|
السلام عليكم يا ابلوات شلونكم
الحين بتبدى العطله حق السهر …..احلى شي
بنات اشرايكم ندخل ونسولف عن مادتنا عيوبها ومميزاتها ….هذا اذا في مميزات ههههه
وعن المنهج اليديد والنظام اليديد شنو ايجابياته وسلبياته
والورش الحلوه والاعمالمع البنات وورش العمل
ويعني انفرغ هموم المدرسه والماده اهني
حياكم حبايبي
قوه حبيبتي موفقين بتخصصكم بس بغيت اسال جتنا نشره للتحويل لتخصص الديكور اوالكهرباااا شرايج فيه شلون تخصصكم حلووو ولالا متعب وشغل ولاحده راااااحه شنوووو ايجابياته وشنوو سلبياته ؟؟؟؟تدرسون الثانوي ومتوسط ولا المتوسط بس؟؟؟؟؟؟
|
والله حبيبتي الكهربا ما اعرف عنها شي لانها موتخصصي
وبالنسبه حق الديكور والله مافيه راحه خصوصا اذا الناظره تحب الشغل والبهرجه والماده حلوه للي يحبها انا بصراحه مو ميولي النجاره والماده عمليه عشان جذي شوي مومتقبله احب المواد النظريه اكثر
أنا تصميم داخلي المفروض نعلم الطالبات شنو ألوان ادارجه وآخر تطورات الديكور مثل الاسقف الابواب الدهانات وأشكالها
نعلمهم الترتيب التنسيق توزيع الاشياء
مو آخر عمرنا نجارين شنو هتطور العجيب
لو فيهم خير مو يايبين رياييل يدربونا ليش الموجهات إلي شادين حيلهم جان يودو
الخشب والمناشير واشتغلوا
والله حتى أنا ماني متقبله المادة ولا أحب العملي لافيها انوثة صرنا رياييل على آخر
عمرنا ماطلعنا من المدرسة اأشكالنا نظيفه لازم نشارة الخشب على هدومنا وعلى لافتنا
الله كريم ويفرجها
انزين ماحاولتي اتغيرين تخصصج
امبيييه انا امومه وكل ما أذكر اني برجع للنجاره والخشب يضيق خلقي
صارلي 21 سنه مللونا أطلع تقاعد أحسن
انا صارلي 10 سنين ولايعه جبدي قاعده افكر اروح التطبيقي اداريه بس ينزل من معاشي 300 متردده جنه حرام
الله وكيلج افتريت على مناطق الكويت كلهاههههههههههههه
كل مكان وله اسبابه
شلون ادارتكم ؟ تبي شغل واايد؟
بس كل هذا يهون
ولا نجاره
قبل جم سنة نودي الخشب لنجار ويقص الخشب حسب الصوره
لكن الحين لوعة جبد
إحنا لو على قلب واحد جان وقفنا بوجههم لكن حريم كل وحده تكلم من جهه
عيل منهج كلا نفس الشي لكن ما اقول الله يعينا على منهج ثامن وتاسع
يبونا نعلم تاسع شنو صندوق قطعيه زاويه قطعيه
والله استحي أحط اسمي على الكتب هذذي شوفي الصور إلي يقطع الخشب ولي ينشر كلا صور ريايل
ولي يدهن الخشب ويجمل الحريم
عندكم بالعاصمه ناظره اتينن اسمها سعاد الحداد امنيتي اكون عندها
صج انسانه بكل ما تحمله الكلمه من معنى
ودي احول ابتدائى بس مادري شلون؟
انا معاكم بعد بنفس الراي
لان اللي درسناه بالكليه غير عن اللي ندرسه للبنات الحين
حتى البنات يتحلطمون من العدد وقص الخشب والصنفره ولا بعد شنو يقولون ابله احنا شنو اللي نستفيده لما نقعد نقص الخشب واللي تقولج انا مريضه مااقدر اقطع الخشب
المفروض نعلم البنات على التصميم للبيوت وتوزيع الاثاث وغيرها من الجماليات داخل البيت واختيار الالوان وشغلات وايد غير عن قص الخشب والصنفره والصبغ
احنا صراحه صدورنا راحت فيها من الربو
اشلون يبون شغل حلو والبنت ماتعرف اتقص واتخاف من المنشار ومو حابه اصلا القص
وكله كوم والصنفره والغبار كوم ثاني