|
|
السلام عليكم ورحمة الله وبركاته
عزيزاتي عضوات المنتدى الرائع اللي حيل عجبني بصراحة انا وصلت لمرحلة يائس من زوجي او انه حتى يتغير اول شي راح اعرفكم على نفسي انا عضوة جديدة متزوجة من 17سنة وجدا رومانسية فقدت ابوي الله يرحمه وعمري4سنوات واحس بفراغ عاطفي بتقولون امك امي انشغلت بتربيتنا لانها ماتزوجت عقب ابوي وكانت شوي قاسية علينا يمكن عشان المسئولية اللي تحملتها تصدقون مااذكر امي حضنتي حتى في زواجي اللي ابي اوصلة اني فاقدة العاطفة والحنان والاهتمام فكان كل حلمي بالزوج اللي راح اتزوجه ابي يعوضني عن حرماني من ابوي وابي احس اني شخص فيه احد يهتم فيه ويحبه بالفعل تزوجت واحد متعلم وكنت انا بركان من العاطفة الجياشة والمشاعر المتوهجة بالحب يدخل اضمة يطلع اضمه ماانام الالماابوسة وكان هومثل الملك متعجرف كانه سي السيد لما انبهت لحالي صرت المح له اقوله انا احتاج اسمع اطراء كلمة حلوة وهو لاحياة لمن تنادي مرت السنوات وانا على هالحال ومن سيء لااسواء كل سنه احس بحبه يقل عمري ماسمعت كلمت احبك اوياعمري اوحياتي او حتى مدحني مع العلم اني يشهد لي بالجمال على حسب مااسمع احس انه يبي يكسر مجاديفي تخيلوا حتى لما اظبط بالغرفة واسوي تغيير ماكاني اسوي شي ولايطالع لما البس قمصان نوم همه بس رغبته تحسبونه زي الرجال اللي يطالع في قميصك اويعلق على عطرك ابدا حتى بالنومة ماهو معطيني حقي ولما ناقشته قال انا عندي سرعة قذف قلت له علاج قال كل الرجال كذا صرت مااحب انام معاه ولما يتضايق اقوله مااستفيد غير التروش ابيه يحس مير لاحياة لمن تنادي تخيلوا مرة قصيت شعري ولاطالع فيني ولاسأل ولما قلت له وش رايك بالقصة قال زينة بس ليش صبغتية اشقر وانا اصلا شعري اسود وماصبغته بيبين لي اني مومهتم فيك بعد معناة نفسية قررت اعاملة نفس معاملتة اني احطم فيه وابين له انه موتارس عيني لربما يتغير لكن كانك يابو زيد ماغزيت تخيلوا يتعمد انه يبين لي انك موشي مرة قلت له يقولون زميلاتي ضعفانه قال كانك عجوز ومرة قلت له شعري طال لانه يحب الشعر الطويل قال ايه بس خفيف ومرة قلت له تصدق وحدة تقوللي فيه وحده شافتك وتبي تخطبك على بالها ماتزوجت قال قوليلها انك عجوز بناتك اكبر منك انا ماادري انا غلط ولاهو ايش الاسلوب اللي استخدمة معاه نفس اسمع كلمة حلوة عمري ماسمعت كلمة احبك شوف العذاب مرة سألته وكنا تونا خالصين من الحج وفي طريق العودة قلت الحين حجينا اسال الله لنا القبول احلفك بالله تحبني شوف رده اللي طعن الفرحة بقلبي قال لوماابيك ماصبرت عليك كل هالسنين اشياء كثيرة لوبحكي مراح اخلص انا انسانة عمري ماحسيت بالحب حاولت اشغل نفسي بأمور ثانية لكن دائما احس بفراغ عاطفي جامد بالله عليكم كل وحدة تقدر تساعدني لاتبخل علي على الرغم اني احس اني مااحبه ابي الحب اللي كان بقلبي يرجع ابي احس اني اذاضميتة اني مالكة الدنيا الحين تمر ايام واسابيع مااضمة تخيلوا مرة صار بينا زعل وبعد عدة ايام من شدة طيبتي رحت وضميته الايقولي هاه خلاصتي امانه ايش رائكم
وكل يوم من الكلام ده
الهي يحنن قلبه عليج اليوم قبل باجر ..عموما حبابه واضح ان اهوا طبعه جذي لكن ماعليه لا يأس مع الحياه …استمري بمحاولات التغيير جود تنفك عقدته
ويليت نزلتي موضوعج بقسم الحياة الزوجية هناك البنات اكثر خبرة بالتعامل مع هالنوع من الازواج
وراح ينصحونج اكثر لان الاغلب متزوجات وعارفين هالاشياء
انا اقول اولا
جربي يوم من الايام اتصيرين سايلنت لا تسووين شي ولا تقوليله ولا كلمه حلوه الا اللهم شغلج المهم من طباخ وتنظيف
حسسسيه ان فيج شي حسسيه انج مو طبيعيه خليه يفقد المرا السنعه اللي قايمه فيه.. خليه هو يبحث عن الاسباب مو انتي اللي تلحقينه وتشرحيله اسبابج اللي خلتج تتضايقين منه…
ثانيا
بعدين الله يهداج تقولين صارلج 17 سنه متزوجه منه.؟؟ هذي عشرة عمر يعني خلاص انتي الحين تبرمجتي على اطباعه وشخصيته عدل يعني تعودي عليه وعلى كلامه واسلوبه…يعني الحين انفجرتي؟؟؟
ما عليه مالج الا الصبر شتسوين بعد
الله يكون بعونج
