|
|
سلام ،، أدري انكم ماراح اتقصرون وياي
أنا اتعرضت لحالة نزول المشيمة ونوموني يالولادة في بداية السابع…
والحمدالله بعد اسبوع ارتفعت المشيمة اشوية ،، بعدين طلعت على مسؤوليتي،،
والحين أنا امقدمة على المجلس،، لأني أبي راحة من دوامي،، لأن جهد المدرسة اهوا الي تعبني وكان ينزل علي دم كل اسبوع من اجهد نفسي..
منو نفس حالتي؟؟ وخذت مجلس طبي وعطوها اجازة؟؟
والحين انا كله قاعدة اخذها طبيات عادية ومن دكتورتي يالعيادة،، لأن الصباح ماعطوني الا اسبوعين من طلعت
وماعطوني غيرهم ،، وانا ناطرة موعدي للمجلس اسبوع الياي؟؟
منو تقدر اتفيدني؟؟؟
و تروحين المجلس علشان يسوي كتاب ثاني بالمرضيات غير الكتاب الاصلي اللي سويتيه اول شيء
و تروحين الولاده عند السكرتيره علشان تحط الكتابين مع بعض علشان تدخلين لجنه وحده
2- كل يوم لجنه شكل انتي و حظج و ان شاء الله حظج زين و يعطونج للولاده بس اهم شيء التقارير الطبيه … انا اول مره رحت لهم امسويه انابيب و نازل علي دم و مشيمه نازله
كنت توني داشه الثالث عطوني 3 شهور … و توني رحت لهم مره ثانيه عطوني للولاده
اقري بويهم اول ما تدخلين و الله يسهل عليج
وطبعا اولا دوامي ذلوني علشان يعطوني كتاب حق مجلس الطبي ليش توني موظفه يديده وما يصير
وطبعا لما رحت مجلس الطبي كنت بالسابع وتمرمرطت واخر شي لما دشيت على دكاتره وقلت لهم فيني توام
جان تنط وحده وتقولي ويعني وتوام وليه عاوزه مجلس طبي
انتي قاعده جدامي زيي الفل ما فيج حاقه
والله من قهر قمت ابجي
لانه معاي رقعات بالقلب قويه وظهري مشلخني
وقمت وطلعت وقالولي على ما يطلع التقرير يبي لي فوق 15
وطنشت واخذت اجازه بدون راتب على ما ولدت وبس
اذا عندج واسطه احسن
تعبت وتعبت ريلي وامي وياي،،
أول مجلس دشيته كان معاي تقريري من ركتورتي ودخلوني المستشفى عشان انام لي الولادة بس الحمدالله ابفضل الله ارتفعت اشوي وقدرت اطلع
طبعا الله لايوريكم الكلاااام الي قالو لي عن المخاطر اثناء الولادة..
نفسيتي حيل كانت تعبانة عندهم،، وانا الحين قدمت على المجلس لثاني مرة ،، ادعولي بالتوفيق لأن مابقى شي ودش شهري انشاء الله 22-3
ادش شهري،،
بس اشكرج ايمانوفا لأني ماكنت ادري ان لازم اصور طبياتي,,انشالله اخلي ريلي يروح المدرسة ويطلب منهم صور…مشكورين على الافادة وانشاالله حظي حلو مثلج
انا وحده اهناك جزاها الله خير قالت لي … و كل شيءحظ و انتي واسطتج رب العالمين ان شاء الله