موظفات ديوان المحاسبه

السلام عليكم
يعطيكم الف عافيه خواتي

بس حبيبت استفسر من موظفات ديوان المحاسبه عن طريقه الشغل فيه وشنو الوظائف اللي متوفره فيه

وجم رواتبهم بليز ساعدوني ضروري

وعليكم السلام ورحمة الله وبركاته

حبيبتي اللي اعرفه ان دوامهم شغل شغل يعني مو فلاتي
ومعاشاتهم زينه بس يبيلج واسطة قوية
اعرف وحدة متخرجة من اتصالات وملاحة عالحفة اشتغلت بواسطة وفي جامعيين ومعدلات عالية ماقدروا يتوظفون
فانتي وحظج وواسطتج
وماكو شي بعيد عن رب العالمين

يعطيج الف عافيه على الرد
بس اهيا باي قسم حطوها ويعني تقريبا جم رواتبهم
واسمحيلي على الاساله بس لاني بطلع من دوامي فبشوف شلون الطريقه راح يختلف وايد علي ولا لا

هلا حبيبتي للأسف ماقدر افيدج بسالفة المعاشات لاني مو ميانه حيل معاها وهم هي من النوع اللي ماتتكلم مادري تخاف من العين يمكن ههههههه
بس ان شاء الله البنات يفيدونج

^^rose^^ ياقلبي ماتقصرين
لووول يمكن تخاف من العين
وي حظي وانا اذا زاد 5 دنانير مايبقى احد مااقوله :×
يلا البنات انشالله مايقصرون معاي

شنهي شهاتدج؟

إذا جامعية فوق ال800 ماشاالله

انا دبلوم
ماتدرين جم
وهل يخلتلف من قسم الى قسم ولا شلون الطريقه

والله مادري ياقلبي

حتى أنا بعرف

إن شاالله البنات يفيدونا

وااي شدعوه بنات ولا وحده فيكم تعرف احد بديوان المحاسبه

انا بديوان المحاسبه وصارلي اسبوع بس ادارتي مافيها شغل وفيه تزريق على كيفج يبصمون الصبح ويطلعون يخلصون اشغالهم ويردون ، بس فيه علواتهم قويه ‘ البونص قوي والاعمال الممتازه قويه دبل الراتب الاساسي مرتين ،

اذا انتي دبلوم من دون خبره راتبج راح يصير 507

واذا عندج خبره 3 سنوات 541
واذا خبرتج 5 سنوات 669 دينار
نسيت ازيد 50 دينار مكافاه على هذيل يصيرون بعد التعديل
50 دينار على 507 يصير 557
50 دينار على 541 يصير 591

هذل راح يصير راتبج واحتمال اكثر او اقل بسي بسيط على حسب الخبره والكفأه

وموففقه بس يبيلج واسطه قويه بس ما يمنع انج تقدمين اعتمدي على الله وعلى الحظ السعيد

والله انا بعد ودي اعرف اشلون على المعاشات اهناك اذا جامعيه ؟؟

من بعد اذن صاحبة الموضوع

اي والله شلون معاشات الجامعيين بس انا تخصصي ادارة اعمال مو محاسبة شلون معاشاتهم؟؟؟؟؟؟؟؟؟
ومن الساعة جم الدوام ليه الساعة جم؟؟؟؟؟؟
وشلون التقديم؟؟؟

اي والله شلون التقديم؟

الدوام من الساعة 7.30 الى 2.20 وفي فترة السماح لتاخير ليم 8

اما عن الرواتب الي جامعيه تخصصها غير محاسبه او قانون يكون راتبها من دون خبره اول مربوط 800 دينار
اما الي عندها خبره يكون بين 880 و900 دينار .على حسب سنوات الخبره

والي تخصصها محاسبه يكون راتبها 873 من دون خبره
واذا عندها خبره يكون 1000 على المربوط الثالث وع خبره 4 سنوات ويتراوح المبلغ على حسب الخبره

اذا تخصصج محاسبه او قانون يكون دوامج مره بالاسبوع او مرتين في الديوان والايام الباقيه يكون دوامج في الوزاره او الهيئه او المؤسسات الحكوميه التي يكلفج الديوان في التدقيق عليهو ويصير اذا ما تبين تتدققين على الوزرات وغيرهم يكون شغلج بالديوان مو لازم تتطلعين مع ان افضل الطلعه لان ما يكون عندج توقيع بالوزارات الاخرى

وسلامتكم

الي تبي تقدم تأتي للديوان عند شئون التوظفين الدورالثاني البرج الثاني

ومعاج الشهاده الاخيره والدورات الي حصلتي عليهم وصوره شخصيه ، صوره عن البطاقه المدنيه والجنسية والميلاديه ، وشهادة راتب للموظفات وشهادة خبره الي عندها خبره من الدوام السابق والي اشتغلت في كذا مكان من قبل تجيب شهاده من التامينات الاجتماعية عن اماكن عملها . واذا كنتي في وظيفه وحده ماتنقلتي وعندج خبره جيبي التدرج الوظيفي وشهادة راتب,

وهذا رقم شئون التوظيف عندنا بالديوان

4957217
4957528
2957531
4957530
4957213