حبيبتي طموحة بزيادة انا سبق اني طنشته وماعاد اقوله كلام حلو وفي مرة كان جايب غرض للبيت وقلتله وهو طالع فديت هالزول رجع علي وقال ايش قلتي قلت له فديت هالزول قال من زمان ماسمعت هالكلام قلت له هذا وانت من فترة بسيطة شلون المنحرم منه بالفعل كلامك صحيح انا تبرمجت على اطباعه بس ماني سعيدة تدرين ليش لان الرومانسية كانت حلمي ماجت من فراغ الاجات من حرمان وياليتها جات على كذا الالماأقول له الناس تمدحني يقول ايه يجاملونك تخيلي لدرجة مرة قلت له والله لوماأخاف من ربي كان شفتني زي بعض الحريم الامايكون لها صديق ولايرد علي مايدري عني سعيدة حزينة متضايقة تخيلوا حتى مايبني اشتكي واذا اشتكيت ويكون متضايق وهو يسمعني بعد فترة يقعد يعايرني يقول ايه انتي كل الناس تمشكلتي معهم عمرة مابين انه يزعل لزعلي او يوجهني اذا غلطت تصدقون والله اتمنى انه يتزوج بشوف المرأه تصبر عليه والالا انسى أو اتناسى بس لما احس بالفراغ اقول يمكن فيه حل انا زعلانه على العمر اللي بيروح والسبب واحد اناني سبب لي لامبالاة صرت ماهتم بأ شي له علاقة فيه ماالبس له في الغرفة ابيه يحس يتكلم كل الامور وحدة لبست ولامالبست كله واحد اكرهة لاناقشته قال احمدي ربك اني زوجك ماادري على ايش شايف نفسه تخيلوا انا سمعت عن الرجال كتومين بس مو حتى بحالة الخطر في ولادتي بنتي تعسرت ولادتي واظطرت الدكتورة لعمل عملية قيصرية طبعا لوان كل ولاداتي عملية كله واحد بس اول مرة بعد ماصحيت من البنج وان في الغرفة وكنت بموت من الالم واخواني فديتهم واحدماسك الدكتورة ويسألها ويستفسر ليش عملية والثاني يدق على الممرضات جيبوا ابرة عطوها مسكن وصاحب الجلالة وش تتوقعون يسوي والله بنتي الحين عمرها ثلاث سنوات عجزت انسى هالموقف كان ياكل سنكرس انسان عديم الاحساس لما اذكر هالمواقف احس تلوع كبدي منه حسبي الله عليه كانه حطمني حسبي الله عليه ولاملتزم يصوم ويصلي ويتهجد بالليل وعمرة سنويا على ايه لاتتوقعن شي يطرا على بالكم ماسويت لدرجة ان كل وحدة اعرفها وتتزوج اقولها اخذي مانع حمل لمدة سنه شوفي عن الرجال اذا كانت طبايعة شينة وتحسين انك موقادرة تستمرين معاه اتركيه من غير مايربطك بااطفال انا على طول حملت وتوهقت وكل ماافكر بالانفصال هبت فيني امي شبيقولون الناس عنا مابعايلتنا مطلقة يعني المهم الناس سعادتي مي مهمة
وعجبني فيك وفـآئك وحبك
مممم
وعندي بس نصيحه
آنتِ لآتتغيرين
عطيه من قلبــك ولا يهمك عطاه
في يوم من الايام ماتدرين كل الامور تتغير وتصير بـصالحك ولك
الله يسخره لك يارب
(=
شوووفي تبين نصيحتي عيشي الحب من طرف واحد وعيشي احلى قصة حب بعد المهم انتي تطلعين مشاعرج لأنه زوجج مستحيييييل يتغير ولاراح تاخذين منه لا حق ولا باطل………
لا تفكرين جذي
هذا ريلج جنه واحد يصيرلي ومرته تشتكي معااه تدرين شسوت!!
قامت لي بغت تسمع منه الكلمة الحلوه تطلعها منه على ضحك
قامت تقوله مرات هههه انت يالذوق ياللي ماخذ وحده مثلي ما اعبر عطنا ويه بس يالمغرور وتضحك معاه و اهوا يضحك
عادي خلج سلسه معاه خلج بس واااااااااااثقه من نفسج ضحكي معاه و تساهلي معاه هذا ريلج و نص الرياييل جذي
تبين تتدلعين تدعلي بدون ما تكونين ملحه عليه يعني دقي عليه دلعيه و هم دلعي روحج اذا انتي مو حابه روحج و ماعندج ثقه بروحج مااراح تحسين انه يحبج
انا اللي اشوفه كافي ريال متحمل مسؤوليتكم و مسؤوليت بيتج وين تلقين الحين ريال ماعنده خرابيط و ما يمد ايده و ما يسوي اشياء تهينج
عادي ترا مشكلتج بسيطه حيل لا تفكرين جذي حمدي ربج!!!!
الحمدلله انتي متزوجه وعندج عيال و بيت مستوره و امورج ماشيه و يمكن تشتغلين.. حبيبتي لهي عمرج هذا الفراغ اللي فيج من الملل
سوي جو حق روحج غيري شوي على نفسج ريحي نفسيتج وانشالله تتعدل امورج اكيد انتي تحبينه لو ما تحبينه ما تضلين معاه كل هالفتره
و انا متأكده انه 10000% يحبج و يبيج و صج انه مايعرف يتكلم هذا شي عادي كل الرياييل جذي
انتي لازم تفهمين ان طبيعت الريال مو نفس المرا الريال ما يعرف يعبر عن مشاعره واهوا كتوم شوي واذا تضايق يحب يوخر عن العالم لكن المرا تحب تشتكي
طولي بالج عليه هذا ابو عيالج و شوفي ايجابياته اتوقع انها وايد وانشالله تمشي اموركم عدل حبيبتي