|
مساء الخير بنات اخباركم ماني عارفه من وين ابتدى يمكن قد قلتكم عن اهلي وكلامهم الجارح لي اني خلاص ماراح اتزوج وبطق الخمسبن ماتزوجت مثل العوانس مرات مااهتم ومرات اقعد ابكي سنه بساعه قهر على حظي والحين كل ماجا راتبي مع انه قليل قالو عطينا لو محتاجين واقعد اقصر على عمري وانا الي قبل كل ماقلت عطوني شي قالو لا ماعندنا ادا قلت لامي غيري عدلي الصاله قالت لي صار لج بيت سوي فيها اهلي مواجتماعين وغير كلام جدتي العجوز جت والعجوز الي ماتزوجت جت الاهم من كدا الفراغ العاطفي كله احس محتاجه حنان كله ابي اسمع كلمه وحده احد يحضني صرن افكر بالجنس واجد شسوي تدرون واحد معاي بدوام كله يطالع فيني له مده لكن ماكلمني مرات اقولادا كلمني عادي اكلمه ومرات اقول لا انا جربت الحب من قبلولافاد شي الشي الوحيد اني صرت ملتزمه بعلاقتي مع ربي لكن انا محتاجه اكون مستقله بروحي عندي زوج يحبني وعيال ليه يصير معاي كدا ليه متى اتحمل كل هل الحرمان بنان قولي شنو الشي الي حسيتوة عند الزوج او الزواج احسن من عند الاهل
دعاء تيسير الزواج لبناتكم الشيخ عبد الحميد كشك‎ – YouTube
واللي متزوجه هم مو مرتاحه
مافي احد مرتاح واهلج الله يعينج عليهم واذا احد قط عليج كلمه احتسبي الاجرً
من ناحية اللي معاج بالدوام ديري بالج لايقص عليج الشيطان وتخسرين رضى ربج
ومثل ماقالت الاخت اللي فوق شوفيلج خطااابه وان شالله ربج بيعوض صبرج خير
يا قادر يا مقتدر أرزق أختنا مزيونة الخبر بالزوج الصالح عآجلآ ليس أجلآ ..
– أن تمنح نفسها فرصة للإنجاز والعمل وتحقيق الطموح ، وتستثمر هذاالوقت الذي تقلّ فيها المسؤوليات والتحديات لاختصار الكثير من عمرها وطموحها ..
فحين يراودها الشعور بأن الزواج قد تأخّر .. فإنها تطمئن نفسها بأن الله يرعاها بعينه وأنه أرحم والطف بها في حكمه وقدره .. " الله لطيف بعباده " " والله يعلم وأنتم لا تعلمون " .
هذه المعاني الإيمانيّة هي وقود الانجاز ، والعمل واستثمار الوقت وترشيد التفكير .
وإنّي والله اقول لكل إنسان – ذكراً كان أو أنثى – لا تغلق على نفسك هذا الباب …
باب الدعاء هو اوسع ابواب الرزق والبركة والتوفيق ..
اسألي الله بصدق أن يرزقك الزوج الصالح .. ولا تستعظمي على ربك شيئا .. فإن الله هو الذي بيده خزائن كل شيء .. وهو ( الجواد الكريم ) .
أفمن يؤمن بحق بأن الله هو ( الجواد الكريم ) يتأخّر في سؤاله وطلبه والانطراح بين يديه مضطراً منيباً .. وهو الذي قال " ادعوني أستجب لكم " ؟
ولأن الفتاة ليست كالرجل في إمكانيّة الفرص ( الماديّة ) المتاحة لهما في البحث عن شريك الحياة ، فإن الله عزّ وجل يسخّر لها وييسر لها ما يكون سبباً في أن يُطرق بابها ..
الأهم أن تطرق بابه بصدق ويقين . " ومن يتق الله يجعل له مخرجا . ويرزقه من حيث لا يحتسب " !
الحياء والعفّة . . باب ( رزقك ) فالزمي هذا الباب .
تذكّري دائماً .. الزواج ليس ( ملجأ ) ولا ( مهرب ) !
الزواج حياة جديدة بمسؤوليات جديدة وتحديات أكبر من تحديات ( العزوبيّة )
قليلهم هذا نصيب ولو بيدي كان تزوجت من زمان
حطي اسمك عند خطابة
وربي يرزقك بالزوج الصالح عاجلا غير اجل يااااااااااااااااااااااارب
يمكن ربي رزق غيرك بزوج غير صالح ليختبر صبرها وكيف تقدر تأثر عليه وانتي أخر زواجك ليختبر صبرك وكيف تقدرين تتحملين كل شيء عشان الله ومن هالأشياء الفتن وعلى قدر صبرك يقاس ايمانك ..
السالفه كلها أختبار .. ومافي احد مرتاح لا تتعلقين بهالدنيا اذا ربي ماكتب لك شيء لا تتعلقين فيه ..
اذا الدنيا كلها زائله ف هالامور المفروض نقدر نصبر عليها "
حب الزواج والانجاب وتكوين اسره شيء فطري .. لكن اذا تأخر ماناخر كل حياتنا عشانه بالعكس نعمل ونصبر لحد ماتنتهي المسافه المو صله اليه .. لو تعلمين المده المتبقيه لزواجك لأحسستي بأن كل شيء يستحق الصبر .. لان بعد الصبر فرج والصبر غرضه مقياس ايمانك وبشر الصابرين هُنا بشرى للصابرين اذن هناك غرض من الصبر ..فلماذا نجري وراء التفكير والمحبطات وننسى الغرض الاساسي الذي هو الايمان والطاعه والذكر والاخلاص والتقرب لله والدعاء والصدقات والوتر و و و كل هذا من اغراض الصبر والبشرى هي صلوات من ربي ورحمه وأولئك هم المهتدون.
انا مريت نفس ضروفج تأخرت بالزواج بسبب ظروف صحيه كانت عندي رغم اني للحين صغيره بس مقارنه مع خواتي يلي تزوجو على عمر ١٩ و٢٠ اعتبر متأخره
وكنت فعلا احس بنقص رغم ان اهلي الله يحفظهم لي عمرهم ماقطو حجي بس كنت احس بعيون ماما نظرة حزن ورفيجاتها كل مادشو بيتنا يقولون وين الرياييل عنج مايشوفون هالجمال ههههه (بس طبعا انا ناعمه وايد ومملوحه مو ملكت جمال هههه) .. وكنت اتمنى اتزوج بس عشان اخلص من كلام الناس ونظراتهم لي و يوم تزوجت قلت ياريتني للحين بحضن امي
يعني خلاصة الموضوع مو كل من تزوج سعييد وعن نفسي والله لولا نظرات الناس وكلامهم ئلي ما يترك احد بحالة
كنت ما فكرت بالزواج اصلا
فنصيحه لا تخلين موضوع الزواج عقده اتنكد عليج حياتج بالعكس عيشي حياتج بالطول والعرض واستانسي
وان كنتي حابه الزواج عليج بسورة البقره انا عن نفسي قريتها ٤٠ ليله كل يوم اقراها كامله بقعده وحدة عشان كان عندي مشكله صحيه …
وبنفس هالسنه اتعالجت من مشكلتي والله رزقني فلوس زادو راتبي وشريت سياره موديل سنتها وما مرت سنه من قرايتها الا وخلال شهرين انا مخطوبه ومتزوجة يعني ماشاءالله ولا قوه الا بالله العلي العظيم الله فتحها علي من كل الجهات الحمد لله والشكر يارب