نصايح مهمة جدا للنفساء

لازم تكون كميته قليله اول النفاس كافي يكون مع التمر (التمره بالرشاد)

وكثروا منه اخر النفاس

ليش : لانه يوقف الدم قبل ماينزل كل الدم الفاسد

الحلبه

قال الرسول صلى الله عليه وسلم :-
((استشفوا بالحلبه))

اول النفاس بس لانهــا ترخي الارحام وتنزل ماي

في بعضهم يقولون بس اول 10 ايام وبعضهم يقولون 20 يوم الاولى

وفي يقولون :لاتشربينها نهائيا لان الحلبه في اللهوم اول 20 يوم كافيه لان كثرة الحلبه ترخي وتسمن

بس ضروري تاكلونها يابنات

المحلب

المحلب ينشف وينزل الماء لكنه لايستخدم الا اخر 20 يوم لانه اذا استخدم اول 20يوم ينشف على خراب لذا يوضع القليل جدا منه مع منقوعة العنزروت

منقوعة العنزروت

هذي وايد وايد زينه ومالقيت بالنت كله احد يذمها وسألت عنها برا النت وطلعوا شكثر يستخدمونها خصوصا اللي امهاتهم لهم خبرة بالاعشاب

هالمنقوعه وايد مهمه تنضف الارحام والبطن

طريقتها :قفشه كبيره عنزروت +قفشه صغيره مره +شويه حيل لاتكثرون محلب )

المره والعنزروت ماينطحون اما المحلب ينطحن

اخذيلج قلاص وحطي فيه المكونات السابقه وضيفيلها الماي وخليه يتنقع شوي لين تذوب المكونات بعدين شربيه

في الايام ال20 الاخيره زيدي كميه المحلب

الميرميه

لاتستخدمينها كلش لانها توقف الحليب وتنشفه

الكبـــو او بخور

هــــذا من اخطر الاشياء اللي تستخدمها النفساء

وماراح تحصلين من وراه اي فايده

لان مكونات الكبو لما تحترق يطلع منها ابخره سامه تسبب السرطان والعقم والالتصاقات

والدكتور جابر القحطاني يحذر بشده من هالكبو

وهذا كلام جابر القحطاني عنه:

أما وصفة بخور النساء فهي أردأ من وصفة النفساء وهي إن لم تكن مثلها فهي أردأ وأعتقد انه لا يوجد أردأ من الوصفتين فأحذر النساء النفساء والحائض وغيرهن بعدم استخدام هذه الوصفات الخطيرة وأمهاتنا كانوا لا يستعملون مثل هذه الخرافات وبالأخص مخلفات العطارين ولا أنصح باستخدام أي عشبة ما دامت المرأة طبيعية وإذا عانت من أي مشكلة من مشكلات النفاس فالاستشاريون كثيرون وهم سيعرفون الشيء المناسب للمرأة

وهذي تجربه لوحده من البنات:

رحت للدكتوره وكشفت علي بالمنظار داخل الرحم؟؟؟؟قالت ايش هذا ايش هالريحه حرام عليك وش كنتي تحطين في هالمنطقه الحساسه؟؟

كوتني واعطتني تحاميل مهبليه ودش مهبلي وقالتلي استمر عليها

الترديد

وايد مهم

يرد عضامج مكانها

بس الخطر انهم يقربون صوب رحمج لان ممكن الرداده اتميله او تقلبه

وشكثر حريم عانوا بسبة هالشغله وماقدروا يحملون مره ثانيه

خلي الرحم يرد بروحه تدريجيا ولنتيجه اسرع الرضاعه الطبيعيه ترده لج

وثاني شغله كاسات الهوا

لازم بس تكون على منطقه الضهر بدون ماتقرب صوب العامود الفقري ترا يابنات مضر حيل

ولاتقرب صوب البطن نهاءيا

تذكري اي مكان ثاني غير العامود الفقري والبطن

الخوا جوا

زيت الخوا جوا جدا فعلا في علاج الشمم ويعتبر مضاد حيوي

ينفع حتى لعوار الضرس لما يشم عليج

في يقولون مسحي فيه الكوتكس مكان الخيوط والجرح انا شخصيا ماانصح بجذي لان في بنات صارت فيهم حساسيه وعوارات من ورا هالشغله
بس شميه تحطينه بكلينكس او قطنه وتمسحين فيه فتحات الانف من داخل وخلي ه الكلينكس او القطنه على خشمج
وشمي لين ترتاحين