|
|
السلام عليكم
اتمنى اتساعدوني .gif "Eh S(1)")
عندي تقرير ميداني للتربية الحركية في رياض الأطفال ولازم اروح جوله ميدانيه حق روضة ..
بس ماقدر اروح بسبب :
1- جدولي المزحوم, والوقت الي امارسون فيه التربية الحركيه عندي محاضرات !
2- صعوبة الاجراءات المطلوبة للموافقه لدخول الروضه.
3- ماعرف معلمة روضة, اتجاوب على اسئلتي
وياليت اتقولون لي عن عمل اي حصة في هالايام شنو الخبرات الحركيه الي مارستوها ومشاكلها او صعوباتها , واذا في منهج معين ماشين عليه , ومدى استجابة الاطفال في الحصه وهل في تواصل وتفاعل بين الأطفال مع بعضهم بعض او مع المعلمة .
وهل المدرسة اموفرة جميع الامكانيات اللازمة؟
واين تمارس هل في ( الساحة , الصالة ,…)؟وهل هو مجهز لاداء المهارات؟
وهل تستخدم الوسائل التعليمية ؟ و القصة الحركية؟
ومن اين اخذت المدرسة الخبرة الحركية : من الروضة ام من الجامعة اثناء الدراسة؟
وهل استفادة المعلمة من الجامعة سواء في الجانب النظري او العملي؟
ولي اتساعدني بدعـــــــــــــــــــــيلـــــــــــــــــــهااا .gif "Eh S(2)")
بليز بنات ساعدوني .. والله مادري شسوي
الناس يعملون
واذا في منهج معين ماشين عليه
منهج بدور المطوع — كتابها ناخذ منه الحركيه
, ومدى استجابة الاطفال في الحصه
يستجيبون لحد ما
وهل في تواصل وتفاعل بين الأطفال مع بعضهم بعض او مع المعلمة .
فيه تواصل
وهل المدرسة اموفرة جميع الامكانيات اللازمة؟
نعم الروضه موفره كل الالعاب والتقنيات للحركيه
والدرسه تحظر مسابقه الخبره بس لنهاية الحركيه
وتكون مثلا صورة نجار
يركبون ادوات النجار تحتها
ومشاكلها او صعوباتها
صراحه كتاب بدور وايد صعب عالاطفال وفيه اغلاط كثيره ولما نطبقه بحذافيره ماكو استجابه من الاطفال وصعب وايد عليهم
بس انا دايم اغير فيه بحيث يكون متسلسل ومترابط وسهل عالاطفال
واين تمارس هل في ( الساحة , الصالة ,…)؟وهل هو مجهز لاداء المهارات؟
في صالة مكيفه هي نفسها صالة النشاط الصباحى ومجهزة بالدوات فيه مخزن فيه ادوات الحركيه
وهل تستخدم الوسائل التعليمية ؟ و القصة الحركية؟
نعم بعد الاحماء قصة حركيه مثلا عن النجار وااوريهم صورة النجار
وادواته ويقلدون حركاته
ومن اين اخذت المدرسة الخبرة الحركية : من الروضة ام من الجامعة اثناء الدراسة؟
من الكليه
وبصراحة الكتاب مال بدور المطوع صعب جدا عالاطفال
انا درستنة سلطانه الشطى وبصراحه روعه وطلعتنا متمكنين من الحركيه
وطريقتها سهله وبسيطه وروعه
ومناسبة لعقليه الطفل
وطبعا استفدنا من الحركيه بالكليه دراسة وتطبيق
لانا بالتربيه الاساسيه
كانو يعطونا نظري وعملى
بس حبيت اقولج شي علشان مايجكونج 
شوفي الحركيه نقدمها بالنشاط اللاصفي يعني الساعه 11وربع بعد الوجبه الخفيفه اوكي
خبرة الناس يعملون اسم المهارة اللي عطيتها مهارة الجري راح اعطيهم مهارة وحده بس الفصل الياي مهارتين بس لازم يكونون متقاربين
أنا ما امشي على اي منهج أنا احط المهاره من عندي او اخذها من زميلاتي وابدا المهارات من السهل ألى الصعب
مثلا المشي .الخبره اللي وراها الجري .اللي ورها القفز وراها الامتداد وراها . الوثب
الاطفال يحبون الحركيــــــــــــــــــه حيل بس اغلب المدرسات بصراحه ما يحبونها لانها متعبه
بس اذا علينا حركيه كل شي لازم نوفره من مسجل من منبه من وسائل
الروضه توفر لنا جميع الادوات ماعندنا نقص باي اداه نمارس الحركيه في الصاله وما افضل بالساحه لان الجو وارضيه الساحه ماتساعد
نستخدم الوسائل التعليميه من مصورات خصوصا في المسابقه بالنشاط الختامي وايضا نستخدم القصه الحركيه التعبيريه
اخذا المهارة من زميلاتي او مشرفتي
انا مااستفدت من ماده التربيه الحركيه بجامعه الكويت لانها كانت نظريه ومنهجه ماله شغل بمهارات الاساسيه للطفل
حبيت ابين لج تقسيمة الحركيه ومدتها 40 دقيقه
متوزعه بهذه الطريقه
النشاط الحركي 5 دقايق
النشاط التعليمي 15 دقيقه
النشاط التطيقي 15 دقيقه
النشاط الختامي 5 دقايق
واي سؤال انا بالخدمه .gif "Eh S(9)")