من السعودية الى معلمات الكويت

هلا اختي الفجر القادم
في الفصل تحطين لوحة الايام والحالة الطقس ولوحة الحضور والانصراف ولوحة تحطين عليها كشووف بأسماء الاطفال وصندوق البريد
وممكن تحطين لوحة الحوافز

رفع لعيونج ….

وعليكم السلام
حبيبتي الصف فيه لوحة حضور و غياب اذا كان مستوي اول بالصور واذا مستوي ثاني بالاسامي تكتبينهم
و فيه لوحة الجو عن طريق مصورات تحطين صور غيم و لا ورق صغير ازرق يعني مطر و قطن يعني غيم ولا قص ولزق اصفر مدور شمس و صورة ولد الروضة وبنت جاهزة بالمكتبه وتغيرينها كل يوم انا بصراحة حاطة مصورات على لوحة مغناطيسية
و فيه انتاج الاطفال في ركن الفنية حق اللوحات الي يرسمونها مع فترة الاركان و المشروعات الفنية لهم رف خاص فيهم
و في بعد اسم اليوم تتغير كل يوم فيه بطاقات جاهزة مكتوب عليها اسم اليوم
و انا حاطة على الباب مكان تواجد الصف مثل الساعة شكلها جاهزة يعني اذا ماكنتو بالصف تحطين عقرب الساعة علي مكانكم الحالي اذا مكتبه او حركية و غيرها
و بعد في لوحة البياانات فيها جدول الحصص و توقيت الدوام و المناسبات و بعد الخبرات التربوية و اسماء الاطفال
و اذا تبين التميز في افكار حلوة وايد من ضمنها لوحة نجم الاسبوع تحطين صور الاطفال كلهم و تحطين ايطار على شكل نجمة على الطفل المتميز هذي وايد كانت عاجبه الموجهة بصفي و اشكرتني وايد عليها
و في من ضمن التميز تحطين لوحة تميز الطفل في اي ركن يعني تحطين الاركان كلهم نفس صورة الاشارة و تكتبين ولا تلزقين صورة المتميز في الركن نفسه
اممممممممم ما ادري شنو بد قاعره اذكر اللوحات في صفي
اي في بعد لوحة انشطة الفصل في المناسبات المختلفة تصورين عيالج اذا كانو لابسين شي بمناسبه او احتفال او رحلة او نشاط مبتكر او درس نموذجي و ياكثر مناسبات الروضة
و بس سلالالالالالامتج والله يعيييينا يارب على هالتعب يارب لا يخيب تعبنا و نلقه التقدير و يبين بعيونهم ياااااااارب واهم شي رضا الله فوق كل شي ولا الناس ما يعجبهم العجيب