|
للأسف آنة حولت مدرسة اجتماعيات ثانوي وقاعدة أحاول اني أرد لأني أحس إني كنت شاطرة وعندي موهبة حرام تضيع بالثانوي وكان تقديري امتياز من أول سنة
ولكن القرادة وحقد المدرسات وحسدهم لأن الناظرة كانت تموت فيني
والموجهة بعد تحبني وتعزمني شخصيا للفعاليات لكن غلطة عمري وفي لحظة طيش جنه مسويلي *** اللهم ياكافي
كتبت نقلي والناظر تخيلو تحاول معاي بس ماأدري ليش عاندت الكل وحولت
والحين آنا ندمانة وكل ما أشوف يهال وروضة تخنقني العبر لأني هديت النجاح والوناسة ورحت مكان كلة جد وظيقة خلق
تدرون شنو المدرسا قمة في الجد وظيقة الخلق ترى يامعلمات رياض الأطفال انتو غيييييير سبحان اللة
من كثر ما ان نونس اليهال ترى واللة يأثر على الشخصية صدقوني مجربة الفرق ترى حتى طريقة السوالف هم غير
أرجو انكم تساعدوني بتعليقاتكم وهل يصير اني أرد علما بأن تخصصي علم نفس من الأداب
استخيري غيري مدرستج يمكن العيب فيها..
اما سالفه التحويل والله ماادري.. انشالله البنات يفيدونج.. او الجهات المختصة.
شلون الطريقة علميني؟؟
وليش ماعجبج الوضع هناك اعرف وااايد حولوا ومرتاحين؟؟؟
بالنسبة للي تسأل عن النقل ترى كل سنة تقريبا الوزارة تدز نشرة للمدرسة تطلب فية معلمات علم نفس يعني لازا تكونين علم نفس وعادي يصير نقل ومقابلة
أما بالنسبة للوضع اللي انا عايشة فية فالله لا يوريج ترى ضضضضضضضضضيييييييييييييييم وظلاايم وتعب الدوام وايد طويل يعني عادي تتغدين على صلاة العصر والتحضير اليومي انتهي هااا اليومي يحتاج منج وقت طويل لأنج تبين تدرسين المادة علشان ماتقولين معلومة تفشلج جدام البنات وتطلعين أبلة طرطنقية ماتعرف كوعها من بوعها هذا غير الامتحانات اللي لازم تسوينها سواء قصيرة أو فصلية وأزيدج من الشعر بيت ياحلوة
التصليح لي الساعة عشر بالليل تخيلي الوضع واللة انه حاشني عوار بكتفي مو طبيعي وعيوني طاحت هذا غير اني هديت عيالي والحالة حالة وتروحين الدوام اليوم الثاني الا عندج مراقبة مادة علمية بو3 ساعات وياااويييلج ان قعدتي على الكرسي
وغير ملاقة المراهقات اللي تعلق واللي قليلة ادب تقط حجي وووووووووالخ
ترى والله آنا متحسفة وايد وكاتبة نقل لرياض الأطفال مرة ثانية ولحد يقص عليج يقولج أريح ترى ماعنده سالفة
ترى الأطفال غيييييييييييييييييييييييييييييييير
مافيه احد مرتااااح
لااااااااااااا مافي احد مرتاح
لوول
مرتاحات حيل وتعودو علية يبيلج وقت
ونصيحة مادام طلعتى لاتردين فكرى بالاشراف احنا الروضة لما نعجز وماجانا الاشراف
يبة رفيجاتى ابتدائى متوسط ثانوى وصلو وكيلات واهما معاى خدمة 14سة
الروضة متى يجيج بااللة عليج بابا كل المراحل يمشون عليهم بالف عافية الا احنا مكانك سر
واوكى الناظرة والموجهة يحبونج لانج تشتغلين بس لو يصير عندج ظرف واحد نسو كل التعب والشغل الى سويتية
اسفة انى طولت عليج بس نصيحة لاتردين واستمرى لحد ماتعودين التعب اول سنة واللة يوفقج فى مشوارج
وبعدها شوفي انتي مقتنعه بشنو وقيسي الايجابيات والسلبيات سواء للروضه او الثانوي
ونصيحه لا تتخذين قرار الا انتي متأكده منه عشان ماتترددين وتتبهذلين
وتوكلي على الله وارضي بقسمته والله يوفقج
انا ابي احول, قوليلي شنو الاجراءات للتحويل؟