(((@@ ملتقي أمهات مدارس حكوميه لمناقشة أمور أبنائكم: الأول ابتدائي وغيره:** ))

السلام عليكم ورحمه الله وبركاته

خواتي الكريمات
هذا الموضوع مخصص لالتقاء الامهات اللي عيالهم يدرسون بمدارس حكوميه باختلاف مراحلها

لتبادل الخبرات
والتجارب المفيده
كل وحده تذكر عيالها باي مرحله
واي صف
وشنو طرق الفعاله في التدريس
اذا تستخدم طريقه معينه لتحفيظ والتدريس
اذا في نماذج امتحانات او مذكرات معينه مفيده تستخدمها بالتدريس

تقسيمج للوقت لدراسه الاطفال

اذا في حصص تقويه مناسبه

من وين تشتري المعدات المكتبيه والتجهيزات
افضل اماكن لعمل الوسائل التعلميه
واي معلومه تراها مناسبه وممكن تفيدها اختها

وربع تعانو ماذلو

يعطيج العااااااااااااااااااااااااافيه حبيبتي

مشكووووووووووره على الموضوع صج نحتاج وحده تساعد الثانيه بأفكارها وطريقتها ..

بنتي بالصف الرابع خلصت مدرسه ولله الحمد وأنطر النتيجه

وولدي بالروضه بعد تخرج ولله الحمد

والدور والباجي على ولدي العور في الصف السابع

هذا اللي صج امتعبني ويبيله اجااااااااابل أكثر من اخوانه

قسمت وقته وخليته يدرس المواد قبل الامتحانات الحمدلله بس تعبت لانه متعب .. بس يدرس يقول يوعان حصران .. عطشان ..

تعبت من دراسته

حطيت موضوع حق مدرسات الحاسوب محد رد علي يقولي بس يحفظ التقويم …

وابي أتأكد .. اللي يشوفني يقول انا عندي امتحان …

الله يعينا ياااااااااارب ويفتح لهم فتوح العارفين ..

يعطيج العافيه مشرفتنا

يالله نبي ردود ومساعدات خاصه بهالوقت نبي كل يوم مواضيعنا تتجدد ونعرف اخبار بعض وننفع بعض

الله يوفق عيالكم يا رب
ويخليهم لكم

ومشكورة حبيبتي دانسنج كوين

وان شاءالله الكل برسم الخدمة للجميع

الف مبروك تخرج المحروس حبيبتي
تفرحين فيه معرس امين
وعئبال ماتبلغينا بنتايج العروسه اللي برابع

وعلي ولدج االي بسابع
شفتي السايت اللي حطيته بموضوع سابق فيه نماذج امتحانات تقدرين تاخين منه حاسوب

العفو حبيبتي ماسوينا شي

شلون مدرسة عمرة بنت حزم الابتدائية للبنات بالفيحا

مدرسة عمره بنت حزم خوش مدرسه ناظرتها فوزيه الشطي

خوش ناظره بس شديده وماتغشمر مع البنات اللي تتكرر مشاكلهم

وتنقل على طول ومايهمها اول السنه ولا اخرها …..

اي والله حبيبتي الموضوع وايد حلو انا ولدي بروح الروضه وايد خايفه لان كان ودي مدارس خاصه بس الضروف ماسمحت وياريت اتفيدوني بمدارس الحكومه

السلام عليكم شلونكم يا امهات ان شاء الله بخير
الصراحه هذا الموضوع حلو ومفيد للجميع مشكوره حبيبتي

انا بنتي العوده بتروح أولى ابتدائي مدرسه ام القرى برميثيه والصراحه وايد احاتيها لانها خجوووووله وماتتكلم وهاااادية ودايما افكر اقول انها راح تقعد بالصف ورا وماراح تشوف شي ودايما اوصيها حلي الدرج الاول << سوالفنا قبل ههههههه
بس صج وايد احاتيها 00

واللي بناتهم عدو الصف الاول خل يعلموني شلون النظام بالمدرسه الابتدائيه يعني عن اول يوم دراسه عن الكتب عن الغياب 000الخ

وبنتي الثانيه بتروح ثانية روضه ( روضة الخليج العربي ) هم برميثية الحمدالله هذي مطمنه منها ماشاءالله عليها اجتماعيه ما احاتيها

يالله امهات فيدونا وناطره ردودكم

؟؟؟؟؟؟؟؟؟؟؟؟؟؟؟؟
للرفع

كل عام وانتم بخير

بدينا الاستعداد للمدارس

الله يوفق عيالنا نبدي افكار ارشادات شلون يكتبون الواجبات شايله الهم

متى يداومون اولى ابتدائي والروضه ؟

هلا و الله ..

اشرايكم بمدرسة الشاميه المشتركه للبنات ؟

انا ولدي بروح ثانية ابتدائي وبنتي ثانية روضة

الحين تونا بدينا التجهيز للمدارس من ملابس وادوات مدرسية وبعد بعض التمارين على الناهج

وساعات اعطيهم اوراق عمل من السنة الي طافت واحلها معاهم

وبالنسبة للدوام

راح يكون انشالله اولى ابتدائي 99 والباقي 109
والروضة نفس الشي

هذا الي مكتوب على الشهادة

أحلى تحية لأحلى الأمهااااات ……..