|
|
قوه بناااااااااااااااااااااااااااااااااااااااااااااااا ت
تدرون الواحد يدور المدرسة الزينه حق عياله
وانا عندي ولد واحد والحين اهو بالحضانه واحاتي اذا بدخله الروضه السنه اليايه وماودي حكومه
ودي استفسر واستفيد منكم عن مدرسة الباكستانيه الانجليزيه بحولي شلونها انا وايد ناس يمدحونها بس يقولون وايد حفظ وواجبات وانا ابي جذي ابي ولدي يتأسس ويتعلم
ياليت اللي حاطه ولده او بنتها تقولي شنو استفاد ولدها وخلي الباجي الاعضاء يستفيدوني
صج مغثه ….. واجبات وااجد
ويعطونهم لغه اورديه …. يعني مو كفايه الانجليزيه
طبعا الاورديه لصف ثانيه روضه
ويعطونهم حساب وعلوم بس بالانجلييزي
يعني تعقيد تعقيد …. احنا نبيهم يفهمون عربي بالاول
وغير هذا مافي طرق تشويق للطفل مثل الروضه العاديه …. يعني الطفل بهالسن لازم تستخدم طرق مختلفه ومشوقه في التدريس للفت انتباهه وعشان يحب الدرس …. يعني الوان وصور ورسومات .. ولازم بعد يعطونهم مادة رسم عشان يصير تفكيرهم واسع ويبدعون
وغير جذي مايعطون الصغار اكل …. يعني مو مثل الروضه الحكوميه يوزعون الوجبات الصحيه ع الاطفال
لأ عندهم مقصف وخاص للكبار واكل حده مو صحي
حدي متضايقه من اخوي لانه ماطلع ولده من هالروضه
المشكله مايعطلون الا بنهاية شهر سبعه مادري تسعه
طريقتهم معقده
وانا ودي يعطل مثل باجي العيال عشان ماينقهر
ياحلاتنا معطلين وهذا بو اربع سنين للحين يداوم
شي يبط الجبد
المدرسه الباكستانيه ما أحبها وعمري ما أفكر أودي عيالي لها..لا لعب ولا تربيه بس الطفل قاعد على الكرسي (ابو الهول)وتحشيه بالمخ..بالعطله راح ينسى كل اللي درسه..والله ما يسوي …
وينك ياتوت عنكبوت مدخله عيالها الثنين فيها انشالله تفيدنا ..
مايلعبونهم ولا شي بس قاعدين بالصف ويدرسون والفرصه عندهم يعني كل وااحد ووحده يطلع من جنطته الاكل الي جايبه من البيت وياكل
وعااد شوفي حسب الطفل واهتمامه ……. يعني الاطفال بهالسن مايعرفون ياكلون جذي …. لازم احد فوق راسهم يهتم فيهم وينصحهم ياكلون .. اما بهالروضه طااف بتاكل بكيفك ماتبي بكيفك
وفي اهل ينسون يحطون اكل بجنطة عيالهم …. والله يجي ولد اخوي يقولي عمتي رفيجي ماعنده اكل قمت وعطيته الشيبس مالي
والله احسن الروضه الحكوميه عالاقل في وقت للاكل وفي مكان مخصص للاكل والاكل صحي والمدرسات فوق راس الصغار ويحثونهم ياكلون
رديت مره ثانيه على الموضوع لان حدي كارهه هالروضه
بس الله يسامح اخوي ومرته
أنا رحت المدرسة الإنجليييزية بس اللي بالفحاحيل
تلوع الجبد
كأني داخلة سجن
صبغ الطوف مقشر
والطاولات مكسرة
لا اااا و اليهال مسكرين ممرهم عليهم بالباب على شكل قفص
و جوهم كلش مو جو دراسة
ماعندهم إسلوووب يالتدريس كله تحفييييظ و تحشية مخ
لاتشوفين المدرسين هنوووود و إنجليزهم إنجليزي على هندي
و عطلهم عكس الناس
زوجي مارضى أدخل ولدي فيها لإنه تخرع … والله ماألومه
آخر شي دخلته مدرسة كيمبردج الإنجليزية
روووووعة
إهتمااام
تدريسهم وناسة أنا إستانست منه
رحلات
وماشاالله طريقتهم حلوة بالتدريس
عروس وربي يعيني
om-3abood
الأماكن
بناااااااااات وين صايره هالمدرسه اللي تكلمتووووا عنها
أبي عنوانها بالظبط
|
المشاركة الأصلية كتبت بواسطة om-3abood
 لا تتعجلين بالدراسه …خلي الطفل يعيش عمره..واجبات وألتزامات حق طفل عمره أربع أو خمس سنين….ليش ؟؟؟؟لاحقين على الدراسه…
المدرسه الباكستانيه ما أحبها وعمري ما أفكر أودي عيالي لها..لا لعب ولا تربيه بس الطفل قاعد على الكرسي (ابو الهول)وتحشيه بالمخ..بالعطله راح ينسى كل اللي درسه..والله ما يسوي … |
اتفق معاج
دخلت ولدي سنه ..
وكسر خاطري ..
ورديته للحكومه … حرام والله الولد انتعش .. و صار يسولف عن الروضه و اليهال و عنده اصدقاء .. و وناسه لما اييج يقولج نشيده عن الكويت او آيه من القران ..
لاااااحق على الدراسه و ضغوطها ..
خليه يستمتع بطفولته .. ووقت الدراسه عاد تابعيه و درسيه
و اعرف وحده مدخله عيالها للباكستانيه … و العصر توديهم لنفس الابله ابيتها عشان اتدرسهم و اتراجع لهم و يحلون الواجبات عندها ..
ضغط عالام و اليهال ..