من صوبهم غفور رحيم ومن صوبنا شديد العقاب

بنات اشلونكم ..

كل عام وانتوا بخير بمناسبة السنه الجديدة ..

بنات عندي مشكله مع حماتي أنا ماحبها ولا اهي تحبني يعني كره متبادل وهالشي واضح بيناتنا يعني السلام وعليكم السلام ان كثرنا والغريبه ان علاقتي مع كل خوات زوجي حلوه بس اخته الدلوعه ماواطنها ولا تصرفاتها تعجبني كلش ملش ..

المشكله ان زوجي يغليها ومايرضى على زعلها لو شنو يعني حتى لو زعل منها او زعلت منه ان طالت فترة الزعل فتكون ساعه وزوجي يروح يراضيها بنفسه لو هي اللي غلطانه والمشكله ان زوجي اكبر منها باكثر من 8 سنين بس مادري شنو سر هالمحبة طبعها مو حلو ودلوعه وكل طلباتها مجابه مع انها مو وجه دلع ..

بنات ولا وحده ترد وتقولي غيره لان مو من زينها ولا من حلات طبعها ..

بس اللي باط جبدي زوجي ع طول يقولي تكسر الخاطر واهي ماكله حقها من العائله كلها وزيادة .. واللي حارني انه ماينام الليل لو تزعل وانا عادي ازعل بالساعات والايام والاسابيع وحضرته مايحرك ساكن ..

زين دام خاطرك ينكسر بسرعه ليش ماينكسر خاطره علي كثر ماينكسر خاطره عليها ..

بنات انا منغثه حدي منها وصاير موقف قبل جم يوم زعلها وراضاها وفررها الكويت وردها بظرف 5 ساعات ..

بفهم منين يجيبون الحظ بنات ..
..

..

يختج لو الحظ ينباع جان تلقيني ابيع ماوراي ودوني واتسلف واعرض وجهي عند فلان وعلان عشان اشتريييييه عشان اسنع بختي خهخخخخ بس عااااااادي ما عليييج ابد منهااا تووولي زوووجج يراضيها بكيفه اهوو واخته وانظري عليها ماردهااا بتزووووج وتذلف لبيت رجلهاااا *

اي والله بتتزوج وتروووح لوول
الله يعينج بس……

ماشوف في مشكله بالموضوع

ودلعها على روحها طالما مو متعديه عليج ليش متضايقه منها؟؟؟

والله ادعي كل يوم ان الله يرزقها باحسن زوج ويكون بيتهم بعيد عشان ما اشوفها الا مره بالاسبوع ..

{ انعم دفشة ~

ادري دلعها ع روحها طقاقين ..

حبيبتي تعدت بالكلام وانا اجعمها وازفها لمن مشت سيدا ..

بس منغثه من موضوع الزعل والدلال ع زوجي واهو يراضيها بلحظتها ..

..

من نواياهم الزينه

من قلوبهم النظيفه

من حسن اخلاقهم وتربيتهم

لو تعزين وتحبين زوجج

جان حطيتي اللي يحبهم بعيونج

لانه لاجل عين تكرم الف عين

اعرف كل عضوه من طريقة سردها للاحداث

نوعا ما عن شخصيتها

وانتي شخصية …..ما تحبين تشوفين غلا الاخت بعيون اخوها

يمكن غيره …

حاولي تصفين النوايا والله يرزقج باشياء افضل منها

وحمدي ربج عندج زوج يحترم ويدلع اخته

هذا ما تخافين على حياتك معاه لانه اللي يصون ويحب الاخت وما يفرط بالزوجه

فوفو

أخته بنت أمه وأبوه
من طلع على الدنيا رابي معاها وماياكل عنها شي
شكو تقارنين بينج وبينها

تحرني هالنوعيه من المواضيع
انتي بنت الناس تيي بدالج وحده غير
بس اهي بنت امه وابوه ماتبدل

حبيها واكسبي ريلج

اول شي الحظ وراثه فوفو ..

اهي لو تحب الخير لاخوها جان ماتغثني وتقط الكلمه علي وماتستحي لا من كبير ولا من صغير وانا اكبر منها بسنين ..

بعدين انتي حللتي شخصيتي وشخصيتها من جم سطر وشنو تعرفين عن حياتي عشان تحكمين علي اساسا انتي تكلمي وناقشي اللي انا كاتبته بس ما وراء السطور لاتحطين بذمتج واذا عشتي مع حماة قشره وقتها تعالي كلميني..

شنو علم النفس والنظره الثاقبه اللي عندج بصراحه ما مر علي ولا علم او تنجيم مثل فلسفتج ..

..

ما قلنا شي اخته ع العين والراس بس شدعوه ماني انسانه ماعندي احساس حجر ماني مرته مو ام عياله والا جايبني تكملة عدد و هم بقارن من معاملته ومداراته لها وتطنيشه لي بعدين ليش ما احط راسي براسها انا مجابلتها وصاينته وحبيبته وماقلت لا يعاملها زين بس يعطي الكل حقه ماينتقص من احد حق والثاني له كل الحقوق ..

وليش هي ماتكسبني ماني اخت اخوها الكبير مالي حشيمه ..

صج النار ماتحرق الا رجل واطيها ..
..

..

ما اعرف شخصيته حماتج

بس اعرف انه بعيونا وبقلوبنا ندرس الزوج

ونحب ونعز اللي يحبهم

ونقدر ونحشم اللي يحبهم

مو حبا بالآخرين كثر ما هو حب وتقدير للزوج

يا ما نااااس نوجبهم ونتصل فيهم …..كرمااال عيون الغاااالي

باختصار اذا حبيتي زوجج بعقلك وقلبج …..رح تسوين هالاشيا اوتوماتيكيا

وبالنسبة لتحليل الشخصيات هذا علم ….لسه بدري عليج على ما تعرفينه

فوفو

حاولي تتحاشينها وتكونين رسميه

شتسوين بعد

ماكو الا انج تتقربي منها و تسايسينها عشان تكسبينها و بالتالي تكسبين ريلج

او انج تطنشين

حبيبتي وايد مثل هذي لاشكال موجوده بس شنو نسوي مهما سوينا ما يعجب وهن الصح حتي لو تجذبه تكون هي صح الله يهدي النفوس بس نصيحه انشغالي بنفسك ولا تفكرين مجرد تفكير فيها واحتوي زوجك

ياقلبي حقريها الحقران يقطع المصران
وذا شافتك معطيتها وجه بتزود
لاتعطينها اكبر من حجمها