(((منو عيالها بالدانه الامريكية؟؟ واشرايكم فيه اوكي ولا خواره؟؟))

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حبيبتي قصدك الدانه في منطقه سلوى والله المدرسه ممتازه ومعاملتهم للطلبه زينه ومنهجهم امريكي مع العربي والدين منهج الوزاره

حبيبتى المدرسة السنة موشي تخبط و مدرسين اى كلام …كله عرب حتى للمواد الأجنبية …انا منغثة منهم السنة …لكن صاحب المدرسة الصايغ يقول ان من السنة الياية كل الستاف بيشلعهم و بييب اجانب من برة…والعلم عند الله…ترى انا عيالى بالمدرسة من افتحوها يعنى من 5 سنوات وانجليزيتهم مو وايد قوية لأن المدرسين من سنتين كلة عرب و شوية هنود…يعنى شنو تتوقعين….اخذيها نصيحة اذا عندك خيار ثانى ودي الغانم…حلوة …اما انا راحت على عيالى اقضب مينونك لا يجيك اين منه!!!! على فكرة اهم بالعربي و الدين ممتازين بس المواد الإنجليزية موشي…,,,والعجيبة ان ماكو شدة او حرص الولد اذا مايلبس لبس االبدنية او السباحة عادى……وصراحة صاحب المدرسة ما يقل على جمال المدرسة يعنى على حطتها من افتحت ………تصوري ولدى بسادس ابلته الرياضيات وطبعا عربية مريضة يمكن من 3 اسابيع ظل فترة اسبوع بدون ابلة وبعدين يابوله ابلة هندية تخرع و الحين عشان فترة الفاينل قامو يكروتون الدروس مرة وحدة عشان يرقعونها…شوفى نطرينى السنة الجاية وراح اقولك انطباعى …….والله راح يحاسبنى على كل كلمة كتبتها

مشكورين بنات

فراوله حبيبتي ماقصرتي وبس قررت انقل بنتي لانه المدرسه تعيسه بمعنى الكلمه

زوغة يا عمري احسن قرار اتخذتيه …بصراحة انا ما اطعن بكلام اي اخت عزيزة بخصوص الدانة لكن كلامى يعبر عن اغلبية الامهات اللى عيالهم موجودين من التأسيس يعنى اهيا وجهة نظر بس لو بإيدى جان طلعت العيال لكن اهم كبار بالمتوسط و يبون ربعهم …يعني العامل النفسى وايد مهم لى بالنسبة حق اعيالى و الصراحة انا اشهد ان نوعية الطلبة رائعين كلهم عيال ناس مؤدبيين و ماعندهم مشاكل وهم المدير ابلة نبيلة اخلاق بالتعامل و صراحة حبيبة ما ترد اي طلب فى مصلحة الطالب …لكن الحلو ما يكملش…ياالله ننطر على السنة الياية!!!!

فراوله والله ما قلتي الا الصج

انا ولدي المسكين دششته المدرسه التعبانه هذي ع الفاضي

لما كان بكي جي 1 كان اشطر من السنه هذي

اهوه الحين بسم الله عليه بكي جي 2 وبنفس المدرسه ما غيرت من القراده

وكنت اقول مثلج خلك على مجنونك

ولما وديته التكامل حسبي الله عليهم ما قبلوه ما يمشون الا بالواسطه

مع انه يعد للعشرين بالانجلش

وكنت مراجعتله قبل ما نروح يقولون ما يعد الا للعشره

الله يآخذهم يبون بس بالواسطه

ما اقول الا من القراده ومن مدرسة الدانه هذي

الحين انا حاطه في بالي ثلاث مدارس

وحده الاكاديميه الدوليه الامريكيه ووحده العالميه

ووحده الرساله بس ما اعرف عنها شي لانها توها جديده اذا سامعين فيها فيدوني

ابي اعرف نظامها شنو والستاف شنو

وسلامتكم خخخخخ

كويتية يمدحون كيمبردج

اقتباس:

المشاركة الأصلية كتبت بواسطة زوغه

كويتية يمدحون كيمبردج

يلا هلا زوغه

مشكوره ع المساعده

بس كيمبردج ما اعرف عنها شي

ممكن تفيديني عن نظامها وستاف المدرسين يعني زينين وجنسياتهم شنو

ويأسسون انجليزي عدل وهل لج تجربه فيها

وجم رسومهم

وبس هههههه ما خليت شي

الله يعطيج العافيه ناطرتج حبيبتي

بحفظ الله

حبيبتي المدرسين من بريطانيا وكندا

الرسوم حق اولى ابتدائي 1350 تقريبا

تسلمين يا زوغة…اقولك الغانم روعة و اسعارها تقريبا نفس الدانه….خلينى افيدك بشء انت اذا بتكملين مع ولدك على النظام الخاص سجليه بالنظام الأمريكى لأنه عملى اكثر و الرياضيات عندهم اقوى من البريطانى و بعدين حرام تنقلينه من نظام لى نظام راعى العامل النفسى اما اذا بس للروضة او الإبتدائي سجليه نظام بريطانى شديد اكثر …انا اختى طلعت ولدها من الدانة السنة على الكورس الثانى كانت ابلته فلبينية ما ادري شسمها هو ب kg2 وودته الغانم تقول فرق سما وارض عن الدانه و الولد فى قمة السعادة…فحكمى عقلك!!

فراوله عاد تدرين انا ولدي بكي جي 2 وابلته فلبينيه مثل قلتها ما استفاد منها ولدي شي

وكنت مسجلته بالغانم وقبلوه وبآخر لحظه غيرت رأيي ..

زين اختي فراوله كمبريج نظام بريطاني يعني ؟؟

وانا ولدي رايح قريد 1

والله محتاره شوروا علي تعبت نفسيا

انا ما ابيه بالحكومه راح اسجله بخاصه بس ضايعه بالطوشه

شكرا للكل

هلا كويتة…حبيبتى كيمبرج نظام بريطانى و يمدحونها وايد بس يقولون طريجها تعيس ….انا لو منج اودى الغانم وصدقينى اللى موقفنى انه اختلاط وانا ناوية بإذن الله اكمل مع عيالى وما ابى لهم الإختلاط ….والله ما احب لغيري بالأذية …الدانه خساره فيها دينار…تعليم بدون لغة حشه الهنود يتكلمون احسن من عيالى ولله الحمد والمنه

اقتباس:

المشاركة الأصلية كتبت بواسطة فراوله

السلام عليكم:::::::::::::: يسعدني اني أشاركم خواتي وحبيت أفيدكم بلي أعرفة عن الغانم أنا بنتي بالغانم صراحة المدرسة قوية حيل بالانجليزي والعربي والمدرسات في منهم أجانب وعرب وكلهم أهبلون ومو خسارة فيهم الفلوس لأنكم راح أتشوفون الفرق والنتيجة بس الأدارة أتلوع الجبد ونفسية ما أدري على شنو كأنة مو بفلوسنة

…..

سبحان الله …الكمال لله عز شأنه….والله احترنا خليجية

(((منو عيالها بالدانه الامريكية؟؟ واشرايكم فيه اوكي ولا خواره؟؟))

اترك تعليقاً إلغاء الرد