|
|
السلام عليكم ورحمة الله وبركاته
اليوم حبيت أسمع رايكم في ( نظام المجموعات الطلابية في المرحلة الابتدائية )
( أولى – ثانية – ثالثة – رابعة )
حيث نريد في هذا الموضوع جمع
السلبيات والايجابيات لهذا القرار
أتمنى من الجميع إثراء هذا الموضوع بطرح الأفكار والآراء والبعد عن ( التحلطم 
)
وحياكم الله مقدما 
فعلا النظام القديم يساعد على ضبط الصف أكثر .. وخصوصية للتلميذة أكثر ..
وحياج الله 
وهذي أحد الإيجابيات
مشكووورة على المرور والتعليق
للطالب من ناحية انه ماعنده خصوصيه يعني طاوله وكرسي خاص فيه يحط فيه كتبه واغراضه ,,, مو الحين اتحسين منظرها مافي ترتيب
وللمعلم لما اصلح الدفاتر بعد ماينقلون من السبورة ,,,, ياربي احس زحمه والصف مو مرتب ماعرف اخذ راحتي لما اتنقل بينهم واصلح
وانا اعتقد انه هالطاولات تصلح للرسم للعمل التعاوني
عدل كلامج من سلبياته هذا القانون .. اعدم الترتيب وانه يسبب زحمة وعدم قدرة المعلمة على التحرك بحرية
حياج الله شعلى الزين
وناطرين الباجي
وهذي تعتبر من الايجابيات
مشكووورة على المرور والتعقيب
ومرسمنا فيه طاوله طويله على حرف يو تقريبا حيل متأذيه وبما ان المرسم مو مرسمي فودي بمجموعه مثل جذي احسسسن للصبيااااان حيييييل
وبالنسبة للصفوف
احنا خامس بروحهك طاولات بس من اولى لرابعه نفس جذي
والناظرة اطلبت من الاشراف الاداري ينسقون الصفوف وشكل الطاولات
بس صراحه لما حاولت ماقدرت
الطاوله نص دائريه يعني صعب تخلينهم مثلا على حرف
ومسووويه زحمه حيييييل بالصف
ومافيه ادراج يعني الصبي كل شوي بيدخل اغراضه بالجنطة واذا عنده اي شي مايقدر يحطه بالجنطه غصب عنه بيحطه 
صج شكله حلو ومفيد فقط في بعض الاحيان وحسب الدرس
لان سلبياتة اكثر من الايجابيات …..مثلا وخاصة الصف الاول
مشكلة فقدان الكتب ………..بنت دايخة تاخذ الكتب الي على الطاولة وتحطهم بجنطتها على انهم كتبها
كل سنة تمر علي هالحالة فكل ماضاع كتاب لبنية تلقوني افتش جنط البنات حتى لو مو كتاب انجليزي
استخفيت ……….كل مادخلت الصف الا وحده تبجي.
مشكلة الهوشات والغيرة الي مو طبيعية ………..الابتدائي صايرين يخرعون , ما أذكر على ايامنا قبل بالابتدائي نظام الشلل حتى بالفرص تشوفينهم مع بعض احس ان هالشي غلط توهم ببداية حياتهم على هالالتزام القوي
والتنافس موطبيعي …………شي سلبي والمجموعات لازم تخلق جو تعاون مو الشي الي انا قاعدة اشوفه
وبالنسبه للامتحانات ………..نظام المجموعة افقد الامتحان هيبتة واهمية عند الطالب و حرمان الطالب من شي اسمة تركيز ……………مساكين يكسرون الخاطر
والله يعينهم الي يدرسون الصبيان ……………ما قدر اتخيل وضعهم …!!!!!!!!!!!!!!!!!!!!!!!!!!!!!!!!!!!!!!!!!!!!!!! !
العمل الجماعي شي حلو بس بوقته …………….كان من الافضل انهم يسون مختبرات خاصة بهالشي
والمدرسة حسب درسها اذا يحتاج للمجاميع او لا
اولا عندج مشكلة ضياع الكتب و الدفاتر
و عندج بعد صعوبة السيطره على الصف كونهم متجمعين او بمعنى اصح
متكدسين بالطاوله الوحده 7 مثل ماهو حاصل بمدرستنا
تخيلي الانهيار العصبي اللي تحسين فيه و انتي تحاولين تسكتين فلان و علان !!
و هم عندج مشكلة ترتيب الطاولات
يعني ابلة العربي ترتبهم بشكل معين ما يناسبني انا ابلة الانجلش مثلا
و هذي حالتنا كل حصه لازم اول خمس دقايق نحوس بهالطاولات و نعدلها و على ما تخلصين
الا وقت مهم من الحصه رااااااااااح !!
لو يردون الطاولات القديمه يكون افضل لان هالنوع من الطاولات يفيد مواد معينه تحتاج
العمل التعاوني و القروبات
ياااااااااااااااا شــــــــــــــــيــــــــــــن هالنظام ياااااااااا كرهـه
حق الشطانه والسوالف والغش موشي 
انا ضده 100% وماله اي ايجابيه بس
الحلو فيه موديله والوانه حتى الوانه اخترب من شخابيط اليهال على الكراسي والطاولات 
الغششششششششش على ودنوووو و البركه بهالنظام