافهمت كلامج حبوبه
التكمله تشوفينها ب الموضوع الثاني
نكتشف مر الحقيقه بعد مايفوت الأوان ٢

شكرا لكل عضوه عطتني من وقتها

وتعبت نفسها وردت علي

واخذ من وقتها القرايه وحتى مع كتابتي لتفاصيل صغيره جدا

اشكركم من الأعماق ..

والله يومين وانه انتضر مته تنزلين التكمل

جد ككملي ابي شصاااار يا الغلا