|
|
ممكن مساعدتكم
ولدي حزة الاكل حييييييييييل يلعوزني
يعني بالغصب ياكل لو تشوفونا لحق ملاحق
هو اسم لله عليه سنة ونص والله بنات تعبت نفسيا وهو صار طبعه كذا من جبت البنوته الصغيرة
قبل يحليله يقعد وياكل ويعرف حزة االاكل
الحين معاناة
ممكن تعطوني تجاربكم مع عيالكم شلون تاكلونهم؟؟؟؟
انا وليدي عمره سنة و9 شهور
مجنني بالاكل
عادي عنده يمر اسبوع ماياكل شي
تشوفيني انا وياه حالتي حاله مرة عند الدريشه
ومره في السطح
وكل مكان يطري على بااااااالج
عشان ياااااااكل
مابقى فاتح شهيه ما عطيته
عسى الله يخليه لي ويصلحه
الللللللللللللللللللله يعين
بس حاولي تتكلمين معاه انه اذا اكل راح تودينه مكان اهو يختاره او يحبه
ترى اليهال بهالعمر يفهمون
الاميرة المغروره حاولت معاه سويت كل تجارب الجذب ما كو فايدة
لا وبعد فيه حركات قام يسويها….صار عصبي وكله يخانق (( طبعا ما نفهم شقول بس الاكيد انه يخانق)) وبعد حركة جديدة انقرف منها (( قام يتفل))
كذا مره اطق ايده ولا ينفع؟؟؟
عطونننننننننننننيييي تجاربكم مع اول جاهل لكم شلون تعاملتوا معاهم؟؟
عموما .. في شغله غلط لو تلاااحظون بجيلنا بس احنا انسويها …
يعني لو كل ام من هالجيل .. تعيد شريط حياتها .. وتتذكر ..
امهاتنا كانوا ياخذون الصحن ويلحقونا من مكان لمكان … !! أكيد لا …
الغدا ينحط اللي بيااكل ياكل … واللي ما يااكل بيقرصه الجوع .. وماله الا وقت العشا صح ؟
وهالطريقه والله استخدمتها مع عيالي ..
وقت الغدا ثابت … لا تقولون ما يفهمون من سنتين يفهمون كل شي .. بس ما يعبروون ..
تبي تاكل ماااما أكل .. ما تبي مو لازم تاكل انا آآكله بدالك .. واصير اقوى منك ..
ولا ما تروحون وياااي للمكان الفلاني << اللي اهم يحبونه طبعا ..
والله من اقول هالجمله يبجون يبون الاكل ..
انا بنتي عمرها سنة وعنادها ترس راسها
الله يعينا عليهم لي كبرو
بس الياهل لا تغصبينه عالاكل
اهو حركي ونشيط ولي حرق الاكل بيحس باليوع واهو يدور الاكل
خليه ياكل متى ما ياع
الجنت جيرل صاجة والله قبل امهاتنا ما كانوا يغصبونا على الاكل وكان مواعيد الاكل محددة
بس بتع طريقتج
نملة زقرت انا صارت فيه هالحالة من يوم جبت البنوته
بس انشاءالله اطلع من الاربعين اقدر امسكه على راحتي وانظم وقته عدل