منو عنده خبره بالتأمين الصحي فيديوني .بليييييز

مرحبا بنات

بليييز انا حابه اعمل تأمين صحي بس مو عارفه بأي شركه؟؟؟ولا عارفه اي احسن فيهم؟؟؟

بس عندي سؤال انا اكثر شي ممكن احتاجه بالتأمين عيادات الجلديه او الليزر والاسنان؟؟هل يغطي هل الامور؟؟؟ او شنو الامور اللي استفيد فيها بالجلديه؟؟

واي معلومات فيدوني فيها ):

بنات ارجوكم اللي عنده لو معلومه بسيطه

اي والله جان زييين اتفيدوونه لانه هالشي واااايد يفيييد على حسب ماسمعت

اب اب

ودنا نعرف

ماعتقد احنا عندنا بالكويت تأمين صحي !!!؟؟؟ عمري ماسمعت فيه

هاااو امبله عندنا!!! تدفعييين مادري جم اشتراك سنوي بس ماني عارفة التفاصيييل بالضبط!!! مثل تأمين الموظفييين بالشركات الخاصة يعطونهم 90% خصم و 75%

صح كلامج شوفو هذا رد واحد على شخص ثاني سأل نفس سؤال الأخت هني :
" السلام عليكم ……
التأمين الصحي موجود بكل شركات التأمين الوطنية :
الكويت – الأهلية – الخليج – وربة وألخ …
بس الشاطر اللي يقدر يحصل على تغطية تأمينية حلوة .. يعني :
1- عائلية .
2- شاملة الأسنان.
4- الحمل .
5- دون تحمل أو استقطاع. يعني كرت التأمين ما يخليك تدفع ولا فلس غير القسط التأميني اللي دفعته .

والعائلية تكون دوم أرخص … وإذا كنت تداوم في شركة فالأفضل إنك الشركة تأخذ تأمين صحي لفريق العمل جروب انشورانس .
والنصيحة عليك بالخليج للتأمين والأهلية ووربة"

وهذا رابط بعد : https://www.aawsat.com/details.asp?se…3&issueno=8990

وبعد في شركة اسمها شركة تآزر للتأمين التكافلي :https://www.cibafi.org/NewsCenter/Det…Cat=3&RetId=58

بس شكلها بس بالبحرين مع ان اسمها الشركة الكويتية https://www.bkic.com/Arabic/life.asp

انشالله اكون أفدتج

وبعد عندج الشركة الأهلية للتأمين: https://www.alahleia.com/ar/insur_life.asp

هلا أختي رورو شلونج شوفي آنا مع الأخت الفلبينية بس يبيلج تطيحيين على الشركة اللي فيها تغطية شامله وحلوه وماتدفعيين شي أو ماتدفعيين وايد..

شوفي آنا بقولج آنا وأهلي فاتحيلنا تامين من شركة وابميد ومادري هي سعرها الوحده جذي ولا لأن إحنا عايله مسويلنا خصم الشخص الواحد يدفع مدة سنه 245 دينار وشامله بعض أهم المستشفيات : السلام دار الشفا انترناشيونال ووايد عياداة ناسية ومن بينهم الميدان للأسنان (أهم شي للتامين تفيد.

وعلى حسب التشخيص إذا انتي مريضة يعني علاج عادي يغطي التامين وساعات تدفعين شي بسيط مثلا العصب 100 تدفعين 30 أو 20 وإذا حشوة بس على الأتمين تدفعين 6 ونفس الشي الطب العادي إذا أدوية وكلها عاديه من بينهم المضاد الحيوي لا تدفعيين نسبة بسيطه منه أو ساعات المستشفى مايرضى لازم كامل سعر الدوا اللي مايشمل التأمين وعلى الفحوصات مثل تحليل الدم وغيره يشمل ماتدفعين ولا شي..
والليزر والله مادري آنا أروح عند عيادة مو مشتركة بشركة التامين مو شامله العاياده اللي اروحلها …
وإن شاءالله اكون فدتج وتقبلي مروووري.

حبايبى

انا اشتغل فى شركه الخليج للتأمين

التامين الصحى موجود بالكويت حق كل الناس وفى نوعين

النوع الاول داخل الكويت وهذا اللى نحتاجه

والنوع الثانى بره الكويت واهو زين حق رجال الاعمال والناس اللى وايد يسافرون بره الكويت

النوع الاول اللى داخل الكويت يغطى كل المستشفيات الخاصه ماعدا مستشفى الراشد ورويال حياه
ويغطى اغلب العيادات الموجوده + المختبرات ( اللى هامها الموضوع تراسلنى وادزلها شنو العيادات والمختبرات )

كل شركات التامين ما تغطى اى شى يتعلق بالتجميل والليزر

الشركه تنزل لكل فرد مسوى تامين صحى تغطيه بقيمه 10000 الاف دينار كويتى لمدة سنه

وتغطيه الاسنان بقيمه 450 دينار بالسنه شامله علاج عصب حشوات خلع

اى استفسار انا بالخدمه وبأى وقت 97503131

حبيبتى عندنا النون وما يعلمون

عندنا تأمين الادخار والاستثمار + الصحى + الدراسى + سرطان الثدى

واشياء تهبل والله انى قبل ما اشتغل معاهم ما كنت حتى سامعه فيها

اهلين رورو

عطينى عمرج واعطيج جم تدفعين بالسنه؟

الليزر ما يغطى ليزر ويغطى جلديه تحت اى بند علاجى مو تجميلى

اى نسيت اقول شى

كل شركات التامين

تغطى الحمل والولاده بعد السنه الاولى

يعنى سويت عقدج بعد سنه حملت جددى العقد تدخلين على طول بالتغطيه من مراجعات حمل وسونار وولاده

مثال اذا تكلفه الولاده الف دينار وانتى مسويه تامين ما راح تدفعين الا 200 دينار بس

لان مع التامين الصحى الشركه تتحمل 80% من تكلفه العلاج فى كل شى وانتى بس 20%

( شامله كل شى من فتح ملف – اشعه – صيدليه – تحاليل)

بنات مجال التامين كبير ومتفرع وما راح اغطى كل شى

فاى وحده عندها استفسار لا يردها الا الكى بورد او رقمى موجود فوق

وااااااااااااااااي بعد عمري أم وهااااااابييييي صج يعطيييييج ألف عاااافية ياربي ويخليلج وهابي و باجي عيالج و فوووقهم ابووهم هههههه صج فدتينا و انشالله راح اتواصل معاج عشان التأمين ماقصرتي :**

يا حلوج والله فديتج ويعافيج يا رب وباى وقت حياج الله

التأمين فيه بلاوى متلتتله بس ما اقدر اكتب كل شى
من صوب الشركه تعتبره اعلاه وهذا ممنوع ومن صوب المنتدى همن يعتبرونه اعلان

احاول اتواصل معاكم باللى اقدر عليه